لن اعرف الحب قبلك ولن اعرف بعدك غيرك لكاتبة ياسمين

الحلقة الاولى

الحلقه الاولي

كانت جالسة فى هدوء وشعرها الحريرى ذات اللون البنى الداكن يتطاير مع نسيم الهواء العليل أمام البسين الكبير فى حديقة الفله الفخمة وترتشف من كوب النسكافية وعقلها مشغول بالجامعة التى ستذهب إليها غداً حتى قاطع تفكيرها صوت رنين هاتفها .فاإلتقطته برقة من على المائده التى أمامها ونظرت على إسم المتصل فاابتسمت وضغطت زر فتح الإتصال
المتصل بصوت مرح:نووودى بتعملى إيه دلوقتى ياموزه ماتقوليش بذاكر أخيراً إرتحنا
ندى (بطلة القصة):هههههه علطول كده داخلة فى الموضوع يابنتى قولتلك خليكى لبقة شويه..برده لسه زى ماإنتى
المتصلة:إتريإ إتريإ هاخدها منك ولا من بدورتى
ندى:هههههههه بقى بدورتك كمان ربنا يستر على اللى جاى هيكون إيه تانى
المتصلة:برده ماردتيش على سؤالى بتعملى إيه دلوقتى ياموزه
ندى:طيب بدل هى رخامه هقلبها كمان رخامه وهقفل وإتصل تانى وإبدئى بالسلام عليكم أو آلو زى باقى الناس.قالت كلمتها الآخيرة وضغطت زر غلق الإتصال وإبتسمت ...لم تمر سوى لحظات حتى سمعت الهاتف بنفس إسم المتصلة
المتصلة:ألو السلام عليكم ورحمة الله وبركاتة
ندى بضحك:وعليكم السلام ورحمة الله وبركاتة أهلاً إزيك ياآيه
آيه:مش عملت المقدمة يلا قولى بتعملى إيه دلوقتى
ندى:هكون بعمل إيه قاعده فى الجنينه بشرب نسكافيه
آيه(صديقتها الأنتيم):بتشربى من غيرى ياخاينة
ندى:آه آسفه يايويو معلش تعالى ياقلبى ولسه شويه أهم فى الكوبايه هسيبهوملك
آيه:ههههههه ليه شيفانى واقفه على باب الله وبشحت منك..قوليلى بقى إيه رأيك نخرج دلوقتى أصل بصراحة أنا زهقانينى موووت وهطق من هدومى
ندى:لالا ياحبيبتى كله إلا هدومك
آيه:ههههههه طيب يالمضه هنروح فين بقى يلا كمان بدر مسافر شغل النهارده وزهقانه لإنى حتى ماشوفتوش
ندى:آها قولى كده بقى هى الحكاية كده..طيب قوليلى عايزه تروحى فين
آيه:أى مكان المهم أتمشى وخلاص..أقولك خلاص تعالى نروح المكتبة أشترى كذا قصة ولا كام رواية كده وبعدين نتمشى على البحر شويه
ندى:يخربيت شيطانك رواية إيه وقصة إيه يامجنونة ياللى مش فى بالك حاجه إنتى ناسية إن النهارده الإتنين ويوم السبت ورانا كلية ولأول مره
آيه:يوووه هى الأجازه لحقت تخلص ..وبعدين كلية الهندسة يعنى مش عايزه شغل أوى يعنى ..بصى ريحينى بقى ويلا إلبسى ولحظة وهكون عندك بعربيتى
ندى:طيب يارخمه باى على ماأشوفك
آيه:بااااى ياروح قلبى على ماأجى وأشوف وشك القمر..عشان تعرفى إنى لبقه يابنت
ندى:ههههههههه طيب سلام يامجنونه
.وأغلقت ندى الإتصال وقامت من جلستها ودخلت الفلة وجدت والدتها فى صالة الفلة تجلس مع إمرأة فى الأربعين من عمرها ولأول مره ترآها
ندى:هاى سلام عليكم
صافى(والدة ندى):وعليكم السلام .وبإبتسامه واسعه:تعالى يانوده سلمى على طنط مديحة
ندى وهى تسلم على المرأة برقة:أهلاً بحضرتك ياطنط منورة
المرأة وهى منبهرة بجمال ندى ورقتها قالت بإبتسامه واسعه:أهلاً بيكى ياحبيبتى دا نورك ياقمر
ندى :عن إذنكم
