لن اعرف الحب قبلك ولن اعرف بعدك غيرك لكاتبة ياسمين

الحلقة ال35

الحلقه ال35

وبعد مرور سنة كاملة ويوم ظهور نتيجة ندى،كانت ندى تدخل من باب الفله فى قلبها سعادة كبيره بنتيجتها نعم فلقد عملت بنصيحة عمها إليها وفعلاً لم تركز فى شيئ غير دراستها رغم أن قلبها كان به بحار من الأشواق لحبها الأول والأخير ولكنها لم تكن تعلم عنه شيئ ولم تسأل عنه لكى لاتنشغل أكثر ولا تشغله لعله يكون تزوج أو شيئ من هذا القبيل،ودخلت الفله وكان فى إنتظارها والديها ولما رآها نهضو سريعاً متوجهين ناحيتها بتساؤل

والديها:نــدى النتيجة إيــه

ندى بتصنع الحزن قالت وهى تجلس على الأريكه:الحمدلله خير إن شاء الله

والدها:ندى أرجوكى دا أنا قاعد على أعصابى وأنا قولتلك اجيبها من على النت لكن إنتى ماردتيش تجبيلى رقم التعريف وقولتى إنتى إللى هاتروحى تجيبيها

ندى بنفس تصنعها:ماخلاص بقى والحمدلله إنك ماروحتش يابابى

والدتها بقلق:ليه ياحبيبتى جبتى تقدير إيه يعنى والله قلقتينا

ندى بنفس حالتها:ما خلاص بقى مش مهم أقول لإنى جبت..إمتيـــــــااااااااز.قالتها وهى تهب واقفه بسعاده

والديها بسعاده كبيره:بــجـــد

ندى بسعاده:اه وربنا بـجــد

.فذهب والديها وإحتضنوها بسعادة كبيره وفخر

والد ندى:ياااااااه بجد أنا سعيد أوى أوى بالخبر ده

والدة ندى:وأنا أسعد والله..الحمدلله يارب الحمدلله

والد ندى:تطلبى إيه هدية ياندى..إطلبى أى حاجه أى حاجه هجيبهالك فوراً وعـ.ولم يكمل كلمته إلا وسمع صوت رنين هاتفه فاأخرجه من جيبه ونظر فيه وجد المتصل أخيه آدم

والد ندى بإبتسامه:آدم بيتصل أهو أكيد عايز يعرف النتيجة

ندى بسعاده:رد عليه بسرعه يابابى وقوله

والد ندى بعدما ضغط زر فتح الإتصال:ألوو

آدم:ياهلا ياهلا...إزيك يازاهر

زاهر:تمام الحمدلله..شوفت الحاجه إللى تشرف اللى حصلت النهارده

آدم:خير قول بسرعه فرحنى

زاهر:لأ مش هقول فكر شويه الأول

آدم:هههههه ياسلام للدرجادى..طيب من حقا قولى ندى عملت إيه فى النتيجة

زاهر:مهو دا بقى إللى عايزك تقوله

آدم:بسرعه بسرعه قول عملت إيييه

زاهر:مش بقولك فكر شويه

آدم:يازاهر حرام عليك دا أنا بنتتظر النتيجة على أحر من الجمر وعشان عندى موضوع كده عايز أكلمك عليه

زاهر بتساؤل:موضوع عن إيه

آدم:موضوع بخصوص ندى..بس مش هقول غير لما تقولى النتيجة عشان نفسى أوى أعرف