قصه....... الحان

♥♡1/مقدمه لابد منها ♡♥

انا اسمى الحان.........اسم غريب مش كده بس اعمل ايه........... انا ماليش اى اختيارات فى كده............. ابويا كان مدرس انجليزى.................. ام امى الحبيبه كانت مدرسه موسيقي .................. وطبعا عرفتم دلوقتى ليه سمونى الحان.......... اسم شاعرى مش كده........ بس حياتى مفيش فيها اى شاعريه نهائى ..... متشائمه.......... لا خالص انا كنت اكتر واحده بتحب الضحك والهزار........ بس اعمل ايه نصيبى كده............. على العموم اكيد حتعرفوا عنى تفاصيل اكتر بس مش دلوقتى؟؟؟؟؟؟ عارفين ليه؟؟؟؟ علشان انا مش فى بيتى................. انا فى عياده دكتور نفسانى جبت اسمه من على النت.................. ومش حاقول لكم كشفه غالى اد ايه................. المهم ان المساعده بتاعته قالت لى استعدى دورك هو اللى جاى يا انسه الحان.................. وعلشان كده قلت اتمرن معاكم شويه على الكلام قبل ما ادخل له.........

.... على فكره قصه حياتى انا حاقولها باثر رجعى اصل انا فى المرحله دى من حياتى عالقه بين ماضى اسود................... ومستقبل مظلم برضه............... وانا عالقه بينهم الماضى الاسود سبب فى حاضرى التعس وحاضرى امامه طريق مظلم مجهول الهويه.........ومش عارفه نهايته حتكون ايه................ولاحيكون ازاى اصلا......

وعلشان انا انسانه خلقها ضيق جدا وعصبيه شويه........... ومش بحب اعيد كلامى مرتين........ انا حسمح لكم بحضور جلستى مع الدكتور طلعت............. ايوه اسمه طلعت السخاوى...... اسمه ينفع قوى فى الاعلانات ومناسب انه يكون رجل اعمال..............مش دكتور نفسانى .............يا ترى شكله ايه؟؟؟؟؟؟........

..... على العموم ده مش موضوعنا خالص دلوقتى ......... كنت بقول ايه؟؟؟؟؟ اه....... كنت بقول انا حسمح لكم تحضروه معايا جلستى الاولى معاه.............. علشان تعرفوا حكايتى....... وانا بقولها له.............. يمكن لو هو فشل فى حل مشكلتى........... تحاولوا تحلوها انتم..............معايا........

..... مين عارف مش يمكن واحده فيكم تلاقى علشانى الحل السحرى اللى ينور لى مستقبلى المظلم...........ويبدد الظلام والكابه اللى انا عايشه فيهم.........

اسفه مضطره اقطع كلامى معاكم........... اصل المساعده شاورت لى علشان ادخل دلوقتى اوضه الكشف ........

قمت من على الكرسى بصعوبه....... حقيقى طول عمرى مش بحب الدكاتره خالص بكل انواعهم............ مع انى بحب الادويه جدا............. وده لانى مش بحب الشعور بالالم .............. وتخيلوا معايا ده انا عند دكتور نفسانى........يعنى المره دى المريضه هى الروح مش الجسم.........وده طبعا اصعب بكتير........... لان علاج الروح مختلف جدا............

.... على العموم مضطره اسكت دلوقتى بس زى ماقلت لكم انتم مرحب بيكم لو حبيتم تحضروه الجلسه..............بس ارجوكم من غير صوت.........يحسن يعرف انكم معايا ويدفعكم انتم كمان ثمن الكشف الغالى قوى............وسميت باسم الله وفتحت باب الاوضه ودخلت.........

♥♥♥♥ بسم الله ماشاء الله العياده كانت فاخره جدا ودى حاجه مريحه...... معنى كده ان الراجل اللى اخد ثمن الكشف 500 جنيه علشان يسمعنى ساعه واحده بس هى مده الجلسه............زى ما المساعده بتاعته ما قالت لى
..... مهتم قوى بفرش عيادته بفرش غالى والصراحه الراجل صارف ومكلف...........فعلا........