[Unicode]
ညဥ့်ယံအချိန် ရုံခန်း၏ တိတ်ဆိတ်နေမှုကို ဖုန်းမြည်သံသဲ့သဲ့က ဖျက်စီးပစ်လိုက်၏။ အက်ဒင်ဘရာမြို့တော်ဆေးရုံ၏ ရုံးခန်းဆိုဖာပေါ်တွင် အိပ်ပျော်စပြုနေသည့် ယွင်ရှီးမှာ ဖုန်းသံကြောင့် မျက်ဝန်းတွေ ဆတ်ခနဲပွင့်သွားရ၏။
ယနေ့က ယွင်ရှီး ညဂျူတီကျသည့်အလှည့်ပင်။
အရေးပေါ်ဌာနက on call ဖြစ်နိုင်သည်မို့ နေရာက ချက်ချင်းထလိုက်ကာ ဖုန်းခေါ်ဆိုမှုကို ဖြေကြားဖို့ပြင်မိသည်။
"ဟုတ်ကဲ့ လော်ယွင်ရှီးပြောနေပါတယ်"
*ကိုယ်ပါ..*
လေလှိုင်းတစ်ဖက်မှ ကြားလိုက်ရသည့်အသံကြောင့် အိပ်မှုံစုံမွှားဖြစ်နေသည့် စိတ်အစဥ်က ချက်ချင်းနိုးကြားသွားရ၏။
ချန်ဖေးယွီ..
သူက ဒီအချိန်ကြီး ဘာကိစ္စကြောင့် ဖုန်းဆက်ပါလိမ့်။
ထိုအတွေးနှင့်အတူ လက်ပတ်နာရီကို ငုံ့ကြည့်မိတော့ ည ရှစ်နာရီခွဲလုလု။ စကော့တ်လန်နှင့် တရုတ်ပြည်၏ ခုနစ်နာရီတိတိ အချိန်ကွာဟမှုအရဆိုလျှင် ယခုအချိန် တန်းတုန်းမှာ မနက်သုံးနာရီခွဲခန့် အချိန်ဖြစ်လိမ့်မည်။
ယွင်ရှီးနဲ့ပြေလည်မှုရပြီးကတည်းက ချန်ဖေးယွီကို နေ့စဥ်နေ့တိုင်း မမြင်ချင်မှအဆုံး နေရာတကာ တွေ့နေရပေမယ့် လွန်ခဲ့သည့်သုံးရက်ကစလို့ လေလိုပဲ အစရှာမရအောင် ပျောက်သွားပြန်သည့်အနှီသူ။ ယခုကျတော့လည်း အချိန်မတော်အချိန်တော် ဖုန်းခေါ်လာပြန်သည်။
*နားထောင်နေရဲ့လား*
ယွင်ရှီးဘက်က တိတ်ဆိတ်နေ၍ထင်သည်။ သူက နောက်တစ်ကြိမ် အသံပြုလာ၏။ အက်ရှသည့်အသံ၏ တိုးဖွနေမှုက သူ၏ ပင်ပန်းနွမ်းနယ်မှုတို့ကို လှစ်ဟပြနေသယောင်။
"ဒီအချိန်အထိ အိပ်မပျော်သေးဘူးလား"
မေးလိုက်မိသည့် မေးခွန်းနောက် တုံ့ပြန်မှုရှိမလာဘဲ တိတ်ဆိတ်မှုသာ ကြီးစိုးသွားပြန်သည်။ ခေတ္တအကြာမှသာ သူက "အင်း" တစ်ခွန်းနှင့် အဖြေပေးသည်။ ထို့နောက် သူတို့နှစ်ဦးကြား ပြောစရာစကား ကင်းမဲ့သွားပြန်၏။
ŞİMDİ OKUDUĞUN
Yī Shēng Yī Mèng [一生一梦]
Hayran KurguThere is a concealed heart inside that person like the hidden mansion in the pine forest. Dear you, Let me heal your wounds and scars in your heart. Forevermore, I'll be the only one dream of your life. . . . This work is a feiyunxi fanfiction. Na...
![Yī Shēng Yī Mèng [一生一梦]](https://img.wattpad.com/cover/252631395-64-k456150.jpg)