يا عشقاً كلما حكيتُه هام به الفؤاد ويا غراماً زاد عشقهُ حد الهيام

٢٧

أرووووع شعور انك تولع بمخلوق
‏وتنسى بحبه حب كلللل الخلايق
‏.
‏تلغي حقوق وتخترع لجله حقوق
‏ولو يطلبك روحك تجيه بدقايق

————-
غالب بإستنكار
- وشهو اللي تقولينه ياخالة؟
تعبت وهي تمثل القوة والثبات مسكت يده وجلست عالارض وحطت يده على جبهتها جسمها يهتز ودموعها اخذت مجراها
رفعت عينها ونظراتها تترجاه
اردفت بنحيب ونبرة ترجي
-تزوجها ياغالب تزوجها
لاول مره غالب يشوف خالته بهالضعف كانت دائماً شامخة وقوية ماشافها بالضعف حتى على ايام مشكلة فلاح

-والله انتي تعبانه كل ليلة اسمع ونينها واشوف عيالي ناويين يقتلونها اخاف اغفى شوي والقيهم ماخذينها و ذابحينها ، هذاني اسبوع والنوم مايزور اجفاني خذها وريح لي قليبي ادري فيها تحبنك وانا قليبي ماراح يتطمن الا ان كانت معك ولو بس تاخذها لين مالسالفة تتنسى واوعدك ان كان تبي تتزوج انا اروح واخطبن لك بنفسي واخليك اتطلقها وتشوف حياتها مع اللي ترتاح له خذها هالفترة بأسم زوجتك ومحد راح يقرب منها

نزل مسواها وقبل راسها واردف
- عالبركة ياخالتي دامك طلبتيني ماردك وبكرا ان شاء الله جايكم وخاطبها امسحي دموعك واعرفي ميان محد يمسها ارتاحي
- الله يسعدك ويرزقك الذرية الصالحة ويوفقك ويبعد عنك كل شر
ابتسم
-امين.
———————
نزلت من سيارة زوجها ولابسة عباتها عالراس وقفت امام البيت وتدق الباب بطريقة مزعجة
اردفت مزنه بعصبية وهي تسمع الباب
- طيب طيب .. يالله
فتحت الباب وسرعان ماارتمت بحضنها
واردفت بحماس
حنان :يمه مشتاقة لك انتي والقرية ماتدرين شكثر
مزنه اللي موقادرة تتوازن لانه حنان متمسكه فيها ورامية ثقلها
-ابعدي عني يابنيه راح اطيح على ظهري
ابتعدت ووشالت غطاها عن وجهها
عقدت مزنه حواجبها واخرجت راسها من الباب

واردفت
- وينه زوجك لايكون ردك علي من اول اسبوع وش مسويه بالرجال انتي  وضربتها على زندها
- هذا بدل ماتستقبليني بالهلا والمرحبه جاية تستقبليني كذيه شكراً يمه جرحك وصل

-اقول ادخلي القرية كلها درت انك جيتي من صوتك اللي يلعلع ، فسخي عباتك وتعالي نأكل الغنم مساكين من رحتي وهم مايقبلون ياكلون صارو خيزران فديتهم
وبعد ماتخلصين تعالي سبعي لي المضيف جاينا ضيوف

- يمه انا بنيتك حنان مو العامله ذكرتيني
مسكت عصاتها وضربتها على ظهرها
-اقول ماتركدين انتي الا من تنضربين بالعصى

دخلت حنان بحماس للبيت
-وينها ميان ؟
تنهدت واردفت
-بغرفتها
-للحين نايمه ؟
راحت فتحت الباب المروحة بالسقف تدور وتعطي هواء خفيف

فتحت النور وهي تشوف ميان مستلقيه ومغطيه وجهها
اقتربت وادرفت
- ميان ماتقومين تسلمين على عمتك
سحبت الغطى منها بسرعة وتفاجأت من الكدمات الخفيفة على وجه ميان