غريبة في بلادي

دردشة

اولًا انا بعتذر جدا عن فصل النهاردة بس حقيقي تعبانة و مزنوقة في الامتحانات جدًا بجد فأتمنى انكم تدعولي و باذن الله هنزل الفصل الجديد بكرة إن شاء الله
ثانيًا حابة اني اتكلم في موضوع كدة ده بعد اذنكم طبعًا ، الموضوع ده هو تريند "بيج ياسمين " اكيد أغلبنا شوفناها ، حقيقي الموضوع مخزي جدًا ، هي المفروض بنت بس لو انا شوفتها في الشارع هقول عليها ولد فعلشان نحسم الجدل ، السؤال اللي ممكن يبقى راود الكل " هو ممكن الحديد يعمل في جسم بنت كدة؟ "
الإجابة" لا طبعا" ، طيب ده بيحصل ليه و حصل ازاي كدة ، هي بكل بساطة بتاخد هرمون
طيب ايه حوار الهرمون ده ، ربنا خلقنا كذكر و انثى مختلفين بمعنى أنه خلق الست عندها هرمونات زي الاستروجين و البروجسترون و التستوستيرون
بنسب ، يعني الاكتر عند الست في الهرمونات دي هما الاستروجين و البروجسترون واحد مسئول عن البلوغ و التاني عن حجم بطانة الرحم في الحمل تقريبا المهم أن التستوستيرون ده موجود عند الست بنسبة صغيرة جدا ، عكس الراجل عنده التستوستيرون كتير و الاستروجين قليل جدا ، فلو حصل خلل في الهرمونات دي ، الشخص اللي عنده خلل ده بيروح عند دكتور يظبطهاله ، المهم ياسمين بتعمل ايه، ياسمين بتاخد تستوستيرون حقن فبالتالي ربت عضلات زي الرجالة و اصبح ليها قوة جسدية كبيرة و كمان ده سبب صغر حجم الثدي عندها يعني هي بتعمل حاجة حرام فوق حرام اولا بتتشبه بالرجال و "لعن الله المتشبهات من النساء بالرجال" ، ثانيا بتلعب في خلقة ربنا و الفطرة اللي خلقنا عليها و ربنا يهدي الجميع

المغزى من الموضوع أن اي بنت بتلعب رياضة
متقلقيش جسمك عمره ما هيبقى كدة غير لو اخدتي هرمون و اكيد مش هتاخدي طبعا
و حاجة كمان كتير قال إن الهرمون ده غلط حتى على الرجالة لما بياخدوه بنسب كبيرة بيقلل إفراز جسمهم للهرمون لأن الغدد اعتمدت أنه بييجي من برة

آسفة لو طولت عليكم بس حقيقي كان نفسي اتكلم في الموضوع ده و أوضح وجهة نظري
و بعتذر مرة تانية عن فصل النهاردة
دمتم سالمين ♥️