علي سبيل الحب ❤

الفصل الخامس عشر❤

الفصل الخامس عشر..

_مخطوطة كتبتهالك ، بحروف من قلبي وصفتهالك ، مع بداية خُطى القلم فى السطور الجُداد !..، بدموع عيني رويتها ، غصب عني ماهي مشتقالك..! ، كلماتها بصمت بتندهلك ، وشكلتها ولحنتهّالك ، بقت معزوفة..وبغنيهالك ، صوتي طالع فيها بجباروت قوي زي مايكون قاصد يسمّعهالك ، لعلها تلمس قلبك وتسامح لأجل الوداد ..!

_ملك عجور

بقصر السويفي ، هبطت من غُرفتها للحديقة الخلفية للقصر بعدما رأتها تجلس بهذه الحالة على أحد المقاعد بجانب المسبح ، اقتربت منها بتردد لكنها جلست بجانبها بهدوء وشفقة عليها فقالت وهي تُحمحم للفت إنتباهها.

_انتِ كويسة ياسارة ؟

وجهت نظرها لها بهدوء وعيناها مثل الوردة المريضة من كثرة دموعها تلك الايام وحركت رأسها بالايجاب بصمت ، فقالت هدى مواسية لها _ هوّنى على نفسك ياسارة بقالك اسبوعين على الحال دة، فترة وهتعدي وليل مسيرها تهدى وتتخطى زي ماهي متعودة.

تحدثت ببكاء _انا طلعت وحشة ومقصرة في حقها اوي ياهدى ،  طلعت انا سبب كل الوجع اللي هي فيه وكمان زودته عليها اكتر ، انا انسانة أنانية بطريقة وحشة خلتني اوجع بنتي من غير ماحس وضيعتها مني..

ربتت علي كفها بحنان قائلة_ انتِ أحن واحدة شوفتها ، بس نقدر نقول طلعتي خوفك عليها وانك بتحبيها اوي بالطريقة الغلط اللي جت على دماغها هي ، بس الأهم إن كل دة عدى ودلوقت فى إيدك تصلحي كل حاجة وتعوضيها عن كل وقت كان في بينكم حاجز قوي ،،،،،صمتت قليلا ثم تابعت بحزن _ صدقيني يا سارة الواحد بيفوق متأخر اوي عن حاجات كان معمي عنها وهو من غيرها ولا حاجة ،، لو بس نقدر النعمة اللي ربنا انعم علينا بيها هنعيش عمرنا كله بنحاول بس نسعدهم ونشوفهم بيكبروا فى حضننا الداعم ليهم ، بس للأسف الواحد شكله فاق متأخر .

_ومتأخر لي؟!! في إيدنا نعيد الدعم ونصلح كل حاجة احسن مما كانت كمان .

قالتها شذى بإبتسامة وهي تقف خلفهم واقتربت من مجلسهم وظلت مقابلتهم فتابعت بعد رؤية الحماس بعيناهم وغير منتبهين لتلك العينان التي راقبت تجميعم سويا وهمت بفعل ماعليها _ مبدأيا كدة كلنا مقصرين في حق ولادنا ، انشغلنا جدا الفترة اللي فاتت بكل حاجة بلا استثناء ، وبصراحة يمكن يكون من بدرى كمان بس الاهم اننا لاحظنا دة ونقدر نداويه احسن مانجدد عليهم الفراغ والوحدة .
ولادنا محتاجينا جنبهم مش بعيد عنهم......انهت جملتها الاخيرة وهي تنظر بمغزى تجاه هدى وفهمت الاخرى ونظرت شذى مرة اخرى لسارة لتفعل ايضا .

تحدثت هدى بهدوء واوشكت عيناها تمتلئ بالدمع_ انا معترفة انى مش بس قصرت فى حقهم ، وكمان قصرت او كنت وحشة اوي مع اكتر إنسان بيستحملني وفاهمني وفاهم طبعي ومع ذلك جيت عليه ،،انا النهاردة مستنية رجوعهم م الشغل وهصلح كل حاجة بيني وبين ولادي وبين جوزي اللي عمري ماهلاقي زيه ، وقبل كل دول ...هو انتوا انا بعتذر عن كل مرة كنت عنيفة او غير مستحبة بينكم اتمني تسامحوني .