لن اعرف الحب قبلك ولن اعرف بعدك غيرك لكاتبة ياسمين

الحلقة ال33

الحلقه ال33

تكمل كلمتها إلا ورأو حارس الباب يفتح الباب مرحباً بأحد ونظرو فاعلت الدهشة والضيق ملامح آيه وندى وفى نفس واحد:نــيــفــين
فتقدمت نفيفين ناحيتهم حتى بدت مواجهه لهم وقالت بـتعب وإنفجار فى البكاء وهى ترتمى فى حضن ندى:أنا آسفه ياندى أنا آسفه ياندى
آيه بضيق شديد وعصبيه وهى تبعد نيفين عن ندى:لا والله جايه تستعطفينا عشان نتصاحب عليكى تانى..ياترى المره الجايه ناويه على إيه
نيفين ببكاء شديد ويبدو على ملامحها التعب الشديد:أنا آسفه بجد آسفه أوووى وأنـ.قاطعتها صافى
صافى وعلى ملامحها التعجب الشديد وبتساؤل:إنتى مين ياقمر
نيفين ووجهت نظرها لصافى وقالت بنظرة منكسره وندم:أنا إللى عذبت ندى أنا أكبر سبب فى عذاب ندى اه أنا أنا اللى إتفقت مع مصطفى إنه ياخد ندى الفله ويعمل اللى عمله عشان ننتقم منها..أنا كنت من ضمن اللى بيقابلو مصطفى وكنت بسهر معاه فى النادى ولما عرفت إنه متضايق من ندى أخدتها فرصة وإتفقنا وعلى أساس إنه هيعمل كده وهيطلقها وهايجى يتقدملى أنا وأتجوزه وأكون مرات التييييييت إبن شادى الأسيوطى..أنا اللى من صغرى كنت بغير من ندى ولما شوفت فى عينيها نظرة حب لواحد كنت هتجنن وأفصل بينهم لكن ماقدرتش لإن حبهم طلع أقوى من أى مشاكل ممكن تقابلهم..اه ياطنط أنا اللى خدعت ندى عشان أقرب منها عشان أعرف أبوها شغله مع شركة إيه وعشان أكون أحسن منها ..اه أنا السبب أنا السبب فى عذاب ندى وجرحها.وإنهارت تبكى بينما تقف آيه وندى بين دهشة شديده وصافى بين ذهول وتعجب
صافى:طيب طيب أنا مش فاهمه إنتى مين ولا بتتكلمى عن إيه بس إنتى شكلك تعبانه أوى..تعالى إقعدى بس لحسن شكلك هتقعى
نيفين وهى تجلس بتعب شديد وبألم:آآآآآه
صافى بقلق:مالك ياحبيبتى إنتى تعبانه أو حاجه
نيفين بنظره حزن:يااااااه من غير ماتعرفينى وشكلك قلقانه عليا وأنا اللى كنت بقول عليكى متكبره..سامحينى أنا بس الشر والسواد اللى فى قلبى عمانى لإنى لما أحكم على الناس من فلوسها أو شكلها يبقى أنا اللى المفروض أدور فى نفسى أول..بس أنا خلاص عرفت نفسى خلااااااااص.وإنهارت تبكى
بينما رق قلب ندى وتوجهت ناحيتها وجلست على الكرسى الذى بجانبها وقالت بهدوء:مالك يانيفين بتتألمى كده ليه
نيفين تحاول كتم الألم وقالت ببكاء:ندى أنا قومت من على سريرى عليكى من قبل ماأروح فلتنا أنا جايالك من المستشفى على هنا علطول جايالك عشان تسامحينى ياندى ..ارجوووكى سامحيييينى.قالتها وهى تحاول تقبلة يديها
ندى وهى تسحب يديها وقالت بقلق:إنتى كنت فى المستشفى ليـه
صافى مقاطعه لها:هو إنتى صاحبة ندى فى الكلية أو كده
نيفين:اها أيام ماكنت فى الكلية كنت مع ندى لكن أنا دلوقتى فى فصل من الكلية والسنة راحت عليا وللأسف عايزه أقولك إنى دخلت الكلية دى مخصوص عشان سمعت من بعيد إن ندى زاهر عزمى هتدخلها وأنا أساساً مش بحبها ولا عمرى فلحت فيها
