قصه....... الحان

26/خطه انقاذ منظمه

فلاش باك قبل ما الحان تقابل جاسم فى الحفله ب24 ساعه........

تبادل جاسم وبول النظرات المختلسه الى بعضهم........فجاسم وصل مع جثمان جونى الهاكر الذى تحدث عنه من حوالى ساعتين واتصل بالضباط بول وطلب لقائه فى مكان ما اعطاه عنوانه واغلق الخط كعادته...... بدون توضيح او شرح المزيد من التفاصيل..........مما اغضب بول كثيرا......وطبعا لم ينتبه ان جاسم يعامله بنفس طريقته التى اغاطته كثيرا......... وقرر الانتقام منه ورفع ضغط دمه كما فعل معه بالضبط......ولكنه لم يكن امامه سوى الاذعان لطلبه......فهم مشتركين فى قضيه هدفها القضاء على الدون باتروس الحقير وهو مدين لجاسم الحطاب لانه اتاح له هذه الفرصه الذهبيه للانتقام منه .....من اجل زوجته وابنته الحبيبه.........

اندهش بول عندما وصل الى المكان المنشود الذى اعطاه جاسم الحطاب عنوانه طالبا مقابلته فيه ليكتشف بدهشه ان المكان ما هو الا  مقابر الايطاليين...............وكان على مايبدو هناك جنازه تسير خلف صندوق يحتوى غالبا على جثه الشخص المتوفى وتسير خلفه مجموعه من الرجال والنساء......ولكن ما ادهشه وجود بعض رجال المافيا يقفون بعيدا مثله يراقبون مايحدث.......بطريقه مستتره......... رجال مافيا!!!!!! اذا الفقيد يمت لهم بصله قويه او عدو يرغبون فى التاكد من موته........المهم من كل ده ايه دخل جاسم الحطاب بالجنازه دى وليه طلب يقابله هنا بالذات وفى الوقت ده بالتحديد؟؟؟؟؟؟

وشعر بالغيظ من جاسم لانه احضره الى هنا ولم يشرح له شيئا........ وقبل ان يلعنه فتح باب السياره المجاور له ودخل جاسم الى السياره مبتسما قائلا : مساء الخير يا حضره الضابط

اجابه بول بغيظ اسعد جاسم جدا لانه استطاع اخيرا اغضاب جبل الثلج هذا : ممكن افهم ايه مكان اللقاء الغريب ده...... وبعدين جنازه مين اللى موجود فيها اثنين من رجاله المافيا المتخفيين

اجابه جاسم بخبث قائلا : دى جنازه الهاكر بتاعى اللى قلت لك عليه

رفع بول حاجبه باستغراب قائلا : هو مات؟؟

اجابه جاسم بخبث قائلا : لا يا راجل بعد الشر عليه........... ده صاحبى من سنين طويله...... بس كنت مضطر اعمل كده علشان اعرف ادخله ايطاليا وابعد عنه عيون رجاله المافيا اللى اكيد حضروه انهارده علشان يتاكدو من موته فعلا زى ما كنت متاكد بالضبط.......

نظر اليه بول بضيق وحاول التحدث مع جاسم بهدوء قائلا : جاسم بيه ممكن بهدوء كده تفهمنى بتقول ايه....... ومعنى كلامك ده ايه........... علشان نخلص من الحكايه دى ويبقى فى وقت مناسب علشان اقولك على اللى حصل اليومين اللى فاتوا.......فى قصر الدون باتروس............

تبخر على الفور تظاهر جاسم بالبرود امام بول وساله بلهفه قائلا : ايه اللى حصل فى قصر الدون......... الحان بخير يا حضره الضابط؟؟؟؟؟

نظر بول اليه ببرود قائلا : افتكر ان انا اللى سالت الاول اتفضل اتكلم علشان نخلص ..... يا سيد جاسم