لن اعرف الحب قبلك ولن اعرف بعدك غيرك لكاتبة ياسمين

الحلقة ال36

الحلقه ال36

.وفى شركة...........وباالتحديد فى غرفة مكتب الباش مهندس آدم عزمى
بدأ آدم بالكلام:اه ياندى بتكلم عن خطوبة ياحبيبتى
ندى:مش إنت قولتلى أركز فى دراستى وبعدين ياعمو إنت شوفت إللى جرالى قبل كده وأنا حتى الآن لسه مش قدره أنسى ولكن بحاول أنسى كل الوحش لكن برضه جوايا حاجات مش قادره أنساها ومتهيقلى مش هتتنسى أبداً
آدم بإبتسامه:ماهو ياحبيبتى الخطوبة دى هتكون الحل إن شاء الله
ندى بتعجب شديد:بصراحة ياعمو أنا حاسه بألغاز شديده اوى مش عارفه ليه حاسه بكده
آدم بإبتسامه جميلة:بصى ياحبيبتى أنا هفهمك..فى واحد كان على قد حاله زمانه وإشتغل عندى هنا من حوالى سنه وكان السكرتير بتاعى وماشاء الله فى سنة واحده بس فتح شركة لوحده وبنى فله واشترى عربيه آخر موديل وكتير وكتير لإنى شفت فيه الشاب المناضل والمكافح بجد وفى السنة دى بقى دلوقتى زى إبنى وحبيته جداً وقولت مافيش لندى غير ده
ندى بهدوء:بس بجد ياعمو أنا لسه تعبانه ومش عايزه خطوبة ولاكلام من ده دلوقتى أنا عايزه أفوق لدراستى
آدم بإبتسامه:طيب شوفيه بس ياحبيبتى ولو ماردتيش دلوقتى هو هينتظرك براحتك
ندى: ينتظرنى ليه مايروح يخطب حد تانى ويعيش حياته إشمعنا عايز يخطبنى أنا
آدم بإبتسامه:مستحيل هيرضى بواحده غيرك
ندى بتعجب شديد:نـعم وهو إيش عرفه بيا
أدم بإبتسامه وضغط زر الجرس الذى بجانبه وقال لندى:هو بقى مش عايز غيرك
ندى:والله حاجه غريبة وهو مالــ.ولم تكمل كلمتها إلا ورأت فجأة شاب يدخل بإبتسامه جميلة وفى عينه نظرات بها معانى كثيره وكثيره وقال لندى:لم أعرف الحب قبلكِ ولن أعرفه بعدكِ لغيرك فاأنتِ من أخذتى قلبى ولم يرجع إلى فهو مازال معكِ وسيظل لكِ حتى موتـى
آدم بنظره جميلة على ندى التى تقف بين دهشة شديده وقال بإبتسامه:إيه الكلام الرائع ده يامازن..لأ وكمان معرفش إنك لغوى ومعاك اللغة العربية هههههههههه
مازن بنظرة جميلة لعشق قلبه وبهدوء رغم أنه يكاد يفعل أشياء وأشياء ولكنه ثبت وقال:إزيك ياندى
ندى وعينيها منهمره بدموع غزيره وصامته بدون أن تشعر بها وظلت محدقه عينيها فى عينه وكأن عيونهم هى من تتحدث:ــــــــــــــــــ
قاطعهم آدم بإبتسامه واسعه:إتفضل يامازن أقعد أقصد ياعريس..إتفضلى يانوده إقعدى
.ندى وإنهارت تبكى بشدة وبصوت عالى وكأن قلبها إنفجر بكل آلام الماضى فتوجها ناحيتها عمها بقلق شديد وظل يرطب على ظهرها بحنان وقال:إهدى ياندى إهدى ياحبيبتى..أنا عارف إنها مفجأة عليكى بس دى كانت أقل حاجه ممكن أقدمها لبنت أخويا إللى زى بنتى اللى مخلفتهاش
ندى وهى تحتضن عمها وببكاء شديد:يااااااااه ياعمو من ساعتها وإنت شايل همى
