قصه....... الحان

27 / سقوط الدون باتروس

ابتلعت الحان ريقها بصعوبه........... ولكنها تظاهرت بالشجاعه............ وقالت للدون برعب تمثيلى : انا كنت فى المطبخ بعمل لنفسى كوبايه لبن سخن علشان عندى هبوط من الحمل زى ما انت عارف يا جناب الدون............ وسمعت الصوت الرهيب ده...... ونظرت اليه ببراءه قائله : هو فى ايه يا جناب الدون وايه الصوت المرعب ده وجاى منين اصلا..........هو حد دخل القصر ولا ايه.........انا جريت مرعوبه من تحت لما سمعت الصوت الرهيب ده وكويس ان اللبن السخن ده ماتكبش على وانا بجري بسرعه على هنا ......

اجابها الدون بتوتر وعصبيه قائلا : معنى الصوت ده ان جهاز اللاب توب بتاعى اتفتح.......وطبعا اكيد فى حد فتحه ..... يعنى فى حد فى القصر هو اللى عمل كده..........ونظر الى حراسه صارخا : والشخص ده لازم يكون قدامى حالا والا حقتلكم كلكم يا بهايم ياللي نايمين على ودانكم..........

تظاهرت الحان بالصدمه وتصرفت بذكاء حتى تقوده لشك اخر وتبعده عن التفكير السليم والشك فيها قائله : تقصد يعنى حد اخترقه من بره القصر يا دون باتروس ........اكيد طبعا من بره لان مفيش حد يجرؤ من جوه القصر يدخل مكتبك الخاص اصلا...........لاننا كلنا عارفين انك مش بتحب حد يدخله نهائى...........انا شخصيا دخلته مره واحده بس معاك .....

اجابها الدون بثقه وغرور قائلا : كلامك مضبوط طبعا............ لان مستحيل حد يقدر يخترق جهازى الشخصى ابدا.............من اى هاكر مهما كانت قوته لانه مؤمن جدا............. بس برضه فى حد فتحه او حاول يفتحه وعلشان كده ضرب جرس الانذار بتاعه كده بالصوت العالى ده.........

نظرت الحان اليه متعمده السخريه قائلة : عايز تفهمنى ان القصر الحصين ده مع كل عدد الحراس دول فى حد قدر فعلا يدخل القصر بتاعك الحصين ده .......... وكمان قدر يدخل مكتبك الخاص ويلعب كمان فى اللاب توب بتاعك.....مستحيل طبعا اصدق ده ابدا.........

نظر بابلو الى الحان بشك قائلا بذكاء غير مسبوق : وليه المقتحم حيكون من بره القصر..... يا جناب الدون............ ده اكيد من جوه و كان عايز يخترق جهاز جناب الدون لولا جرس الانذار اللى ضرب بصوت عالى كده وخلاه هرب بسرعه..........قبل ما يكمل مهمته..........

تظاهرت الحان بشرب اللبن البارد على انه ساخن جدا............ ونفخت فيه ولعنت بابلو الذى لمع ذكائه الخارق فجاه مع انه فى العادى غبى جدا وتفكيره محدود ويبنفذ اوامر الدون بدون تفكير اصلا........... ونظرت الى الدون الذى ظهرت هو الاخر نظرات الشك فى عيونه وهو ينظر اليها وهزت راسها موافقه على كلام ذلك الغبى قائله : فعلا يا دون كلام بابلو مضبوط لان مش معقول حد يقدر يخترق القصر بالسهوله دى والاسهل ان يكون فعلا اللى عمل كده حيكون من جوه القصر..........

نظر بابلو لها بشماته لانه ظن انه اوقعها امام الدون وزرع الشك فى قلبه من ناحيتها قائلا : بس الغريب انك كنتى صاحيه فعلا يا مدام الحان مع انك قلتى انك حتنامى اسبوع بحاله بعد تعبك فى الحفله انهارده مع ظروف حملك الصعبه...... واهو حضرتك صاحيه ونشيطه كمان مشاء الله عليكى وبره اوضتك كمان.............