.وصعدت ندى غرفتها وبدلت ملابسها وإرتدت_بنطلون جينز باللون اللبنى وبضى ربع كم باللون الزهرى به روسمات رقيقة عند الصدر باللون الفضى _ورفعت شعرها بدبوس رقيق وتركت خصلات شعرها منسدلة على وجهها مما زادها جمالاً ورقة وأخذت حقيبتها الصغيرة باللون اللبنى مرصعه باللون الفضى وأخذت نظارتها الشمسية ونزلت إلى أسفل
ندى:مامى أنا خارجه مع آيه صحبتى شويه
والدتها:اوكى حبيبتى خدى بالك من نفسك
.وإستأذنت ندى وخرجت من الفلة وجدت آيه فى إنتظارها أمام الفله بسيارتها
أيه وهى تحتضنها:إيه القمر ده ياموزه
ندى:ميرسى من ذوقك يايويو ..يلا بينا بقى
آيه وهى تقود السيارة:وحشنى أوى بحر اسكندرية
ندى:ياحبيبتى وهو يعنى بعيد عنك محسيسانى إنه على بعد ملايين الأميال دا فرق بينه وبينا حوالى عشر دقايق
آيه:طيب ياطنط نظيرة يلا بينا على المكتبة
ندى وهى تنزل مع آيه من السياره:هتجيبى إيه
آيه:ماأنا قولتلك عايزه أجيب رواية أو قصة رومانسيين كده أكون أصبر نفسى على ماحبيبى يفضالى بقى
ندى:هههههههه مجنونة بس إيه ده هو مش عاجبك إنه ساكن فى نفس البيت عندكم فرق دور بس وبتتقابلو فى اليوم ولا ميت مره وكل ده ومش فاضيلك
آيه:ياباااااى ياااااباااااى على القر والحسد ياناس..والله ماعنت بشوفه أكتر من مرتين ولاحاجه فى اليوم وإيه.. دا وهو نازل الشغل يرن عليا أشوفه من البلكونه وهى ماشى ووهو راجع من الشغل وأحياناً بقى بتحجج وأقول لماما هنزل أنزل أقعد مع مرات عمى شويه وحشانى اوى أمى طبعاً فاهمه وساعات بتسيبنى أنزل وساعات لأ
ندى:عندها حق والله ماهو إنتى ماشاء الله عاقله اوى ولو إتلميتو على بعض مابتمسكوش نفسكو وتضربوها كلام شوق وحب وإشتياق ليوم الخطوبة
آيه:عقبالك ياختى لو دوقتى طعم الحب هتعرفى وهتحسى باإحساسى
ندى:طعم الإيه ياحبيبتى ..بطلى بطلى
آيه وهم يبحثون فى الكتب:أبطل ليه بكره تجربى وتحسى
ندى:إللى يسمعك يقول هحب النهارده ولا بكره وإللى بقى ماتعرفيهوش والظاهر إنك ناسياه إنى عندى 18 سنة
آيه:هههههه والله شكلى هدعى عليكى تدوقى طعمه عشان تحسى بينا بدل ماإنتى كل ماتشوفينى تحسيسينى إنى نونه وبحب وكلامك إللى مش بخلص منه ده
ندى ولفت إنتباهها عنوان كتاب ومدت يديها وألتقطته:أنا هاخد ده
آيه وهى تميل عليها وتتصفح إسم الكتاب :إسمه إيه ده
ندى وهى تداريه وراء ظهرها:وإنتى مالك هاتى إللى إنتى عايزاه وخلاص
آيه وهى تدور حولها لترى الكتاب وهى تداريه منها وظلت آيه تدور حلوها حتى لاحظ شاب من بعيد أن هناك ضجه بينهم فشعر أنه من الممكن أنه جدال بينهم وبما أنه شغله فى المكتبة فذهب ليرى ماالأمر
الشاب:خير خير إهدو ياجماعه فيه إيه بس
وقفت ندى متسمره بتعجب:هو إيه إللى خير
الشاب:بتتخانقو ليه بس
ندى بتعجب وهدوء:بنتخانق..هو إنت شوفتنا إتخانقنا
الشاب:لو فيه حاجه ياآنسه قولى عايزين إيه وأنا أساعدكم بدل ماتتخانقو على كتاب قوليلى إسمه إيه وأنا أجيبهولك
آيه بضيق وصوت عالى قليلاً:حضرتك إحنا مااتخانقناش ده أولاً ثانياً إنت مالك وإيه دخلك بينا
الشاب بحرج:آنا أسف بس شفتكم من بعيد وحسبتكم بتتخانقو قولت آجى أحل المشكلة
آيه بنفس نبرتها:لا شكراً على حنانك مش عايزين حل لمشاكل وإحنا مش فى مشاكل أساساً
ندى موجهها كلامها لآيه بعتب:بنت إنتى برده هتفضلى طوب علطول كده مش تتصرفى بعقل وتردى بعقل على الموقف .ووجههت كلامها للشاب بهدوء:احنا أسفين معلش عملنا شوشره فى المكتبة بس كنا بنهرز
