الفصل السابع..
_لنُبرم عهداً سويا ، لكَ كامل الحق في إيقاعي بكَ دون بذل أي ذرة مجهود عزيزي ، ولي كامل حُرية الضياع بين مَقلتيكَ ؛ ولندعهم ايضا ينالوا قِسطاً من العهد المُبرم .. فلديهم سِحر قاتل يأسر من يتمعن بهم ويسبح معهم شارداً بلونهم الوهاج....تُريد إيجاز..؟؟! حسناً ؛ لقد وقعت أسيرة لعيناكَ .. ولا اريد العفو ولا إطلاق السراح..!
_ملك عجور
••••••••••
_ياحببتى حتى لو الطريقة معجبتكيش مكنش ينفع بردو يبقي دة رد فعلك .
نطقت بتلك الجملة "همسة" والدة مُراد وهي تُمسد شعر ليل بحنان وهي تضع رأسها على كتف همسة وقد كانا يجلسان بالحديقة بهدوء بعدما قصت لها ماحدث قبل مجيئها .
اجابتها ليل بتلقائية_ مش عارفة ياهمسة بقا ، حسيت اني مش قابلة الهدية ،يمكن كعرض او كطريقة معرفش .
ردت همسة وبنفس وضعها_ وطبعا طلعتي غُلبك ف المسكينة .
ليل وقد عبثت بملامحها_ اي دة لا طبعا...هي بس كانت عاوزة تجيبني من شعري عشان رد فعلي بس مشيت قبل ماتعملها،،، ماما بتجبرني ياهمسة وانا بنفذ عشان متزعلش.
اعتدلت من جلستها ونظرت ل ليل بإحدي عيناها وهي ترفع حاجبها_ مين دي اللي بتجبرك يابنت ياسين!! دة انت قادرة هو حد بيقدر عليكي!
ضحكت ليل قائلة_ صدقيني بتجبرني باسلوب العاطفة اللي بتسيطر عليا بيه دة ، متفهمة هي عاوزة اي ، بس انا مش محتاجة ياهمسة كفاية اللي حصل واللي اتذيت بسببه وانا وافقت عشانها وبس بالنسبالي سد خانة مش اكتر
وضعت يديها محتضنة كف ليل وقالت_ ياحببتي لو هنوقف حياتنا على تجارب فشلت يبقي العالم كله هيفضل ثابت ف محله ، افتحي قلبك لجاسر ياليل وبلاش تحسسيه انه زي عدمه ، الراجل تديله مركزه يديكي عينه .
تنهدت ليل وصمتت قليلا ، وكأنها بنُطق كلمة معينة أخيرة بجملة همسة مَرت تلقائى بذاكرتها فسألت بتلقائية على اثرها
_تعرفي سليم الراوي ياهمسة؟
انتبهت لسؤالها فقضبت جبينها بتساؤل ايضا_ اي اللي فكرك بيه؟
هتفت ليل بتعجب_ فكرني؟!!! هو انا اعرفه عشان افتكره ؟! بس بسألك عادي لانه داخل مع بابا فى شراكة.
تربعت همسة امامها بإهتمام وتعجب _ بت انتِ اهدي كدة وقولي انك بتستهبلي وعاملة عبيطة .
ليل بضحك _ لا والله!! مالك؟
حدثتها همسة بمكر قليلا ظناً منها بأن ليل بالفعل تفتعل النسيان _ هو انت لغاية دلوقت لسة عندك جنب اطول من التاني ف شعرك يا لي لي!
هتفت ليل مُستنكرة بغيظ_ متفكرنييش بقا عشان ماصدقت صفيت نيتي من ناحية حمزة .
همسة بإبتسامة_ ليكِ حق تنسي
أنت تقرأ
علي سبيل الحب ❤
Romanceيقول: وأنا الذي كُنت اسخر من قصص الحب وحكايات العاشقين حتى ابتليتُ ف اصبحتُ بحال العاشقين رحيما ...لترد عليه : لو لم تكن بقدري لكونتك من انسجة عشقي، من حروفي التي تُكتب طِيلة حياتى في محاولة منها وصفك ..كُتب علينا الهوى فلنخضع لأمره ودعنا نأخذ صفحة...
