Unicode
မင်းဓနရှိန်၏ ရှုးရှရှဲရှဲ ဖြစ်နေမှုကြောင့် ကျော်လွင်နှင့်ဖိုးမူခမျာ နှုတ်ပိတ်ပြီးသာနေနိုင်ပေသည် ။ အခုချိန်သာ တစ်ခုခုသွားပြောလိုက်လျှင် မင်းဓနရှိန်၏ ဒေါသဒဏ်ကို ခံရမည်မှာ မြေကြီးလက်ခတ်မလွဲ ဖြစ်တာကြောင့် ဘာမှမပြောဘဲ တိတ်တိတ်နေခြင်းကသာ သင့်တော်မည်ဟုထင်မှတ်ထားပုံရဘေသည် ။
'' ဘာလို့ ငါ့အချစ်ကို တစ်ယောက်ထဲလွှတ်လိုက်ရတာလဲ ''
ရှုးရှုးရှဲရှဲ ဖြစ်နေသူထံမှ ပထမဦးစွာ ထွက်ပေါ်လာသော စကားဖြစ်တာကြောင့် ပုခုံးတွန့်သွားပေမယ့်လည်း ဘာမှမဖြစ်ဟန်ဆောင်ကာ ဖိုးမူက အရဲစွန့်ရင်း
'' တစ်ယောက်ထဲ မဟုတ်ပါဘူး မင်းဓနရှိန်ရာ ၊ ဟိုမြို့ကြီးသာ လင်းဟန်ပါ ပါသွားတယ်မဟုတ်လား "
စက္ကန့်မခြား ထွက်ပေါ်လာသည့် စားပွဲ ကို လက်ဖဝါးနဲ့ တီးလိုက်သည့်အသံကြောင့် ကျော်လွင့်မှာ ပြာပြာသလဲ ဖြင့်
'' အယ်ဗျာ ဓနရာ ခင်ဗျား ရှာချင်လို့ဆိုရင်လည်း သွားရှာလေဗျာ ခက်ခဲတာမှမဟုတ်ဘဲ "
" အဲ့တာ ခင်ဗျားတို့ ပြောမှလား "
ပက်ခနဲ တုံ့ပြန်လာတဲ့ စကားကြောင့် နှစ်ယောက်သား ပြန်ချေပစရာ စကားတို့မှာ ဗလာနတ္တိ ။ မည်သူမျှကိုမပြောပဲ ခြံအရှေ့သို့ ဇိုးဇိုးဇက်ဇက် ထွက်သွားသူ၏ ကျောပြင်ကို ကြည့်ရင်း ဖိုးမူက ကျော်လွင့်ကို တစ်စုံတစ်ခုမေးရန်အလို့ငှာ ဘေးနားသွားစဥ်
" ခင်ဗျားတို့နှစ်ယောက်က ဘာပြုလို့ မှင်သေသေနဲ့ ရပ်နေရတာလဲ ။ ကျုပ်နဲ့လိုက်ခဲ့ "
ဒီအသုံးအနှုန်းက တောင်းဆိုသည့်စကားတော့မဟုတ်ချေ ။ ဒီအခြေအနေမှာ ပြန်သာပြောမိရင် အကြည့်ရွှန်းရွှန်းတောက်တွေနဲ့ ပြာကျသွားမည်မှာ မလွဲဖြစ်တာကြောင့် ဘာမှဆက်မပြောလိုက်ပဲ တိတ်တိတ်လေးသာ အနောက်ကနေ ကပ်လိုက်ရပေသည် ။ သူ၏ ခက်ရောင်ခြည် ကို တစ်ယောက်ထဲ လွှတ်လိုက်ရသည်ကို မကျေမနပ်ဖြစ်နေသည့်သူက မျက်လုံးကိုအလုပ်ပေးကာ ဟိုကြည့်ဒီကြည့်နေရှာလေသည် ။
'' သူက သားပျောက်မိခင်ကြီးလို ဘာကိစ္စနဲ့ ရောင်ခြည့်ကိုရှာနေရတာလဲ "
YOU ARE READING
စိန်ပန်းနီနီ မောင့်ကိုတည်
Romanceမင်းဓနရှိန် + ခက်ရောင်ခြည် မိဘမေတ္တာကို သိပ်တောင့်တနေတဲ့ သူဋ္ဌေးသားလေး " မင်းဓနရှိန် '' ဆိုသူဟာ စိတ်ဒဏ်ရာတွေ ရှိခဲ့တဲ့ သူကြီးသား " ခက်ရောင်ခြည် '' ဆိုသည့် ကောင်လေး၏ ဘဝထဲကို ဇွတ်တရွတ်ဝင်လာလေသောအခါ 2/2/2022 ( Starts) Written By Both Fonts