الشاب بإعجاب من نبرتها الجميلة والمهذبة:لا إعتذار ولا حاجه وأنا إللى آسف إنى إتخيلت كده بس بجد ماخدتش بالى إنكم بتهزرو وبما إنى بشتغل هنا قولت يمكن أقدر أحل المشكلة.وهنا قاطع كلامه آيه وهى تصرخ بضحك
آيه وهى ترقد فرحاً:شوفته شوفته شوفته يخربيت عقلك ياندى وآل مالكيش فى الحب آل وشاريه الكتاب ده ليه شكلك نفسك تعرفى الحب إزاى بدل لسه ماتدوقتيش طعمه هههههههههههههههه
ندى بخجل شديد من كلام آيه أمام الشاب فوضعت الكتاب فى مكانه بهدوء وقالت موجهها كلامها للشاب ونظرها فى الأرض:إحنا اسفين لو كنا عطلنا حضرتك عن شغلك
.وتركت المكان وغادرت سريعاً من المكتبة وهى فى أعلى درجات الخجل من الموقف وفى أعلى درجات الغضب من آيه ، وخرجب من المكتبة بأكملها وذهبت وآيه تركد ورأها بسرعه حتى لا حقتها أخيراً
آيه بإنفاس متسارعه:يخربيت شيطانك جرتينى وراكى كل المكتبة والشارع ده
ندى وإلتفتت لها وبهدوء:آيه بجد ليكى كلام تانى معايا بعدين بس لما أنفرد بيكى كده فى مكان مناسب.وهمت لتوقف تاكسى فأوقفتها آيه :ندى إنتى بتستهبلى عايزه توقفى تاكسى ليه
ندى ولم تتحرك:ـــــــــــــــــــــــ
آيه ووقفت مواجها لها:ندى بجد أنا آسفه بس مايتنفعش توقفى تاكسى وتعالى لما نروح للعربية يلا اومال أروح بيها لوحدى
ندى بضيق:عادى يعنى وفيها إيه لما تمشى لوحدك هتاكلك القطة وبعدين سيبينى بقى أمشى عشان بجد ماانفجرش فيكى دلوقتى وإنتى ولاكإنك عامله حاجه كده..خليكى مش حاسه بنفسك
آيه:عشان عنوان الكتاب يعنى ههههههههههههه ..بس على فكره باباكى لو عرف إنك ركبتى تاكسى هتكون مصيبة إنتى ناسية إنتى بنت مين يعنى عمرك ماركبتى تاكسى فى حياتك هاتيجى تركبيه دلوقتى
ندى بضيق ونرفزه خفيفه:ماهو أنا إللى غلطانه إللى ماجبتش عربيتى وجيت معاكى كده
آيه بجدية:مالك ياندى للدرجادى عشان شوفت الكتاب تعملى كده
ندى:مش بقول مش واخده بالك من نفسك ولا من عمايلك ..عدينى ياآيه عدينى خلينى أشوف همشى إزاى أنا كمان
آيه:خلاص ياستى تعالى أوصلك وخليكى مبوزه كده بس عشان والله أبوكى لو عرف إنك ركبتى تاكسى إنتى عارفه بقى مش هكمل
ندى بضيق شديد:اوووووف يانا ..خلصى وصلينى بيتنا بسرعه مش عايزه أشوفك قدامى
.ذهبت آيه مع ندى التى كانت تشع غضباً من آيه وركبت السياره بضيق شديد وإنطلقت آيه بالسياره
.وكان هناك من هو واقف على رصيف المكتبة يراقب المنظر ولايسمع حوارهم ولكن وجهه ندى يبدو عليها الضيق والرزينة فى نفس الوقف ظل يراقبها والإبتسامه على وجهه حتى إنطلقت السياره فدخل ليكمل عمله والإبتسامه مازالت على محياه

وفى سيارة آيه كانت ندى مازال الضيق والغضب يسيطرون عليها ،حتى وصلو أمام الفله فنزلت ندى وجرت ورأها آيه
آيه:مالك ياندى كل ده غضب دا أنا عمرى ماشوفتك متضايقة بالطريقة دى
ندى:اه ماهو حضرتك مش على بالك إحساس إللى جمبك إيه برده بتحدفى وخلاص
آيه:هههههه على إيه يعنى عشان شوفت الكتاب
ندى:والله عشان شوفتى الكتاب للدرجادى مكانتيش واخده بالك إنتى قولتى إيه وقدام الشاب
آيه بضحك:آهاااااا عشان كده هههههههههههههههههه
ندى:...............................