لن اعرف الحب قبلك ولن اعرف بعدك غيرك لكاتبة ياسمين

الحلقة ال10

الحلقه ال10

ندى وهى ترفع عينيها ونظرت فى الأرض مره آخرى وبخجل شديد:إيه ده إنت بتعمل إيه عندك
مازن:بشرب عصير تيجى تشربى معايا
ندى:لو جيت هشربه أنا مش هخليك تشرب
مازن:طيب تعالى وأنا مش هشرب
ندى:تؤ تؤ مش جايه
مازن بدلع:تؤ تؤ ليه بس دا أنا قاعد لوحدى وبصعب خالص يرضيكى كده إفرضى القطة جت تخربشنى ولا تاكلنى عشان شيفانى قاعد لوحدى هتتبسطى
ندى بضحكة جميلة وخجوله:هههه لأ مش هتقدر تقرب منك
مازن بإبتسامة جميلة:ليه بقى
ندى:هوووووس بقى
مازن :هما مين إللى قاعدين معاكى دول
ندى بضيق:وإنت بتبص ليه خليك بص فى عصيرك وخلاص
مازن:هههههههههه بجد يعنى إنت بتغير
ندى:لا طبعاً خالص بس بقولك يعنى لحسن تكون بتشرب عصير قصب ولا حاجه ويبوظ ..عموماً هما أصدقائى
مازن:ههههههههههههه والله عسل هو فى هنا عصير قصب تصدقى نفسى فيه
ندى:وأنا مش بحبه
مازن:خلاص وأنا كمان مش بحبه ومش نفسى فيه ولا عايزه أشوفه.وقال بجدية:طيب ممكن رقم والد حضرتك
ندى بتعجب وتساؤل:إشمعنا..ليه يعنى
مازن:كده يكون معايا وفى الوقت المناسب كده هكلمة أقوله عندك بنت مميزه فى الدراسة
ندى:هـا
مازن:طيب طيب هقفل معاكى دلوقتى ياحبى عشان واحد متطفل كده جه
ندى ونظرت وجدت صديقة جاء ليجلس بجانبه فاابتسمت وقالت:اوكى سلام
.وأغلق مازن الإتصال ووجهه كلامه لصديقة حاتم
مازن بضيق:إيه ياعم المتطفل إنت ده وقتك يعنى
حاتم:اها صحيح ماهو أنا معدليش وقت خلاص..واااااااااااااء إلحقينى يامه شوفتى صاحبى لما حب واحده قلب عليا إزاى..مجرد لسه شايفها من يجى شهر والبنت بقت عنده أحسن من صاحبه اللى عاييش معاه من الإبتدائى واااااااااء واااااااااااء وحزناااااااه
مازن بضحكة عالية:هههههههههههههه خلاص يامجنون لحسن تسمعنا
حاتم وهو يلتفت يمين ويسار:فين فين هى فين الموزه دى
مازن بنرفزه خفيفه وهى يضرب على الترابيزه بضيق:حاتم لو سمحت ظبط كلامك ياإما والله ليك كلام تانى معايا
حاتم وهو يبتسم إبتسامة جاده وقال:للدرجادى إنت غيور
مازن بهدوء:مش عارف بجد إيه الغيرة دى دا أنا بغير عليها من الهوا الطاير
حاتم وكأنه يمسك الهواء:تعالى تعالى ياهوا هنا اوعى تروح عندها لحسن تتقتل تعالى ياهوااا إلحــق نفسك
مازن:بطل خِفه بقى وريحنى
حاتم وجاء ليتكلم فلمحها وهى ذاهبة مع أصدقائها فقال وهو يشير عليها:أأاأهى أهى لسه برده موزه تصدق..بس الطقم دا جامد اووى واااااو حتت طقم هياكل منها حته.ووجهه كلامه لمازن الذى يشع غضباً:ابقى إسألها شاريه الطقم ده منين عشان أجيب لحبيبة قلبى هنودة منه
مازن بغضب شديد وعصبيه وهو يقوم من جلسته:خليك كده ياحاتم والله لأوصل كلامك ده لـ هند
حاتم وهويجرى ورائه سريعاً ليوقفه:خلاص ياعم والله خلاص إهدى بس
مازن بعصبيته وهو يبعده عنه بغضب:امشى بعيد عنى خالص ياحاتم والله إنت بتستهبل خالص
حاتم بجديه بعدما أوقفه أخيراً:مازن أنا بهزر معاك وكل ده عشان أغيظك إنت عامل كده ليه
مازن:عامل كده ليه إيه..مش تبص لكلامك
حاتم:فى إيه يامازن للدرجادى إنت عبيط ولا الغيرة عمياك كده..أولاً إنت عارفه إن هند دى عشقى وحبى وعمرى مابصيت لغيرها مالك كده ..اومال لما تروح وتشوف باقى أصحابك إللى كانو قاعدين وشايفينها وإنت قومت شديتها دول بقو كل مايشوفوها يبصبصو عليها وعلى لبسها..وبعدين معلش يعنى هى اللى عامله فى نفسها كده وإنت عارف شباب اليومين دول لما بيصدقو يشوفو بنت ماشية بلبس كده ولا كده ..لبس البشمهندسة ندى ملفت جداً ومعروف دا ياأخى حتى البنات بتبصلها..وعموماً يبصو ولا مايبصوش أنا ماليش أنا كل اللى بعمله ده هزار معاك عشان أغيظك مش أكتر.وقال بمرح:لإنى بصراحة بحب أشوفك مجنون اوووى بتبقى محتاج العباسية علطول ..ولا قولى لسه ماجبتش رقم العباسية منها هههههههههه
مازن وإبتسم رغماً عنه رغم الغيرة التى تكاد تقتله:هههه ماشى خلاص ياعم أنا آسف إنى إنفعلت عليك ..بس بطل كلامك الرخم ده تانى
حاتم:على فكره يامازن الغيرة الجامدة دى غلط جداً وممكن تكرها فيك لإن البنات بتحب الغيرة اه بس مش الغيرة المجنونة دى
مازن بحزن:أعمل إيه ياحاتم أنا بغير اوى كده لإنى لسه مش عارف اتحكم فيها على الأقل وأخليها تغير لبسها ده شويه عشان أرتاح لكن كده عارف إنها مش فى بالها حاجه ومش واخده بالها
حاتم وهو يرطب على كتفيه:طيب طيب يلا المحاضرة هتخلص
مازن:لسه دقيقة..يلا يلا نطلع