لن اعرف الحب قبلك ولن اعرف بعدك غيرك لكاتبة ياسمين

الحلقة ال17

الحلقه ال17

آيه:طيب تعالى نطلع المحاضره وإنزلى إبحثى عنه وواجهيه وبشده

نيفين ولمعت فى بالها فكره فقالت بسرعه:طيب لحظة يابنات هاروح أجيب بسكويت وهاجيلكم فوق علطول

.وصعدت الصديقتين لحضور المحاضرة ،وذهبت نيفين بسرعه تبحث عن مازن ،وظلت تبحث حتى لمحته جالساً يشرب العصير ويبدو على ملامحهه الشرود أو الحزن فتوجهت سريعاً ناحيته

نيفين من ورائه:هااااااااى

إلتفت مازن فلما رأها إنقلبت ملامحه 180درجة للغضب وقام واقفاً وقال بضيق:خير ياآنسه فى حاجه

نيفين وهى تجلس بدلع وقالت:على الحق جايه أساعدك وأقولك حبيبتك قافله موبايلها وبتتهرب منك ليه

مازن:لو هعرف منك يبقى مش عايز أعرف

نيفين وهى تكتم غيظها وقالت بهدوء:يعنى أقول أنا غلطانه إنى جيت أساعدك وأقولك كانت بتخدعك طول الفتره اللى كنت فيها معاها

مازن بخنقه:مش بقول مش عايز أسمع منك حاجه ومش هصدق حاجه إتفضلى إمشى وسيبينى أقعد وإبعدى عنى خالص

وقفت نيفين بنرفزه وقالت وهى مواجهه له:طيب أنا غلطانه إنى جيت أساعدك بدل ماكنت على عماك..خليك بقى معلق نفسك مع الهوا وإنت مش عارف إنها بتعمل إيه من وراك

مازن بضيق:اوووف يانااا ياستى قولتلك مش عايز أعرف إمشى من وشى بقى

نيفين وتحاول الثبات:طيب ماأنا همشى بس إسمع الكلمتين دول وصدقنى همشى علطول

مازن:وأنا مش عايز أسمع إتفضلى إمشى بقى

نيفين وتحاول الثبات أكثر:إسمعنى وزى ماوعدتك همشى علطول

مازن بضيق ونرفزه:طيب إتفضلى خلصينى وإحكى..هـا عايزه تقولى إيه

نيفين بضحكة خبيثة بداخلها وبهدوء:من حوالى تلت أسابيع كده كانت ندى جالها يومين متضايقه جداً ومكانتش راضية تقول لحد السبب غيرى لإنها بتثق فيا جداً

مازن:هى فعلاً كانت متضايقة لكن مش مصدق إنها بتثق فيكى جداً أو لو كده تبقى ياعينى مش شايفاكى على حقيقتك وبدها بقى حد يحذرها

نيفين وتكاد تنفجر من الغضب ولكنها حاولت الثبات وبإبتسامه مصطنعه:طيب قولتلك إسمع باقى الكلام وأحكم بقى

مازن بضيق:اوووووف شكلنا هنخلص النهارده..كملى يلا هه

نيفين:اليوم ده بقى كانت ندى فى حفلة عيد ميلاد واحد ابن صاحب والدها ولما طفو الشمع قعدت هاتك يارقص سلو معاه وطول ماهم بيرقصو قعد الولد ده يحسس عليها فى كل مكان ولما والدها زعق للولد راحت طالعه تجرى بره الحفله غضبانه من أبوها وروحت علطول وهى فى قمة الغضب