صافى:والله أنا مش فاهمه أى حاجه
نيفين:أنا بنت وائل صباحى ياطنط
صافى بفزع وهى تضرب على صدرها بقوة:ميييييييين.وقالت بعصبيه:وإنتى إيه اللى جايبك هنـا
نيفن ببكاء:أنا عارفه إنك المفروض تعملى أكتر من كده لإن بابا أول عدو ليكم وكان زيي بالظبط بيحاول بشتى الطرق يسرق معلومات عن شركات..... لكن خلاص بابا بعد إللى حصلى إتهد خالص ومش عارف يودى عينه فين من الفضيحة قدام رجال الأعمال اللى معاه
ندى بتساؤل:فضيحة إيه..هو حصلك إيه إنتى بجد شكلك تعبانه أووى
نيفين بنظرة بها ملايين المعانى:أنا لسه خارجه من عملية إجهاض عملاها أول إنبارح
آيه وندى بفزع:إيــــه
نيفين ببكاء شديد:أنا بجد حسيت بألمك اووى ياندى حسيت أد إيه إنتى إتظلمتى حسيت إنى بجد من أسوأ القلوب اللى فى الدنيا وأسودها ..لإنى كنت سبب فى اللى حصلك قبل الجواز ياندى.وبنظره منكسره وحزيــنه:لكن عايزه أقولك أنا ربنا إنتقم منى فى الدنيا قبل الآخره.وإنهارت فى البكاء وقالت:كنت بروح نادى........وكنت بقعد مع شباب عادى وبهزر وبضحك وبرقص وعايشه عيشة سوده زى قلبى بالظبط وفى واحد من الشباب دول كان كويس طول عمره من يوم ماعرفته من وأنا فى إعدادى وهو كويس ومكنتش يحب الحاجات دى لكن هو حبنى من وأنا فى إعدادى وحبنى بجنون وأنا كل ماكنت أشوفه كنت أرفضه عشان مش عايش فى الجو إللى بعيش فيه وفى الآخر عشانى إنضم للجو بتاعى وبرده رغم كل ده رغم إنى ولاكنت بعبره وفضل يكلمنى لغاية فى يوم جه وقالى .................................وسردت لها ما حدث من يوم أن واقفت على أدهم لكى تحقق هدف ولكنها تركته بعدما حققته من ناحية آخرى وما حدث من يوم إختطافها وماذا فعل بها)
صافى وندى وآيه بذهووول شديد ظلو يستمعون لها وعيونهم متسعه من ذهول ماتحكى.وحتى قالت ندى
ندى بقلب رقيق إقتربت ناحيتها وضمتها إلى صدرها وقالت بحنان:خلاص ياحبيبتى إهدى..لازم تهدى يانيفين إنتى العملية لسه تعبها معاكى والإنهيار ده غلط عليكى
نيفين بترجى وبنفس نبرتها:ندى أنا جايه هنا عشان أسمع منك كلمة سماح كلمه واحده أو لو مقدرتيش تسامحينى عايزاكى ماتدعيش عليا
ندى وهى ترطب على ظهرها بحنان:طيب إهدى يانيفين إهدى بس
نيفين بهدوء قليلاً وقالت بنظره منكسره:إنتى تعرفى ياندى طول الأسبوع اللى كنت مخطوفه فيه وطول ماكنت أتألم من شيئ معرفش إيه اللى يحصلى كده وألاقى صورتك ودعوتك عليا يوم اللى حصلك فى الفله بيعدو قدامى ودعوتك بتردد فى ودانى وكأنها بتهز جسمى كله.وببكاء شديد وألم:آآآآآآآآآآآه ياندى بجد أنا ظلمتك أوووى بجد أنا إلمتك أوووى أنـ.ولم تكلم كلمتها إلا وسمعت رنين هاتفها
ندى:خلاص يانفين إهدى بس ياحبيبتى وردى على الموبايل
