لن اعرف الحب قبلك ولن اعرف بعدك غيرك لكاتبة ياسمين

الحلقة 38

الحلقه ال38

.وفى الساعه السابعة مساءاً وباالتحديد فى فلة زاهر عزمى ،كانت تتزين فى غرفتها وصديقتها الأنتيم تقف معها وتساعدها على إختيار ألوان الحجاب الائقه على ملابسها..وإذ بهم فجأة يسمعون صوت دقات الباب وحتى أذنو بالدخول ودخلت الخادمة
الخادمة:ستى ندى الجماعه وصلو
ندى بتوتر شديد وقلبها يخفق بشده:طيب طيب هنزل حالاً
آيه بضحكة عالية:ههههههههه ياواد يامتوتر إنت ههههههه
ندى بنفس حالتها:بجد أعمل إيه أعمل إيه أنا مكسوفه اووى مش عارفه ليه
آيه:دا يوم برده تتكسفى فيه..يلا يابنت ننزل يكونش ده يوم جوازك ولا حاجه
ندى بخجل وهى تضربها على كتفيها بخفه:إسكتى يابنت سيبينى فى حالى
آيه بضحكة عالية:هههههههههههه تصدقى دا إنتى مكسوفه بجد ووشك أحمر وسخن ههههههههه
ندى:يويو أرجوكى بقى مش وقت تريأه يلا قوليلى مااكونش مكسوفه إزاى
آيه:حطى على وشك منخل هو دا الحل الوحيد
ندى:ههههههههههه كده يعنى
آيه:هههههههههه يابنتى إنتى مكسوفه من إيه دا مازن حلم عمرك قاعد فى فلتكم تحت عشان قرأة فاتحتكم تعرفى يعنى إيه
ندى:بس مش عارفه أنا متوتره اوى وزى مايكون هتكسف أبص لمازن
آيه:ليه إنتى عامله عامله ولاإيه..يلا يادلوعه ننزل وسيبك من المشاعر المجنونة دى ويلا عشان مرات أخويا المستقبليه دلوقتى هى كمان تحت وعـ.قاطع كلامها دخول الخادمة
الخادمة:ستى ندى والدة حضرتك بتقولك يلا إنزلى
ندى بتوتر شديد وبسرعه:اوكى اوكى نازله
.وحاولت ندى الهدوء وخرجت من غرفتها ونزلت على الدرج،وحتى وصلت إلى صالة الفلة والمكان الذى يجلسون فيه فتقدمت ناحيتهم بخجل شديد ونظرها فى الأرض وسلمت على عمها وعلى والدة مازن وأخته وجلست بهدووء وخجل
والدة مازن بإنبهار:بسم الله ماشاء الله إيه القمر ده
ندى وهى ترفع نظرها لها وبخجل شديد:ميرسى ياطنط.وتلاقت أعينها مع أعين مازن الذى يجلس على الكرسى الذى بجانب والدته فأنزلت نظرها فى الأرض سريعاً بخجل شديد
لمياء:إزيك يانوده عامله إيه ياقمر
ندى:تمام ياحبيبتى الحمدلله
والدة ندى موجهه كلامها لـ لمياء:إنتو تعرفو بعض ولا إيه
لمياء بإبتسامه:طبعاً نوده دى صديقتى وحبيبتى
قاطع كلامها تدخل والد ندى:إيه ده هو إنتى بجد تعرفى ندى
لمياء:اها ندى صحبتى من زمان
والدة ندى بإبتسامه:وسبحان الله القدر تتقابلو النهارده بالقدر من غير ماكان فى بالك إن دى ممكن تتخبط لأخوكى
قاطع كلامهم تدخل آدم فى الأمر وبسرعه:هما شافو بعض يوم ماكانت ندى عندى فى الشركة.ووجهه كلامه لأخيه زاهر:يلاا يازاهر نقرأ الفاتحة
زاهر بإبتسامه:طيب إهدى شويه مستعجل على إيه نتفق أول على كل حاجه وبعدين نتكلم
مازن يوجهه كلامه لزاهر:إتفضل ياعمى وكل إللى تطلبه أنا هعمل أى حاجه عشان ندى
زاهر بإبتسامه وهو لم يعلم أن مازن هو حبيب ندى:والله إنت شكلك شاب كويس وكلمتك دى أسعدتنى لإن أكيد لما أشوف واحد من أول يوم يشوف بنتى يقول كده يبقى أكيد ولد محترم
الجميع بتعجب:هــا
قاطعهم آدم وبسرعه:طيب يلا بقى إتفضل يازاهر تطلب إيه مازن
زاهر وشعر أنه سمع هذا الإسم من قبل ولكنه لم يبالى كثيراً وقال بإبتسامه:هطلب إيه يعنى غير إنه يحافظ على بنتى ويعيشها ملكة زى ماعيشتها
