لن اعرف الحب قبلك ولن اعرف بعدك غيرك لكاتبة ياسمين

الحلقة ال15

الحلقه ال15

نيفين بضيق:وإفرض أنا مش عايزاك

أدهم بترجى:هعملك أى حاجه تطلبيها منى وكل اللى هتقوليه هسمعه وهكون تحت رجلك بس إقبلى حبى ..نيفين إنتى عارفه إنى من وأنا فى إعدادى من يوم ماشوفتك وأنا بحبك

نيفين ولمعت فى ذهنها فكره شريره فقالت بتمثيل الإعتذار:أنا آسفه ياأدهم ماكنتش أعرف إنك بتحبنى للدرجة دى

ادهم بسعادة:يعنى هتقبلى حبى

نيفين بإبتسامة:أكيد ياحبيبى

.وفى مكان آخر فى الإسكندرية وباالتحديد فى منزل هشام عبد المجيد كان هناك حزن وهم يحوط المنزل وسكانه

سندس (والدة مازن)ببكاء:منه لله منه لله المفترى اللى جرح قلب بنتى

مازن بنرفزه خفيفه:يعنى هى هتفضل كده بقالها 10 أيام فى العييط والحزن ده عشان واحد مقدرهاش

هشام(والد مازن)بنرفزه خفيفه:اه قولهم يامازن يكونو يخفو المحزنه دى شويه

مازن بحنان وأقترب من والدته:ياماما ياحبيبتى أنا حاسس بيها إنها ببتعذب لكن العييط والحزن والإضراب عن الأكل جبلها إيه فى الآخر غير المرض وخلاص

والدته ببكاء:أختك كانت بتحبه يامازن تعرف يعنى إيه كانت بتحبه ومش سنة ولا إتنين حب

مازن:ماهو كده مايستهالهاش لما يبقو مخطوبين الفترة دى كلها وبعد كده يسيبها بالسهوله دى بعد الحب اللى كانو بيحبو لبعضهم

والدته ببكاء:أنا مش زعلانه عليه يروح فى داهية ميهمنيش لكن اختك إللى مقطعه قلبى ..إتألمت بجد إتألمت اوى

مازن بحزن وهدوء:خلاص ياماما إهدى ياحبيبتى وأنا هخدها وأمشيها على الكورنيش شويه وأنزهها شويه تكون تغير نفسيه شويه وتهدى

والدته بسعادة يصاحبها البكاء:ربنا مايحرمنا منك ياحبيب قلبى ومن قلبك الحنين والطيب..خد أختك أختك وإحكى معاها كده يمكن تفضفض معاك وترتاح شويه

.ودخل مازن غرفة أخته ودق الباب فلم تجب فدخل بهدوء وأغلق الباب ورائه،وجدها جالسه شارده وكأنها فى عالم آخر يكسو ملامح وجهها الحزن والألم فإقترب مازن منها وقال

مازن بهدوء وحنان:لمياء..لمياء..لامى..لميــاء

لمياء بنظرة حزيــنة ومكسوره وبهدوء:هـا نعم يامازن

مازن وهو يرطب على كتفها بحنان:تعالى ياحبيبتى لما أخرجك ونتمشى على الكورنيش شويه أو أى مكان كده تغيرى جو

لمياء ببكاء صامت ونبره حزينه:أنا تعبانة يامازن تعبانة أوووى وقلبى مكسووور

مازن بحزن ويكاد قلبه ينفجر من من كان سبب فى جرح أخته فقال وهو يكتم غضبه وبحنان:تعالى بس..قومى إلبسى كده وأنا هتصل بحاتم يجيبلى عربيته وأخدك أمشيكى شويه