نيفين وهى تنظر فى الهاتف بعيون باكيه وبصوت مبحوح:دى مامى
ندى:طيب ردى عليها تلاقيها قلقانه عليكى
ندى وهى تحاول الوقوف:آآه..ندى أنا عايزه أقولك كلمة
ندى:إتفضلى ياحبيبتى
نيفين ببكاء صامت وترجى:ماتدعيش عليا تانى أرجوووكى
ندى بدموع منهمره وبحزن وهى تضم نيفين وترطب على ظهرها:مسمحاكى يانيفين وأنا خلاص هنسى كل الأيام الوحشه اللى قابلتنى فى الأيام اللى فاتت وهبدأ صفحة جديده إن شاء الله
نيفين بسعاده ممزوجه بالبكاء:ربنا يسعد قلبك ويعوضك عن اللى حصلك فى حياتك ياندى يااارب.وحاولت الوقوف جيداً وقالت بنظره جميلة صافيه:ندى بجد إنتى طيبة أوى..تعرفى أنا لما حصل اللى حصلى أول شيئ عرفته علطول إن ده إنتقام من ربنا بسبب إللى عملته فيكى وتانى شيئ وده الشيئ اللى بالعافيه عرفت أتوصله إنى ممكن أقدر أتغير وكله بسبب طيبتك لإنك بجد بنت محترمه وطيبة وحاسه إنك كنتى قدوه فى إنى أتغير لما بس بفتكر إن اللى فى قلبك هو اللى بتعمليه مش زيى إللى جوايا غير اللى بره خااالص
ندى بإبتسامه جميلة:نيفين أنا بطلب صداقتك
نيفين بدهشه:إيـــه
ندى بنظره جميلة:اه زى مابقولك كده أنا بطلب صداقتك ولو قبلتى بيها يبقى إنتى كمان هتفتحى معايا صفحة جديده خالص وهبدأ أول شيئ فى البحث عن أصول الدين لإن دى إللى بتوصلنا للأخلاق ..إيه رأيـ.قاطعتها صديقتها
آيه ووقفت مواجها لهم وبإبتسامه:وأنا هنضم للحزب
نيفين ببكاء السعاده وهى تحتضنهم الإثنين:بجد بجد مش مصدقه .وببكاء:ياااااااه دا القلب الطيب دا جميييل اوووى
ندى بإبتسامه:والصحبة الصالحة أكيد هتبقى أجمل إن شاء الله لإننا هبدأ حياة جديده فى طاعة الله وهتكون أكيد أحلى حياه لإننا هيكون إبتغانا مرضات الله
آيه وهى تصفق وبمرح ممزوج بسعاده بداخل قلبها:هييييه إيه الشعر دا ياعم الشاعر
ندى بإبتسامه:والله أنا بتكلم بجد.ووجهت كلامها لنيفين:هــا يانيفين هتقبلى صداقتنا الصالحة والحياة الجديده
نيفين ببكاء سعاده:أكيييييد أكيييييييد ياحبيبتى.وضمت ندى بسعاده وفرحة وشكر وإمتناء وآيه هى الآخرى
ندى وهى تشار على الكرسى:طيب ممكن بقى تقعدى شويه لما نتفق على القواعد الأوليه ونـ.قاطع كلامها صوت بكاء صافى
ندى وهى تلتفت وبقلق:مامى مالك ياحبيبتى مــامى
صافى بعدما هدأت أخيراً قالت بإبتسامه:يااااااه تعرفو إنى طول عمرى ماشوفتش موقف حصل قدامى مؤثر بالشكل ده..حاسه إن الموقف ده طعمه غريييب لكن جمييييل اووووى..هو بجد الدين إللى بيحسس الإحساس ده
ندى بإبتسامه جميلة:طبعاً ياحبيبتى القرب من ربنا اللى بيحسس الإحساس ده وأحلى كمان..لو تكونى بتعملى اللى ربنا بيحبه منك يااااه بجد هتحسى بإحساس تانــى خااالص لإنك لما تكونى مع ربنا دايماً وهو هيبقى عندك أول شيئ ربنا هيعوضك بكل خير
صافى وكأنها نسيت كم عمرها ومن تكون فقالت بحب:ندى أنا عايزه انضم للحياة إللى هتبدؤ فيها دى