آدم بإبتسامه:لا والله دا مازن ياحبيبى هو إللى شايل هموم الدنيا كلها لكن برده كان متمسك بالأمل وثقته فى ربنا إن قلبه هيرجع ينبض جواه
مازن:ماخلاص بقى يابشمهندس هتفضل حاضنها كتير
آدم ونظر لها بإبتسامه:ياراجل ودى أسميها إيه بقى غيرة ولا هبل
مازن بنظره جميلة:بينى وبينك غيرة فعلاً لإنى المفروض إللى أعمل كده بس أنا بحاول أثبت
آدم بضحكة عالية:هههههههههههههههههه والله ماكنت أعرف أنك رومانسى أوى كده..بس بصراحة عذرك ههههههههههه.ونظر لندى التى تجلس على الكرسى تبكى بصمت ونظرها فى الأرض وملامحها يكسوها حمرة الخجل وقال بإبتسامه جميلة:يووه يووه دا ندى شكلها عايزه كده كمان..احم احم لا لأ شكلنا هنعجل بالأمر
مازن:هو لسه فيها كلام..بس طبعاً لو العروسة توافق
آدم:هــا يانوده موافقه بالواد ده أقصد بالبشمهندس ده يكون زوجك المستقبلى إن شاء الله
مازن يعدل:زوجها الحاضرى ظبط كلامك بعد إذنك يابشمهندس عشان تعمل حسابها هى لسه هيكون فيها مستقبل
فإبتسمت ندى بدون وعى ونظرت فى الأرض بخجل شديد:ـــــــــ
آدم:يبقى خلاص موافقه ولا أطرده بره
ندى بنفس حالها:ــــــــــــــــــــ
آدم بمزاح:خلاص امشى بره ياجدع إنت معندناش بنات للجواز
ندى بدون وعى قالت بسرعه:موافقه موافقه
بينما إنفجر آدم فى الضحك من طريقة ندى وإبتسم مازن ليست إبتسامه عادية ولكن بداخلها أشياء كثييييييره وكاد يضمها إلى صدره لكى يطفئ قليلاً من أشواق قلبه ولكنه ظل ثابتاً لكى يرضى الله لآخر لحظة
آدم بضحك شديد:هههههههههههههه خلاص خلاص والله هموت من الضحك ههههههههههههههه..بجد إنتو الإتنين عسل أنا متهيألى ماضحكتش الضحك ده طول عمرى هههههههههههههه بجد قصة حبكم دى المفروض تتكتب فى التاريخ وكل العشاق والمحبين يقرؤها.وبنظره جميلة وهادئة:يااااااااه ياندى لو تعرفى قد إيه مازن ضحى عشانك
مازن بمزاح:لأ أنا ضحيت عشان قلبى إللى خدته منى ده من زمان ماشوفتوش وكنت عايز أوصله بقى لإن صوت نبضاته وحشتنى اوووووووى
آدم وهو يغمز له:اها إضحك عليا ولف الموضوع عشان أنا قاعد..ههههههههه بكره تقول كل إللى جواك وترتاح
مازن:بكره إيه دى أنا عايز النهارده..لا لأ دلوقتــــ.ولم يكمل كلمته إلا ورأو باب المكتب يفتح فجأة ودخلت أخته لمياء مع خطيبها وأخت خطيبها والسكرتير،فااندهشت ندى عندما رأتهم
آيه وهى تحتضن ندى بدموع السعاده:مليووون مبروووك ياحبيبتى ربنا يسعدك يارب
لمياء وهى تحتضن مازن بدموع سعيده:ألف مليون مبروك ياحبيبى ربنا يسعدك يارب وماعاد يدخل عليك حزن تانى
.وظلت الغرفه ممتلئه بالضجة وكلمات المباركه على ألسنتهم وحتى خرجو ناحية صالة الإستقبال وجلسو جميعاً
ندى لأيه:إيه ده إنتى كنتى تعرفى
