لن اعرف الحب قبلك ولن اعرف بعدك غيرك لكاتبة ياسمين

الحلقة ال14

الحلقه ال14

وهنا شعرت نيفين أن من أدخلتها فى الخِطة بدأت فى الإقتراب

فتوجهت ناحية مازن سريعاً وقالت بدلع وهى تهجم على شفتيه وترتمى على صدره ويديها ملتفه حول عنقه:بحبك يامازن بحبك اوووى أكتر من أى حاجه فى الدنيا أقبل حبى بقى

واتسعت عين مازن وشعر أنه تربط اللسان والجسد والعقل وظل هكذا حوالى دقيقتين ثم إنتفض فجأة وبعدها عنه بعنف شديد حتى وقعت وانقلب فوقها الكرسى،وذهب مازن بعيداً عن المكان،جرت صديقتها وأوقفتها بسرعة وقالت:نيفين إنتى بخير

نيفين وهى تنفض ملابسها وبغضب شديد:والله لأوريه يعمل فيا كده إزاى.ووجهت كلامها للفتاة:هـا صورتى المنظر ولا لأ

الفتاة وهى تخرج الموبايل:ايوه عملته تصوير متعدد ولقط كذا صورة

نيفين بإبتسامة خبيثة وهى تأخذ منها الهاتف:حلوو اوووى الكلام.وأخرجت من حقيبتها مبلغ من المال وقال:خدى ده ولو عوزتك تانى هبقى أقولك

الفتاة وهى تنظر للمال بسعادة شديده:شكراً شكراً اوى اوى يابشمهندسه نيفين.وذهبت الفتاة وهى تطير فرحاً

.وعند ندى خرجت من المدرج هى وصديقتها آيه

آيه:يلا يانوده مش عايزاكى تنسى كلمة ولا حتى حرف وقولى النص ساعة اللى قعدتوها دى قولتو فيها إيه

ندى:ههههههههه إنتى بتحسبيلنا ولا إيه وبعدين دول يادوب كانو تلت ثوانى

آيه وهم ينزلون على السلم:اها ياحبيبتى ماهو إنتى مش حاسه بحاجه..بس أنا بقى قاعده مش بعمل حاجه غير باكل فى البسكوته وزهقانه وببص على عقرب الساعه وانتظرك

ندى:ليه مانيفين كانت قاعده معاكى

آيه:أولاً نيفين دى مش بطايقها ثانياً حتى مكانتش موجوده قالتلى هاروح أجيب عصير ومارجعتش

ندى:ههههههه خلاص ياحبيبتى خلاص ربنا يرجعلك هلالك بالسلامه أقصد بدرك بالسلامه

آيه وهى تضربها بخفه:بنت إحترمى نفسك دا أحلى إسم إسم بدورتى دا

ندى وهى خارجه من البوابه:ههههههه طيب يااختى وانا قولتلك حاجه.وهنا إنتبهدت لنيفين التى تقف أمام سيارة ندى ولما رأت ندى خارجه تقدمت ناحيتها وقدميها تعرج وتبكى فجرت ندى ناحيتها بقلق

ندى:مالك ياحبيبتى بتعيطى ليه ورجلك مالها

نيفين بتمثيل البكاء وخبث:شوفتى حصلى إيه ياندى شوفتى آآآه إهئ إهئ إهئ

ندى بقلق وتساؤل:مالك يانفين إيه اللى حصلك بس

نيفين ببكاء شديد وعصبيه:مازن ياندى مازن

ندى بقلق:ماله مازن فى إيه إتكلمى بسرعه

نيفين بنفس نبرتها:مالك خايفه عليه وهو إللى عمل فيا كده