كان صوت فتاة يصدح في أرجاء المكان ، حيث كانت تصرخ في ذلك الغبي أمامها " انت حيوان و قليل الادب و انا هعرف آخد حقي منك و اذا كنت مفكرني عبيطة احب اقولك اني احسن من عشرة زيك "
ضحك الفتى بسخرية و أردف "و يا ترى قطة زيك هتعمل ايه "
ابتسمت هي و اردفت " القطة دي تبقا امك يا روح امك "
جحظت عينا الشاب و أردف " دا انتي طلعتي بلدي "
ضحكت هي و اردفت " اه و كمان عايشة في حارة مع اهلي في بيت عيلة يلا بقا "
امتعض وجه الفتى فتابعت هي " و البلدي دي هتعرف تاخد حقها منك ..اوعى تكون مفكرني بنت من بنات اليومين دول تزغلل عيني بعربية و لا فلوس لا يا حبيبي فوق كدة و اعرف انت بتكلم مين دا انا رقية العدلي "
ابتسم الشاب بسخرية فأضافت" يعني عمي عصام العدلي لواء و يحبسك يا متحرش "
بعد مرور بعض الوقت كانت رقية تقف في مكتب العميد
نظر العميد لرقية و أردف " جرا ايه يا آنسة رقية دا انا حتى لسة مكرمك من فترة علشان تفوقك "
تصنعت رقية الندم و الحزن ثم اردفت " حضرتك و الله انا مش بتاعة مشاكل انا هحكي لحضرتك اللي حصل و حضرتك احكم "
أومأ لها فتابعت " انا كنت واقفة بكلم ماما في التيليفون و بسألها هي عاملة اكل ايه قالتلي انها عاملة محشي كرنب و انا بحب محشي البتنجان.."
قاطعها العميد و أردف " انجزي يا رقية "
اومأت رقية و اردفت " المهم بقا و انا في عز انشغالي في المكالمة الشخص دا اتحرش بيا و انا مقدرتش اسكت زي بنات كتير و اجرأه اكتر بالعكس المفروض أعلمه الأدب و اوقفه عند حده و لا ايه "
أومأ لها العميد و طلب مراجعة الكاميرات و بالفعل اتضح أن ذلك الشاب مذنب ، فأمر العميد بفصله اسبوعين
كانت رقية تجلس في المحاضرة حتى دلف المعيد الجديد كانت كل الفتيات تتحدث كم هو رائع و وسيم و الخ .. و لكن تركيزها كان منصب على المحاضرة فهي تغض بصرها قدر الإمكان
قال المعيد " اولا اعرفكم بنفسي انا حمزة الأمير معيد جديد هنا في كلية الآثار و حبيت أعلن عن رحلة انا عملتها بالتعاون مع الكلية لزيارة الآثار الرومانية"
تنهد حمزة و أردف " ثانيا انا حابب اسألكم شوية اسئلة اشوف تفكيركم ماشي ازاي علشان التعامل بينا يبقى سهل"
اشار إلى خلود فوقفت مترقبة للسؤال فقال حمزة " تقدري تقولي لو حصلت معاكي اي مشكلة هتتصرفي ازاي"
احست خلود بأنها تجمدت و كل إجاباتها قد محيت و وقفت صامتة ، ابتسم حمزة و أردف " طيب ممكن علشان لسة اول مرة نتكلم سوا تبقي متوترة اتفضلي اقعدي يا آنسة"
ثم اشار لرقية و سألها ذات السؤال فأجابته قائلة
" هتصرف على حسب نوع المشكلة بمعنى أنها لو مشكلة دراسية مادة صعبة مثلا او مشكلة في الكلية هحاول احلها بنفسي بس لو كبيرة شوية هلجأ لمعيد أو عميد الكلية و لو المشكلة كبيرة اوي هلجأ لأهلي طبعا "
أنت تقرأ
غريبة في بلادي
Fantasíaعالمي و عالمك مختلفان بدأت قصتنا برحلة جلبتني إليك و ها نحن ذا على مشارف الوقوع في الحب في زمان و مكان لا يلائمانني ترى ماذا تكون نهاية الحب الذي جمعنا ؟!
