لن اعرف الحب قبلك ولن اعرف بعدك غيرك لكاتبة ياسمين

الحلقة ال34

الحلقه 34

ندى:بصى يانيفين سيبى آيه تروح هى والسواق هيوصلها لكن إنتى كلمى والدتك وقوليلها معلش يامامى هتأخر شويه ولما آيه تيجى إنزلى بالحجاب..إحنا خلاص عزمنا على كده يبقى من الآن مش هنمشى بره ولاهنظهر قدام حد بدون حجاب
نيفين:اوكــى حبيبتى.ووجهت كلامها لأيه:يلا سامحينا بقى ياآيه
آيه بمرح:إنتو تؤمرو بس وحـــــالاً يكونو عندكم
.وذهبت آيه متوجها ناحية مول .....بالإسكندرية وتوجهت ناحية الطابق الخاص بلبس المحجبات وفجأة إصتدمت بشخص مــا فقالت معتذره
آيه ونظرها فى الأرض:أنا آسفه.وفجأة سمعت من تصرخ بتفاجئ:يويـــو
ونظرت آيه علت ملامحها الدهشة:لااااااااامى
لمياء وهى تحتضنها:إزيك ياموزه عامله إيه
آيه بمرح:ياشيخة منك لله خضتينى حسبتنى إتصدمت فى حد مهم ولا حاجه
لمياء:ههههههههه ياستير يارب على الطوب إللى بتحدفيه
آيه بمرح وتهديد:هــــا بنت إحترمى نفسك دا أنا عمتك المستقبليه
لمياء:اوووه تصدقى كنت ممكن أنسى..احم احم آسفه ياأحلى عمتو فى العالم
آيه بضحك:هههههه ايوه كده..بس بجد ليكى واحشه يابنت تصدقى
لمياء:لأ بصراحة مش مصدقة هههههههه..إنتى بتعملى إيه هنا
آيه:ياااه تصدقى خدتى الكلمة من على طرف لسانى
لمياء:ههههههه أنا جايه عشان أشترى طقم جديد عشان مازن أخيراً إتكرم ووافق يجى معانا عشان أخرج مع مومو بقى
آيه وهى ترفع إحدى حاجبيها:وياترى مين مومو ده..إوعى تكونى تقصدى الواد مصعب
لمياء وضربتها بخفه:بنت إحترمى نفسك إيه الواد دى
آيه بضحكة عالية:هههههههههههههه يعنى بجد هو ههههههههههه
لمياء:اها منك مش هنخلص بقى..يلا يلا لحسن أنا جايه لوحدى ومومو هيقلق لو مارنتش عليه لما أرجع بدرى
آيه بتمثيل الزعل بطفوليه:إهئ إهئ إهئ متهيألى مومو ده يبقى أخويا بس هو ليه مش قلق عليا
لمياء:عندك بدورتك إنتى حره فيه ياختى
آيه:ههههههههه لا لأ والله وبقيتى بتعرفى تردى هههههههههه
لمياء:طبعاً مش حاجه فى حق مومو..ولا قوليلى إنتى جايه هنا ليه بقى
آيه بتذكر:يانهااار أبيض عليا دا أنا نسيت..بنت إنتى اللى يقف معاكى ينسى هو فين..يلا يلا بسرعه دلوقتى ندى بتاكل فى بعضها
لمياء وهى تتمشى معها وبتساؤل:اها بصحيح اومال ندى عالمة إيه دلوقتى
آيه:الحمدلله أحسن كتييييييير..هبقى أحيلك التفاصيل بس بعدين