مازن بإبتسامه جميلة:أكيد ياعمى من غير ماتقول ندى هتكون فى نن عيونى
آدم:طيب إيه رأيك يازاهر نعجل بالزواج يعنى مش خطوبة مدة طويلة والكلام ده مادام العريس جاهز فإيه رأيك نكتب الكتاب كمان إسبوع كده
زاهر:اوكى اوكى أنا معنديش مانع بس يعنى كنت بقول لو فترة خطوبة عشان ندى تتعرف عليه لإن مش معقول هنعجل بكتب الكتاب والجواز وهى لسه مقعدتش معاه إلا كام مره
والد مازن بنيه سليمة:ليه يابشمهندس ماهما مش محتاجين هما عارفين بعض كويس وبيحـ.قاطعه آدم سريعاً وحتى لاحظ الجالسون ولكنهم لم يدركو الأمر ولكن كان التعجب على بعض من ملامحهم فقال
آدم:يابشمهندس زاهر أنا بقولك أنا واثق فيه وخلاص الموضوع مش مستاهل فترة خطوبة مادام الحمدلله الطرفين مرتاحين يبقى خلاص خير البر عاجله ونتوكل على الله علطول
زاهر بإبتسامه:طيب ناخد رأى العروسة..ووجهه كلامه لندى:هـا يانوده نتوكل على الله ونقرأ الفاتحة ولامحتاجه تفكير ووقت
ندى بخجل شديد:ــــــــــــــــــــ
.فقرصتها آيه فى الخفاء حتى تجيب،فاابتسمت ندى وقالت بخجل:إنت وعمى أدرى بكل شيئ
آدم بإبتسامه:يلا يازاهر زى مابقولك نتوكل على الله
زاهر:يعنى خلاص يانوده موافقه
ندى بإبتسامه خجوله:ــــــــــــــــ
آدم:السكوت علامة الرضا..يلا ياجماعه نبدأ فى قرأة الفاتحة بسم الله الرحمن الرحيم
زاهر:هههههههههه مش عارف إنت مستعجل كده ليه هههههههه..طيب معلينا يلا بسم الله الرحمن الرحيم.............وقرأ الجميع سورة الفاتحة)
.وبعد الإنتهاء من القراءة قام كل منهم لإحتضان العروسين وكلمات المباركة على ألسنتهم ،وبعدما جلسو
آدم:ألف مبروك ياعريس ألف مبروك ياعروسه
ندى ومازن:الله يبارك فيك
آدم:يلا بسم الله هنبدأ نحدد بقى موعد كتب الكتاب.ووجهه كلامه لوالد ندى ووالد مازن:إيه رأيك ياحج وإيه رأيك يابشمهندس نخليه يوم إيه
والد مازن:أى يوم إللى يناسبكم
زاهر:طيب نشوف إللى يناسب شغل العريس
مازن:أنا لو قولتولى دلوقتى هقولكم يامليون أهلاً وسهلاً ولغاية أسبوع مش أكتر
والدة ندى بإبتسامه:إيه ده لحقت تقول كده من قاعده قعدتها
قاطعهم آدم:خلاص نظبط يوم على الأسبوع الجاى
قاطعتهم لمياء:ممكن أتدخل فى الموضوع بعد إذنكم
آدم بإبتسامه:طبعاً إتفضلى
لمياء:أنا كتب كتابى وكتب كتاب آيه يوم الخميس بتاع الأسبوع الجاى يعنى لسه 6 أيام إيه رأيكم نخلى كتب كتاب ندى ومازن نفس اليوم
آدم:فكره ممتازه هـا إيه رأيكم
الجميع مرحباً بالفكره:خلاص على خيرة الله
آدم:والجواز نخليه إمتى بقى يازاهر
زاهر:ياعم إهدى بقى شويه وبالصبر كله يتظبط إن شاء الله
مازن:ياريت وكله بعد إذنك طبعاً ياعمى بس يكون بالمره كمان يوم زواجهم كمان ويبقى زواج جماعى بقى
زاهر:طيب والله أنا معنديش مانع بس بقول نخليها شويه عشان ندى مايتضغطش عليها
ندى بدون وعى:لا حبيبى عادى
زاهر بدهشة:بـجـد يعنى مش مهم فترة خطوبة
ندى بخجل شديد مما قالته وداوت خجلها:يعنى أنا بقول دى فرصة مادام هيكون يوم زفاف صديقتى الأنتيم وأخو صديقتى الأنتيم يبقى خطيب لمياء فتكون حلوه يعنى
زاهر بتعجب لأنه تذكر أنها أيام مصطفى كانت ترفض فكره الزواج المبكر فقال بهدوء:خلاص على خيرة الله يبقى الجواز إمتى يعنى
آيه:الخميس إللى بعد الكتب كتاب علطول