အ​ေဖမတူ အ​ေမကြဲ~အဖေမတူ အမေကွဲ(Completed)

39

Uni

နှင်းပွင့်ဖြူ သူမအိမ် ပြန်ရောက်တာနှင့် လုပ်စရာရှိတဲ့ အလုပ်တွေကို အမြန်လုပ်နေလိုက်သည်

ရှယ်ယာရှင်အစည်းအဝေးပွဲက နောက်သုံးရက်နေရင် စတော့မှာဖြစ်သည်

ဒီကြားထဲမှာ လိုအပ်တာမှန်သမျှကို သူမဘက်က အဆင်သင့်လုပ်ထားရန် လိုလေသည်

ဦးမုန်းခန့်ထည်က အစကတော့ နှင်းပွင့်ဖြူနှင့် ပူးပေါင်းထားသော်လဲ ခုမှ အင်းမလုပ် အဲမလုပ်နှင့် ဖြစ်နေသည်

သူမက ဦးမုန်းခန့်ထည်နှင့် ပူးပေါင်းထားလို့သာ အင်အားကြီးနေတာဖြစ်ပြီး ဦးမုန်းခန့်ထည်သာ နောက်ဆုတ်သွားပါက မင်းမာနကို မနိုင်နိုင်ပါ

ဒါပေမဲ့ ကိစ္စမရှိပါဘူး ဦးမုန်းခန့်ထည် မပါတော့ကော ဘာအရေးလဲ သူမလက်ထဲမှာ ဝန်းရံခ ရှိနေသ၍ မာနက သူမကို ဘာမှလုပ်နိုင်မည် မထင်ပါ

နှင်းပွင့်ဖြူ ကို့အတွေးနှင့်ကို ကျေနပ်သွားကာ ဦးမုန်းခန့်ထည်ဆီ ဖုန်းဆက်လိုက်သည်

ဒီသေခါနီး အဖိုးကြီးကို ခုထဲက အပြတ်မေးပြီး စာရင်းရှင်းထားမှဖြစ်မည်

မဟုတ်ရင် သူမလက်ထဲ အကျိုးအမြတ်တွေ အကုန်ရလာကာမှ သူပါပါတယ် လာလုပ်နေဦးမည်

အတွေးနှင့်အတူ နှင်းပွင့်ဖြူ လက်တွေက ဖုန်းနာပါတ် တစ်ခုကိုနှိပ်ကာ ခေါ်လိုက်သည်

ဦးမုန်းခန့်ထည် ရုံးခန်းထဲ ထိုင်နေတုန်း ဖုန်းဝင်လာတာကြောင့် ကြည့်လိုက်တော့ နှင်းပွင့်ဖြူဆီက ဖြစ်နေသည်

ဒီကောင်မလေး ခုတစ်လော ဘာတွေစိတ်မရှည် ဖြစ်နေသည် မသိပါ ခဏခဏ သူ့ဆီကို ဖုန်းဆက်ကာ တစ်ခုခုကို အတည်ပြုနေပါသည်

ဦးမုန်းခန့်ထည် သူကလဲ စီးပွါးရေးသမားပီပီ စကားကို မလည်ရှုပ် ပြောထားခြင်း ဖြစ်သည်

သူဘက်ကတော့ ရှင်းပါသည် အခြေအနေကောင်းရင်ပါမယ် မကောင်းရင် မပါဘူး ဒါပဲ

အရှုံးရှိမဲ့ စီးပွါးရေးကို သူ ဘယ်တုန်းကမှ မလုပ်ခဲ့ပါ

နှင်းပွင့်ဖြူရဲ့ ဒယ်ဒီ မစ္စတာဂျွန်နဲ့တုန်းက လုပ်သမျှအကုန် အဆင်ပြေနေသေးပေမဲ့ ယခု နှင်းပွင့်ဖြူပုံစံကို သူ သိပ်မကြိုက်ပါ