شعرت الحان بدوار عنيف ورغبه شديده فى القئ....... وازداد شعورها اكثر بهذا....... عندما حاولت رفع راسها لاعلى...... ولكن صوت لطيف مالوف نصحها بلطف قائلا : على مهلك خالص يا الحان حاولى تتنفسى بعمق اكثر والشعور بالدوار العنيف ده حيختفى علطول
اجابته الحان بوهن قائله : انا فين؟؟؟ وانت مين؟؟؟؟
ورفضت الخضوع لنصيحه هذا الصوت اللطيف المالوف بالبقاء ساكنه.......... وفتحت عيناها بسرعه لتقع على سقف ابيض وشمس ساطعه ضوءها يدخل من نافذه كانت على يمينها ومن خلف النافذه كان يظهر بحر رائع له موج ازرق داكن...... حولت الحان عيناها بصعوبه عن منظر البحر الرائع.... ونظرت الى الجانب الاخر بفضول حتى تعرف شكل من يتحدث معها وما ان وقعت عيناها على الرجل الوسيم المبتسم لها برقه وحنان حتى صاحت بذهول : لا مش معقول دكتور طلعت ايه اللى جابك ايطاليا ثم قطبت جبنيها وهى تتنظر اليه قائلة : ولا انا اللى فى مصر.......وكنت بحلم طول الفتره اللى فاتت........ واضافت وهى تنظر حولها بفضول قائلة : احنا فين يا دكتور طلعت.........بالضبط........
اجابها طلعت وعيونه تقطر حنانا قائلا : وحشتينى قوى يا الحان
واستدرت الحان بسرعه عندما سمعت صوتا مالوفا اخر يقول لهم بحزم : متخافش يا دكتور طلعت الحان حترجع معانا مصر بالسلامه وكله حيبقى تمام انشاء الله زى ما خطتت بالضبط
نظرت الحان بارتياع الى وسيم الذى دخل الى الغرفه الان وينظر اليها بابتسامه سعيده جدا اختفت على الفور ما ان قفزت الحان من السرير الذى كانت ترقد عليه صارخه وهى تقول ناحبه : يا نهار اسود......... يا نهار مش فايت انت خطفتنى من جاسم يوم فرحى يا وسيم...... واكملت بعنف قائلة : انا مش قلت لك فى الميناء يوم وصولنا ابعد عنى يا وسيم وان انا بحب جاسم وحتجوزه بارادتى ومن غير غصب ولا ارهاب زى ما انت فاكر ومصمم كمان.....
نظر وسيم الى دكتور طلعت الممتقع الوجهه من انفعال الحان وانهيارها الواضح قائلا بثقه : شفت يا دكتور طلعت زى ماقلت لك بالضبط جاسم اكيد منومها تنويم مغناطيسى...... لانها مستحيل تقبل الجواز منه ببساطه كده مع انه عايز ينتقم منها......... وهى عارفه كده كويس وبرضه مصممه على كده...... ودى حاجه مش طبيعيه طبعا........... وعلشان كده انا استدعيتك علشان تفوقها من تاثيره عليها.......وترجع طبيعيه تانى
نظرت الحان لوسيم نظره قاتله وصرخت فى وجهه قائلة : يفوق مين..... ومين دى اللى نايمه يا وسيم انت اكيد مجنون....... ونظرت الى الدكتور طلعت قائلة بانهيار : شفت الجنان اللى انا عايشه فيه طول الوقت يا دكتور طلعت وكانى مثلا مرفهه ومرتاحه نفسيا جدا ومعنديش مشاكل خالص....... مش كفايه عليا ميسون هانم وصالح بيه وسهير ومشيره
سالها وسيم بفضول قائلا : مين الناس دول يا الحان؟؟؟؟
اجابته الحان بغيظ وهى تعود للجلوس على طرف الفراش الصغير قائلة : دول يبقوا اهل جاسم ابوه وامه وخالته وبنتها بس ايه يا ابنى عقارب وتعابين درجه اولى..... ممكن يسموك وهما بيبتسموا عادى فى وشك ولا كانهم عملوا حاجه وعليهم كل مقلب والتانى اكبر من اللى قبله بمراحل..........
أنت تقرأ
قصه....... الحان
Adventureمن القائل ان الحياه ابيض واسود فقط هذا الشخص لم يمر بما مررت به انا ماذا يعرف عن حياتى التى رايت فيها كافه الالوان لاكتشف بسخريه ان الابيض ليس طاهرا وبرئيا دائما والاسود ليس شريرا وبشعا طوال الوقت فانا فى حياتى البائسه تعرفت على الاتنين وظللت عالقه...
