فى قصر الدون باتروس......
غرفه الطعام فى قصر الدون باتروس كانت شديده الفخامه ويغلب عليها اللون الذهبى الملكى والحق يقال الرجل كان له ذوق رفيع جدا فى اختيار اثاث قصره حتى اللوحات على الحائط بدت اصليه وعريقه جدا........ولابد انها كلفته ملايين الجنيهات...........
دخلت الحان الى حجره الطعام لتناول العشاء بصحبه جاكى الذى اخبرتها سرا انها مازالت فى فرنسا.......... وكل معلوماتها انها جاءت الى هنا على متن طائره الدون الخاصه............ واخبرتها باسى قصتها............ وانها مخطوفه مثلها.......... صحيح انها لم تترك زوج مهجور خلفها كالحان.............. ولكنها تركت اسره فقيره تحتاج الى اجره عملها اليومى........... حتى تستطيع ان تعيش...........وفكرت الحان بحيره............... لماذا خطف الدون فتاه لخدمتها............ لماذا لم يستاجر خادمه من اى مكتب تخديم مثلا............ ولكنها طبعا ليست مجرمه مثله اذا فهى لن تصل ابدا الى الموجه المضبوط عليها طريقه تفكيره........الحقيره..... والاجراميه.....بالتاكيد
استقبل الدون باتروس الحان بحفاوه بالغه............ ورفع حاجبه باستغراب عندما شاهدها ترتدى نفس الثوب الذى اتت به............ وبعد ان جلست على يمين كرسيه الذى كان طبعا على راس المائده سالها بابتسامه لطيفه قائلا : مغيرتيش فستانك ليه يا الحان هى الهدوم اللى فى الدولاب معجبتكيش ولا ايه؟؟؟؟.....
اجابته الحان ببرود قائلة : اصلى مش متعوده البس هدوم مستعمله لبستها واحده تانيه غيرى فعلشان كده افضل احتفظ بفستانى لانه ملكى انا.... ومحدش لبسه غيرى..........
نظر الدون اليها باستنكار قائلا : مستعمله........؟؟؟؟ لا طبعا يا الحان الهدوم اللى فى الدولاب كلها جديده جدا............. وانا جبتها الصبح على مقاسك لما عرفت انك فى طريقك على هنا................ وزحلق بصره على جسدها بوقاحه واكمل بتشدق قائلا : ويا ريت ذوقى يعجبك لانى كل اللى يهمنى انك تكونى مبسوطه كضيفه مهمه فى قصرى وحاول امساك يدها...........كالمراهقين............السافل
شعرت الحان بالغضب من نظرات هذا الحقير الوقحه اليها............. وطريقته بالتشدق بالكلام وهو يتكلم معها............. ولابد ان الغضب اعطاها شجاعه انستها خوفها منه ونظرت له بحده وهى تشد يدها من يده بقوه قائلة : دون باتروس.......... ارجوك بلاش تتصرف معايا كانى ضيفه فى قصرك........... لانى مش ضيفه............. انا مخطوفه حضرتك......... يعنى اسوء من سجينه هنا .............. ومهما عملت حضرتك............ ده مش حيغير من واقع انك خطفتنى من جوزى واحنا فى شهر العسل.......ودى حاجه لاتغتفر ابدا...........
اجابها الدون باتروس وعيونه تلمع قائلا : لا انا كده ازعل جدا يا الحان بقى انا اهتم بيك بالشكل ده واجيب علشانك خدامه مخصوص علشان تشوف طلباتك وتسهر على راحتك.......... مع انى مش بحب وجود الستات فى بيتى ابدا ولا فى خدمتى اساسا........... وكمان اختار لك هدوم غاليه وجميله........... وطلبت من الطباخ بتاعى يعمل لك اكل مخصوص علشانك............ وبرضه بتقولى انى خطفتك وانك سجينه عندى........حقيقى انا زعلان جدا من كلامك ده....... جدا
أنت تقرأ
قصه....... الحان
Adventureمن القائل ان الحياه ابيض واسود فقط هذا الشخص لم يمر بما مررت به انا ماذا يعرف عن حياتى التى رايت فيها كافه الالوان لاكتشف بسخريه ان الابيض ليس طاهرا وبرئيا دائما والاسود ليس شريرا وبشعا طوال الوقت فانا فى حياتى البائسه تعرفت على الاتنين وظللت عالقه...