آيه بسعاده:لا والله ياختى لامى وأبيه مصعب هما اللى مخطتين مع باقى الفريق
ندى بنظره جميلة لـ لمياء:بجد وحشتينى اووى يا لمياء
لمياء بسعاده وهى تحتضنها:والله وإنتى أكتر يامرات أخويا
.فخفق قلب ندى بقوة وإبتسمت إبتسامه خجوله حتى قاطع كلامهم السكرتير بمرح:لولولولىىىى مبروك ياجماعه مبروك ياميزو أخيراً هتفك
مازن بإبتسامه:إيه ياحاتم كنت شايل همى على راسك أوى كده
حاتم:لأ وإنت الصادق مليت منك لإنى كل ماكنت أقعد معاك توجع دماغى بـ وحشتنى وهتجنن وأشوف اليوم إللى هشوفها فيه و
آدم:هههههههه يلا أهو الحمدلله جه اليوم إبسط بقى ياميزو
مازن:لأ على فكره أنا لسه قلبى بيوجعنى..ممكن يابشمهندس آدم تجيب مأذون بسرعه
.فاانفجر كل من فى الصاله فى الضحك إلا ندى كان الخجل يكاد يوقعها أرضاً
مازن:طيب والله أنا مابهزر بجد أنا عايز كتب كتاب علطول
آدم:على فكره أنا ملاحظ إنك مش بتبص لندى كتير وكل ماعينك تيجى عليها تبعدها للدرجادى خايف
حاتم:ياعينى عليك ياميزو ياغلبان بتصعب اووى
مازن وشعر بالخجل وقال بجديه:طيب ياعمى آدم من هنا ورايح بقى هتكون عمى زى ماإنت عم ندى بالظبط المهم بقى يلا عايزين نتكلم فى الموضوع جد ونشوف بقى
آدم بإبتسامه:يشرفنى تقولى يعمى رغم إنك لو قولتلى يابابا هفرح كمان أكتر لإنى بجد يامازن إنت دلوقتى بقيت عندى زى إبنى اللى مخلفتوش بالظبط..وبالنسبه للموضوع فاأنا كلمت زاهر المكالمة إللى كانت جنبك دى وهو موافق مبدئياً بس إنت بقى عليك تظبط موعد مع أهلك ويروحو ونجتمع ونبدأ فى التفاصيل فى فلة زاهر
مازن:طيب بس بسررررعه بليييييييز
آدم:إيه رأيك ياندى بسرعه ولا أطنش كلامه وأتمخطر
ندى بخجل شديد ونظرها فى الأرض:ــــــــــــــــــ
آدم:للأسف مش موافقه يامازن
مازن:لا دى موافقه اوى وكمان مش بيقولو السكوت علامة الرضا يبقى نتوكل على الله
.فاانفجر كل من فى الغرفه فى الضحك وندى مازل الخجل على محياها،،.وجلسو يمرحون ويضحكون وندى ومازن فى قلوبهم أشواق وأشواق ولكن كل منهم يحاول تفادى النظر للآخر حتى لاتتلاقى أعينهم وينفجر قلبهم المشتاق ،،،،وبعد مرور ساعه كاملة إستأذن آدم لتكملة عمله واستأذنت ندى مع صديقتها للخروج للنزهه ولم يتكلم مازن وتركها تذهب ولكن قلبه كان ينبض بقوة شديده وهى تخرج من الشركة وكأنه يقول لها لاتذهبى عنى ثانياً ولكنه يعلم أن فى العجله الندامه وفى التأنى السلامه

.وفى حديقة الـ........ بالإسكندرية كانت ندى تجلس مع صديقتها وقلوبهم سعيده جداً
ندى بسعاده:مش مصدقة ياآيه مش مصدقه بجد بجد قوليلى هو أنا بحلم ولا إللى بيحصل ده حقيقة بجد قولى
آيه :هههههههه لا والله حقيقى
ندى بنفس نبرتها:يعنى متأكده إن إللى حصل بجد حقيقة وإللى شوفته النهارده ده مازن بجد..معقوول بعد ماكنت خلاص فقدت الأمل إنى أشوفه تانى معقول يظهر فى حياتى فجأة كده وكمان هيكون خطيبى
