لن اعرف الحب قبلك ولن اعرف بعدك غيرك لكاتبة ياسمين

الحلقة ال3

الحلقه ال3

ويوم السبت إرتدت ندى بنطلون جينز باللون الأبيض به فروع شجر رقيقه على الجيب باللون الأسود وبضى تلت تربع كم باللون الرمادى الفاتح وبه ورود بارزه باللون الأبيض والأسود من على الصدر_وأخذت أدواتها وحقيبتها باللون الأسود المموج بالرمادى والأبيض ذات اليد الطويله ولبستها حول رقبتها حتى كانت على خصرها بمنظر جميل وأخذت نظارتها الشمسية ذات الماركة المميزه ونزلت للأسفل وجدت والديها جالسين ويبدو انهم ينتظرون الإفطار
ندى:صباح الخير .وذهبت لتقبل يد وجبيبن والديها
زاهر(والد ندى):صباح النور يانوده هـا حبيبتى رايحة الجامعه
ندى:ايوه حبيبى مش عايزين حاجه
والدتها:فطرتى ياندى
ندى:اه الداده جابتلى فطارى على أوضتى وكلت قبل ماألبس
والدها:طيب الحرس واقف بره عشان يوصلك..خدى بالك من المذاكره كويس عايزك تبقى مهندسة كمبيوتر قد الدنيا عشان الشركات إللى هتفتحيها فى المستقبل
ندى:اوكى إن شاء الله..بابى عايزه من حضرتك رجاء مش فضلك
والدها:عايزه إيه ياحبيبتى إتفضلى إعملى إللى إنتى عايزاه من غير ماتقوليلى
ندى:ماشى بس بليز بلاش حرس وأنا مش صغيره وبعدين معايا عربيتى وبفوت على آيه صحبتى أول
والدها بضيق خفيف:ليه هو الحرس مش عاجبك فى إيه
ندى:يابابى بس مالوش لزوم وبعدين هيكون منظر مش لطيف أنزل الكلية وقدامى وورايا حرس أنا مش صغيره
والدها:هو فيه حد يحلم بالعيشه إللى إنتى فيها دى وبتتأمرى..عموماً براحتك إعملى إللى إنتى عايزاه
ندى فى سرعه قبل الرجوع فى كلمته:ميرسى حبيبتى يلا سلااااااام بقى
.وذهبت سريعاً وتوجهت ناحية منزل آيه وجدتها واقفه مع حبيبها تحت المنزل فأوقفت السياره وأخرجت رأسها برقه:يلا يايويو
آيه وسلمت عليه وذهبت وسلمت على ندى وقالت بضيق:إنتى جيتى بدرى ليه مش تسيبينا شويه دا أنا ماصدقت أقف معاه شويه ياشيخة
ندى:ههههههههه والله كل ده وماصدقتى تقفى معاه دا إنتو شكلكم كنتو منسجمين فى الكلام اوى
آيه:ياختى ماهى دى فرصه إتججنا وقال هقف معاها تحت على ماصحبتها تيجى
ندى:ههههههههه هتقوليلى على حججكم إللى بتخترعوها عشان تقفو مع بعض شويه آخ يانااااا عليكم
آيه وهى ترفع يديها للسماء وبمزاح:إلهى يارب أشوفها فيكى قريب ياندى وتكونى أمر منى كمان فى الحب وتجربى تكونى تحسى بيا
ندى:هههههههههههههه طيب يلا وصلنا يامجنونه
آيه وهى تنظر لمبنى الجامعه:احم احم أهلاً بيكى ياكليتنا الجميلة من اليوم هنورك .وبطريقة مرحه وبترجى:بس بليز ياحضرت الجامعه خليكى طيوبه وإستقبلينا كويس وبلاش يكون فيكى مذاكره كتيره عشان أعرف أقابل حبيبى شويه
ندى:هههههههههههههه مش بقول خلاص قربتى للعباسية كلها بس درجات بسيطه..يلا يلا الناس بتتفرج عليكى ياللى بتكلمى الحيطان إنتى
آيه وهى تدخل معها من الباب وبصوت عالى:أنا لسالى درجات عقبااااااااااااااالك ياندى وأفرح بيكى يااااااااااااااااااارب.ولم تكلم كلمتها إلا واتصدمت فى شخص
آيه بنرفزه عاليه:مش تفتح ياعم إنت.وهنا إندهشت هى ندى لما رأته
ندى بدهشة وهى تشار عليه:إنت برده
الشاب بدهشة شديده هو الآخر:إنتو
آيه بضيق:هو إنت ملزق فينا علطول ولا إيه
الشاب بضيق قليلاً:ياآنسه حضرتك إللى ماشية تزعقى ومش شايفه قدامك دا أنا واقف لقيتك خبطى فيا من ضهرى
ندى بدون وعى:ههههههههههههههههههههه
الشاب نظر لندى وتعجب على ضحكتها المفاجئة:إيه اللى ضحك أوى كده
ندى بنبره جاده:مبضحكش على حضرتك أنا بضحك على زميلتى
الشاب:والله أنا بدأت أشك فى الموازين العقليه عندكم.قال كلمته وذهب
ندى ووجهها إحمر من الغضب:إنت إللى موازين عقلك خربانه قول الكلام ده لنفسك
آيه على طريقة ندى:هههههههههههههه الكلمة طالعه منك عسسسسل ياريته سمعك كان زمانى بتفرج على خناقة جميلة وأفرح بعقلك الرزين
ندى:دا إيه دى الأشكال إللى بتقابلنا فى أول ساعه دى يارب استر أومال لما أكمل شهر هيكون إيه إللى حصل
آيه:بس غريبة يعنى هو الواد ده عفريت ولا إيه ورانا ورانا ومابيشوفناش غير فى الخناق الغير عاقل
ندى بضحك:ههههههههه عندك حق فعلاً ..لازم ناخد بالنا بقى ليكون من الكلية دى والواد عنده حق يشك فى موازينا العقليه
آيه:اما إنتى بتعملى كلامه إتضايقتى منه ليه وكنتى هطقى لما قالها ومشى
ندى:عشان طريقته غير مهذبة وكإنه بيسخر مننا وأنا مش بحب كده معايا
آيه:يلا يلا ورانا محاضره بسم الله نبدأ يومنا وحايتنا الجامعية