لن اعرف الحب قبلك ولن اعرف بعدك غيرك لكاتبة ياسمين

الحلقة ال40

الحلقه ال40

وأخذ مازن ندى وتوجهه ناحية الفلة ليوصلها إلى أهلها ويشعر أنه لايريد مفارقتها لحظة بعد الآن ولكن لابد من الصبر حتى يمر الأسبوع المتبقى إن شاء الله،ونزلو من السياره أمام فلة ندى ودخلو الفلة وتقدمت صافى مرحبة بهم ولكن يبدو على وجهها علامات التوتر الشديد وقالت بترحيب:أهلاً أهلاً حمدلله على السلامه..إتفضل يامازن

مازن وهم فى حديقة الفلة:لا لا شكراً ياماما بعد إذنك هروح بقى عشان الوقت متأخر..بابا زاهر هنا أسلم عليه

صافى بتوتر:هـا اه لالأ هو نايم..إتفضل يامازن تعالى

مازن بإبتسامه:يلا بقى معلش مره تانيه إن شاء الله ابقى سلمى عليه

صافى وتشعر بالراحه الشديده داخلها كانت تخشى أن يدخل مازن ويتلاقى مع زاهر الغاضب فقالت بإبتسامه:الله يسلمك يوصل إن شاء الله

مازن بنظره جميلة لندى:عايزه حاجه ياحبيبتى

ندى بإبتسامه جميلة:عايزه سلامتك ياحبيبى

مازن:يلا سلام عليكم

.وذهب مازن خارج الفلة وانطلق بسيارته ناحية منزله وهو يشعر بسعادة كبيره داخله ولكن يكسوه الحزن كان يتمنى لو كانت ندى مازالت تجلس معه الآن أيضاً ولكنه حاول أن يصبر قلبه بكلمة:يلا كلها إسبوع إن شاء الله وبعدين نفضل مع بعض علطول

.وفى فلة زاهر عزمى دخلت ندى مع والدتها الفلة وعلى ملامح ندى السعادة الشديده وارتمت على الأريكة فى صالة الفلة بسعادة وقالت لوالدتها:وحشتونىىى وحشووونى وحشتونى ياحلوييين.واعتدلت فى جلستها وقالت:اومال بصحيح بابى مش بان النهارده بعد مالمأذون خلص مشى ليه ينفع كده يعنى حتى كان المفروض يستقبل مازن دلوقتى..مش مايشفوش خالص كده دا أنا بنته يعنى وده جوزى

.قاطع كلامها خروج والدها من غرفته ويبدو كأنه مستيقظ من النوم ولكن الغضب مازل على ملامحه وقال بغلظه:آها دلوقتى كلمة جوزى بقت على لسانك عادى صح

ندى بتعجب من نبرة والدها وقالت:إيه ده إنت صاحى يابابى

زاهر بنفس نبرته:لأ كنت نايم ولما سمعت صوت عربيه لإنى طبعاً مقلق بصيت من الشباك لقيت البشمهندس مروح ياريتنى كنت شوفته بس وأنا ماكنت سيبتله تهزيقه

ندى بتعجب أكثر وبهدوء:اومال فى إيه يابابى

زاهر بغضب شديد وصوت عالى:وبكل برود بتقولى فى إيه حتى إنت ياندى تخونينى

ندى بنظره خاليه من أى معنى:ــــــــــــــ.وبهدوء وعدم فهم قصد والدها:مش فاهمه بجد تقصد إيه

زاهر بنفس نبرته:يعنى تلفى اللفة إنتى وعمك وتضحكو عليا وكإنى طفل صغير وتخططو الخطه وآل عريس جايلك وإبعتلى ندى وأنا هقنعها وأتارى إنتم متفقين مع بعض من بدرى على إللى اسمه تيييييييت مازن ده