الفصل الثاني عشر..
ماذا افعل أكثر يا دانيال ؟
الذي احبه يري عيوني عادية
-اليانا كرستي
تجلس بإستمتاع بمفردها على الدرج متأنقة بملابسها الكلاسيكية لذهابها للعمل بعد أن تُنهي مشروبها الساخن ، وتدندن بألحان كوكب الشرق _ياما عيون قابلونى ، لكن ولا شغلوني
إلا عيونك إنت دول بس اللي خدوني ، وبحبك أمروني
أتاها صوت الاخرى من خلفها وهي تنزل بإتجاهها قائلة بسخرية_ اي ياكونتيسة !!مش قولتى ماشية من ساعة ،،قاعدة بتنوحي على عيون مين بقى؟
إلتفتت حبيبة لها بضحك _ياليل هو الواحد ميعرفش ياخد خصوصيته فى القصر دة !!عيون اللي عيونه ارتاحتى!!
جلست بجانبها ضاحكة _مالك يابيبة ، اوعي تكونى بقيتِ من أهل الحب؟!!
قالت بحدة _حب اي ياليل انتِ اتجننتى؟؟
أماءت ليل برأسها متفهمة ولانت ملامح الاخرى بوجه شبه باكٍ قائلة _ انا عشقته ياليل .
جحظت عيناها بذهول قائلة_ نعم ياختى!!!
حبيبة بتوتر_ مش بإيدي ياليل. لاقيته مش مفارق خيالي ولا تفكيري ، دة حتى احلامي ياليل بقى يطلعلي فيها ،، بس يفيد بإيه وهو مش شايفني اصلا ...صمت وطالعتها بهدوء بعدما تنهدت_ الدنيا دوارة ، وجه اللي يعرفنى ان الحب مش دايما بيريح صاحبه ياليل
نظرت لها بأسف وابتسمت لها واضعة يدها على كتف حبيبة بمهاودة_ مش عارفة اقولك اي ، بس ربنا يريح قلبك يا حبيبة .
ابتسمت وحولت مجرى الحديث_ قوليلي رايحة فين الوقت داخل على الضهر .
قالت ليل وهي تنظر بساعتها_ هقابل مراد هشتري معاه شوية حاجات ...وانتِ لي ممشتيش؟
نهضت حبيبة وتلتها ليل فقالت_ انا يادوب اتحرك عشان عندي هوا ،،،ومتنسيش تشوفي الحلقة زيهم .
حركت ليل رأسها مبتسمة لها وخرجت حبيبة متوجهة لعملها وكذلك ليل اتجهت لسيارتها لتصعد بها فوقفت في حال رؤية مجموعة من الحرس متأهبين للذهاب جوارها قضبت جبينها بإستغراب موجهة حديثها لأحد منهم تعرفه _ انتوا هتعملوا اي؟!!!
اجابها "حسن" بإحترام_ أوامر من ياسين بيه ياليل هانم نكون مع حضرتك.
هدأت نفسها سريعا من سماعها لهذا اللقب الساخر بالنسبة لها وركزت فى صُلب الموقف الان _ حسن..بلاش مجادلة حاليا لاني مستعجلة واوعي من وشي .
همت بالسير فأوقفها بأسف _ ياليل هانم دة كلام ياسين بيه لو سمحتِ كدة احنا اللي متضررين لو منفذناش أوامره
_طيب انا رايحة بيوتي سنتر ،هتيجي معايا تعمل ايي!!!
نطقت بها بفارغ صبر منه فتابع هو بنفس وضعه_ هنستني حضرتك ،،بس هنفذ كلام ياسين بيه وهنأمن سيادتك.
أنت تقرأ
علي سبيل الحب ❤
Romanceيقول: وأنا الذي كُنت اسخر من قصص الحب وحكايات العاشقين حتى ابتليتُ ف اصبحتُ بحال العاشقين رحيما ...لترد عليه : لو لم تكن بقدري لكونتك من انسجة عشقي، من حروفي التي تُكتب طِيلة حياتى في محاولة منها وصفك ..كُتب علينا الهوى فلنخضع لأمره ودعنا نأخذ صفحة...
