قصه....... الحان

♥19/لقاء امير الاحلام ♥

نظرت الحان الى دون باتروس برعب وتوسلت اليه قائلة : ارجوك ادينى فرصه لحد بكره وانا اوعدك انى حفظ اللحن كويس....... وحاعزفه احسن من كده بكتير.........

نظر اليها دون باتروس بغضب : مستحيل اسييبك لبكره........... انتى افسدتى مزاجى بعزفك الزفت ده....... انتى عارفه انا دفعت كام لميسون هانم حماتك العزيزه علشان تسهل لى خطفك.............. وفى الاخر فلوسى راحت للابد........ بس انا حنتقم منك يا الحان وطلب من حارسه وضعها فى سياره وطلب منه قطع الفرامل منها ودفعها فى الطريق الضيق واخيرا دفعها بالسياره من على جبل عالى جدا

ظلت الحان تصرخ طول الوقت وتطلب من الماره فى الشارع انقاذها ولكن لم يحاول احدا انقاذها وعلى مايبدو لم يسمعوا صوتها ايضا.......... حتى وصل الحارس بالسياره اخيرا الى منطقه مهجوره صحراويه وقفز من السياره وتركها تسير بنفس السرعه حتى تسقط فى الهاويه و.....

.... حمدلله على سلامتك يا مدام.......

فتحت الحان عيناها بصعوبه ونظرت بذعر الى رجل وقور اشيب كان ينظر لها بود ظاهر وحولت عيناها حولها لتجد نفسها ممده على سرير واسع فى مكان غريب عنها لم تراه من قبل............ فاعادت النظر الى الرجل مره اخرى وسالته بضعف قائلة : انا فين؟؟؟؟ وحضرتك مين؟؟؟؟؟...... انا عندى دوخه فظيعه كده ليه؟؟؟؟؟

اجابها الرجل الغامض قائلا بلطف : حضرتك موجوده فى فندق المطار رويال يا هانم............ وانا ابقى دكتور فريدمان دكتور الفندق هنا....... اما بالنسبه للدوخه ده بسبب الابره اللى انا اديتها لحضرتك علشان تفوقى من تاثير المخدر لانك كنتى بتصرخى وانتى نايمه من كابوس شكله كان مخيف......قوى

نظرت الحان اليه بتوسل قائلة : ارجوك ممكن تساعدنى اقعد شويه حاسه انى عايزه ارجع............

وعلى الفور امتدت يد الطبيب لمعاونتها واشار الى خادمه كانت تقف بجواره قدمت لها كوب من عصير البرتقال وطلب منها الطبيب ان تشربه لانه سيساعدها فى التخلص من الدوار الذى تعانى منه وسيحسن من شعورها بالغثيان

استجابت الحان لتعليمات الطبيب
وشربت العصير اللاذع الطعم بنهم فهى كانت تشعر بالعطش الشديد........ وجفاف غريب فى فمها وعندما اخبرت الطبيب بذلك ابتسم لها قائلا : ده عرض طبيعى جدا يا مدام بعد تناول اى مخدر......مفيش داعى للقلق...........

نظرت الحان اليه بانصعاق قائله : مخدر ايه........ وتذكرت فجاه انها متزوجه من جاسم واليوم كان حفل زفافها عليه........ ونظرت الى الطبيب بحده وهتفت بذعر قائله : فين جاسم؟؟؟

سالها الطبيب بلطف قائلا : مين جاسم ده حضرتك ؟؟؟

اجابته الحان بتوتر وخوف قائله : جاسم الحطاب جوزى راح فين.....؟؟؟؟

اجابها الطبيب بحيره قائلا : مش عارف هو فين يا مدام.......... بس كل اللى اعرفه ان فى حجز فعلا باسم جاسم الحطاب وحرمه............. وحضرتك فعلا فى الجناح بتاعكم فى الاوتيل.......... وغالبا حد حط لحضرتك مخدر عن طريق الخطا.............. وحضرتك نمتى بس للاسف حلمتى بكابوس مرعب والمخدر منع حضرتك تصحى لان نومك مش طبيعى............. وكنتى بتصرخى بصوت عالى جدا.......... فعامله النظافه............. سمعت صريخ حضرتك............... وطلبت الامن اللى استعمل الماستر كي وفتحوا باب الجناح............لانهم كانوا فاكرين ان فيه حد بيهاجم حضرتك.........