آيه:هو خلاص يعتبر بقى خطيبك وبعدين مازن شكله خلاص على الآخر وشكلك كده هتتجوزى قبلى كمان..بس اوعى يابنت تعمليها على الأقل خدينى معاكى يومها
ندى:والله والله أنا مش مصدقة..أنا عايزاهم يعجلو بقى بسرعه ونتجوز
آيه :مش عارفه إيه جواز مع دراسه دى .وغمزت لها
ندى وهى تضربها بخفه على كتفيها:بطلى بقى ذل فيا..وبعدين أنا وحبيبى غير كل الناس
آيه بضحكة عالية:هههههههههههه سبحان الله لما الحب بيشتعل عندك بحس إنك الوحيده إللى بتحبى فى العالم ده
ندى:يوووه بقى اسكتى
آيه:ماهو أنا ساكته أهو ربنا يهنيكى ياختى .وهنا تذكرت:اها بصحيح نسينا نكلم نيفين ونقولها
ندى وهى تخرج هاتفها: طبعاً هكلمها حاااالاً لازم أفرحها لفرحتى
.وضغطت ندى زر الإتصال ...وجاءها صوت نيفين
نيفين:إيه ده إنتى بتحسى بيا ولا إيه لسه والله جايه أرن عليكى وأفرحك لفرحتى
ندى:وعليكم السلام ورحمة الله وبركاتة ..وبعدين إنتى سرقتى النص إللى كنت جايه أقولهولك ولاإيه
نيفين:ههههههه من تعجبى إنك رنيتى بالظبط لحظة ماكنت جايه أرن نسيت السلام يرضيكى كده..إقفلى إقفلى لازم أبدأ بالسلام
ندى بعدما سمعت غلق الخط:ههههههههه مجنونة البنت دى ههههه.وجاءها الإتصال مره آخرى فضغطت زر فتح الإتصال
ندى:سلام عليكم
نيفين:وعليكم السلام وحمة الله وبركاتة..ازيك ياموزه
ندى:تمااااام تماااااااام تمااااااااام اوووووى اووووى يانيفين
نيفين:لالا دا شكلك جايه بخبر سعيد اوووى..هـا خبرينى يااوختشى بسرعه عشان أقولك كمان الخبر إللى عندى
ندى:النهارده بعد ماقولت لبابى ومامى النتيجة فجأة بابى جاله إتصال ودخل الأوضه يتكلم وطلع وقالى....................وسردت لها كل ماحدث)
نيفين بسعاده:بجد..ياااااااه ياندى والله أنا سعيده جداً جداً بالخبر ده ربنا يسعدك ياحبيبتى يارب
ندى:ههههههه أمين يارب تصدقى إنى لغاية دلوقتى لسه حاسه إنى بحلم
نيفين بنبره هادئه وكأنها ترجع بذاكرتها إلى الوراء:تعرفى ياندى أنا حاسه إنى لسه بس النهارده ضميرى هيرتاح بجد لإنى كنت لسه شايلة الهم جوايا باللى كان بيحصل زمان
ندى:خلاص بقى يانيفى اللى فات مات ..يلا قوليللى بقى آيه هتجنن وتعرف هى كمان إيه الخبر إللى عندك
نيفين وتذكرت فقالت بسعاده:اها صحيح لحسن أنسى أقولك
ندى:طيب يلا قولى بسرعه دا إنتى فرحتك كبيره أوى فرحينا فرحينا
نيفين:هقولك بس إسمعى وماتتخضيش من حاجه إسمعى للآخر
ندى:هههههه طيب قولى يلا ماتسيبناش أكتر من كده
نيفين:فاكره أدهم إللى كان بيحبنى زمان وإللى كان السبب فى اللى حصلى ودخلناه السجن
ندى بتعجب وتساؤل:أنا معرفوش بس طبعاً فاكره
نيفين:......................