لن اعرف الحب قبلك ولن اعرف بعدك غيرك لكاتبة ياسمين

الحلقةال26

الحلقه 26

وفجأة توقفت عن الكلام وتسمرت أعينها على هذا الشاب الذى يقف على بُعد أمتار وينظر لها نظرة شوق وحزن وألم وكأن قلبه يصرخ ويناديها فلم تشعر بدموع عينيها المنهمره كالشلال وظلت مثبته عينيها عليه وبدأ قلبها ينبض نبضة قوية لم تشعر بها منذ آخر مره قابلته فيها وظل قلبها يتحدث وهو ينزف نعم لقد إشتاقت إليه نعم فهى الآن تشعر بروحها داخل جسدها لما لم تشعر بروحها وهى بعيده عنه لمّ تشعر الآن بالشوق الشديد له تريد أن تجرى وترتمى فى صدره وتبكى بقوة تريد وتريد وحتى قاطع شرودها تقدمه ناحيتها وكأن قلبه مايقوده وليس جسده،،.وحتى وقف أمامها وقال بنظرة بها ملايين المعانى
مازن بنبره هادئة:إزيك ياندى
ندى ودموعها تجرى كالشلال بصمت وعيونها مازالت مثبته عليه:ــــــــــــــــــــــ
مازن ويكاد يموت من الألم فقال بهدوء وهو يحاول الثبات:مالك ياندى بتعيطى ليه.وفجأة لمح دبلتها التى بيديها فزاد ألمه أضعاف وقال بهدوء:خدى بالك من نفسك ياآنسه ندى.وإلتفت ليكمل طريقة فاأوقفته ندى
ندى:مازن إستنى
مازن وهو يلتفت إليها وسقطت من عينيه دمعه حاره فمسحها سريعاً وقال محاولاً الإبتسام:نــعم
ندى:ممكن نتكلم شويه فى مكان هادى كده
مازن ونظر فى الأرض ولم يعرف كيف يجيب:ـــــــــــــــــــ
ندى ببكاء ونظرة رجاء:أرجوك يامازن لحظات بس وصدقنى مش هتشوفنى تانى بس عشان أرتاح لازم أودعك
مازن وقلبه يصرخ من الألم فقال بهدوء:ياريت لو عايزه تقولى حاجه تقوليها هنا
.ندى ولم تحملها قدميها وجلست على الكرسى سريعاً وبدأت تبكى بكاء شديد،بينما تقف آيه محاوله تهدئتها،ومازن وكأنه شارد مع جرح قلبها ويكاد يجن من رؤيتها تبكى هكذا وهو مكتف الأيدى ولأول مره كان يشعر أنه لو كان ميتاً لكان أفضل من هذه الصورة التى يراها أمامه .ولكنه ظل يستغفر الله وقال بهدوء محاولاً الثبات:ندى إهدى وتعالى وهنتكلم بس إهدى
ندى وقالت وهى محاوله كتم بكائها وبعيون دامعه وحزينة:خلاص مش ضرورى نتكلم..بس كنت عايزه أقولك خد بالك من نفسك وشوف حياتك وعيش طبيعى جداااااً وإنسى اليوم إللى شوفتنى فيه إنساه يامازن إنسانى خااااااالص.وانهارت فى البكاء بينها تحاول آيه تهدئتها والنظر حولها حتى لايلاحظ أحد
مازن وجلس على الكرسى المقابل لها وقال بدموع منهمره:وأنا عمرى ماهنساكى ياندى ولا هنسى ذكراكى لإنى لو نسيتك أو نسيت ذكراكى هيبقى ده يوم موتى لإنى بتنفس بذكراكى وحبك إللى فى قلبى..أنا عايزك إنتى اللى تعيشى حياتك طبيعية عايزك تنسينى ياندى وتنسى الحزن..مش عايزك تنزلى من عينك دمعه تانيه عشانى لإنك كده بتعذبينى أكتر
ندى ببكاء:أنا بحبك يامازن بحبك بجد ومش هقدر أنساك بس عايزاك إنت اللى تنسانى وتعيش حياه طبيعية وتنظر للمستقبل الجميل إللى كنت بتحلم بيه بس تبصله مع واحده غيرىىى.وانهارت فى البكاء
مازن بهدوء وألم يتغلغل بداخله:هوووووووووس أرجوكى كفاية بجد كفاية أنا بموت ياندى برؤيتك كده
ندى وهى تنظر لعينيه:أنا تعبانه يامازن تعبانه أوى بس ممكن أرتاح لما ألاقيك تكرهنى ممكن أرتاح شويه من العذاب إنسانى وفكر فى أى واحده تانيه إبحث عن حب جديد يامااازن
مازن ببكاء هو الآخر وأعينهم متقابله:معرفتش الحب قلبك ومش هعرفه بعدك لغيرك إنتى حبى الأول والأخير
ندى ببكاء:لأ حرام حرااام تعذبنى كده..مازن أنا كتب كتابى النهارده يعنى النهارده هكون زوجة قدام ربنا هكون على ذمت واحد تانى
فوضع مازن يديه على أذنيه لكى لايسمع كلماتها وقال بألم شدييييد:خلااااااااااااااص خلاااااااااااااااص كفاية مش عايز أسمع الكلام ده.وقال وهو يستعد للذهاب:وداعاً يابشمهندسة ندى.وذهــــب