ندى بدهشة ممزوجه بالسعاده الشديده:بـــجد يامامى
صافى بإبتسامه:بــجــد ياحبيبتى
ندى وهى ترتمى فى حضن والدتها وبسعاده شديده:يااااااااااه أنا سعيده أوووى اوووى أوووووى حاسه إن عمرى ماسعدت كده
.واحتضنت صافى نيفين وآيه أيضاً وجلسو جميعاً حول المائده أمام البسين
نيفين:هبدأ بإيـــه
ندى بسرعه:باالحجاب
نيفين وصافى بدهشة:هــا
ندى بإبتسامه:شوفى يامامى ياحبيبتى بصى على آيه كده ماشاء الله قمره بحجابها إللى مش مبين منها حاجه فى أحلى من كده باالله عليكى..تخيلى إللى إحنا فيه إللى آيه فيه أولاً إحنا بنمشى بكب وبناطيل جينز وبرمودات ووو وكل اللى ماشى يتفرج غير الذنوب إللى بناخدها..وتخيلى بقى واحده مثلاً زى آيه
نيفين مقاطعه لها:أنا هلبس الحجاب
ندى وآيه بسعاده:بـــجــد
صافى:وأنـــا وعد منى هلبس الحجاب أنا عارفه إنى ممكن تقابلنى مشاكل بالنسبة لأبوكى وكده لكن هصمد على رأيي وهلبسه وأنا وإنتى ياندى ونيفين من النهارده هنلبس الحجاب
آيه وهى تضع يديها على فمها بسعاده شديده ممزوجه بدموع الفرح:الله أكبر ولله الحمد .وقامت وإحتضنتهم وقالت بإبتسامه:طيب وأنا بقى هديتى إنى هروح دلوقتى حـــالاً أشتريلكم الحجاب
نيفين:طيب إستنى لما آجى معاكى
ندى:لاااا ياحبيبتى دا إنتى شكك واقعه خالص لازم تريحى يانيفين
نيفين:ياااااااه تصدقى وربنا نسيت إنى تعبانه وكمان نسيت إن مامى رنت عليا أنا حكتلها الموضوع وعرفتها إنى جيالك تسامحينى بس قولتلها خمس دقايق مش أكتر..بصراحة ماتخيلتش إنكم ممكن تقابلونى المقابله دى ويحصل إللى حصل ده.وبعد تنهيده طويــله كأنها طردت معها هموم كثيره:يااااه تصدقو إنى حاسه إنى بتولد النهارده من جديد
آيه:كلنا إن شاء الله نتولد النهارده من جديد إنتو تعرفو ربنا قال وما خلقت الجن والإنس إلا ليعبدوه وعشان إحنا كنا مقصرين مع ربنا ومن النهارده هبدأ حياة جديده فى طاعة ربنا يبقى يعتبر لسه بنتولد النهارده
صافى:الله كلامك جميييل اوووى ياآيه
آيه:لااا مافيش حاجه إسمها كده ياطنط من النهارده هيكون كلامنا كلنا لإننا كلنا هنعين بعض وهنـ.قاطع كلامها صوت رنين هاتف نيفين
نيفين:مامى بترن ..يلا ياآيه أنا لازم آجى معاكى ونشترى الحجاب وهروح الفله بيه
ندى:بصى يانيفين سيبى آيه تروح هى والسواق هيوصلها لكن إنتى كلمى والدتك وقوليلها معلش يامامى هتأخر شويه ولما آيه تيجى إنزلى بالحجاب..إحنا خلاص عزمنا على كده يبقى من الآن مش هنمشى بره ولاهنظهر قدام حد بدون حجاب
نيفين:اوكــى حبيبتى.ووجهت كلامها لأيه:يلا سامحينا بقى ياآيه
آيه بمرح:إنتو تؤمرو بس وحـــــالاً يكونو عندكم
.وذهبت آيه متوجها ناحية مول........بالإسكندرية وتوجهت ناحية الطابق الخاص بلبس المحجبات وفجأة إصتدمت بشخص مــا.................