.وفى مرور ثلاث ساعات وباالتحديد فى فلة وائل صباحى،نزلت نيفين من السياره وفتح لها الباب ومن ثم دخلت حديقة الفله متوجها ناحية الدخول للفله وهى تشعر بالإرهقاق والتعب الشديد،ودخلت الفله فااستقبلاها والديها بنظرة دهشة شديده
والديها:نـــيـفـين
نيفين وهى تجلس على الأريكة بتعب وقالت بإبتسامه:ازيكم ياحبايبى
والدتها:إنتى إتأخرتى كل ده عشان ترجعى بده
نيفين بإبتسامه:لأ أنا متأخرتش عشان ده بس وبعدين ده إسمه حجاب..أنا إتأخرت عشان كنت لسه بتولد من جديد وعشان كده إتأخرت
والديها بنظرة تعجب وبرأسهم ألاف علامات الإستفهام:نـعـم
نيفين:بابى مامى أنا خلاص قررت أتغير خااالص قررت بجد اتولد نيفين جديده هبدأ حياة جديده فى طاعة ربنا أولاً ثم الكفاح لمستقبل نضيف خالى من أى شيئ ممكن يغضب ربنا
والدتها بتعجب:إيه الكلام الغريب ده يانيفين
نيفين:زى ماقولت كده ياحبيبتى أنا نيفين جديده وخلاص قفلت ورميت وحذفت حياتى السابقة دى كلها وهبدأ حياة جديده مع صحبة صالحة إن شاء الله
والدها:إيه الكلام الغريب إللى بتقوليه ده
نيفين:زى ماقولتلك ياحبيبى..بابى إنت عندك مانع إنى أكون بنت كويسه عندك مانع إنى أنسى حاجه إسمها سهرات ونادى وقرف من ده وأتقلب واحده تانيه مع صحبة بنات كويسه بتعين على طاعة ربنا إللى خلقنا من الأول عشان نعبده مش عشان نعصيه
والدتها بتساؤل:إنتى جايه منين دلوقتى يانيفين
نيفين:أنا جايه من عند ندى
والدها بفزع:ميييييين
نيفين:بالظبط زى مابحكى أنا خلاص تبت بجد لربنا ومن النهارده مش هعمل أى حاجه غير لما أتأكد أول هل الشيئ ده هيرضى ربنا ولا هيغضبه لإنى لما هرضيه هيرضينى بكل خير لنفسى لدنيتى قبل أخرتى
والدة نيفين:الكلام ده مين إللى قالهولك معقوله ندى..تما ندى زيها زيك يعنى
نيفين:لأ ندى عمرها ماكانت زيى أنا حاجه وهى حاجه تانية خاااالص أنا مع القلب الأسود وهى مع القلب الأبيض لكن عموماً خلاص أنا حاسه إنى كنت ميته مش نايمه بس لأ كنت ميته أو ماكنتش عارفه إيه هى الحياه بس بجد النهارده خلاص عرفت هى إيه الحياة وإيه هى أحلى حياة ومن النهارده همشى فى الطريق ده وكمـ.ولم تكلم كلمتها إلا وشعرت بألم شديد فعلمت انها جاهدت حقاً اليوم وهى متعبه
والدتها بقلق:نيفين
نيفين بتألم وهى تنهض ناحية الصعود:أنا بخير ياحبيبتى..إبعتيلى بس حد يشتريلى مصحف وأنا هطلع أريح شويه
أوقفها والدها:نيفين
نيفين وهى تلتفت له:نعم ياحبيبى
والدها:أنا خلصت القضية النهارده بتاعة التيييييييييت اللى عمل فيكى كده وإتسجن..وخلاص عمره ماهيقدر يقرب منك تانى التيييييييت ده
نيفين:ربنا يخليك ياحبيبى..وأرجوكم بقى أنا خلاص هقفل كل الحياة إللى فاتت وهحذفها حذف تــام ومحدش عاد يجيبلى سيرتها.وتوجهت ناحية الصعود فاأوقفها والدها مره آخرى
والدها:نيفين
نفين وهى تلتفت له:نــعم
والدها بإبتسامه:ربنا يثبتك ياحبيبتى وماعاد يضرك
نيفين بإبتسامه وااسعه ونزلت سريعاً وارتمت فى حضن والدها وقالت بسعادة ممزوجه بدموع السعاده:ربنا يخليك ليا ياحبيبى وربنا يهدينا جميعاً ويثبتنا على طريق الحق والدين.وقالت بنظره جميلة:ياااااااه تصدقو ربنا ده رحيم اووووى بجد يعنى رغم كل إللى عملته فى حياتى ورغم كل إللى حصل بس برده ربنا رحمته واسعه وقدرت تانى أبتسم وأحس كمان براحة جوايا عمرى ماحسيت بيها
والدتها بإبتسامه:مبروك عليكى الحجاب ياحبيبتى وعقبالى بقى
نيفين وهى تحتضن والدتها وإنهارت تبكى بسعاده:يااااااارب ياااارب