Unicode
'' အချစ် မောင့်ကို ဘာလို့ရွေးချယ်ခဲ့တာလဲ ။ မောင့်ကို ဘယ်တုန်းထဲက ချစ်ခဲ့တာလဲ ''
ခက်ရောင်ခြည်က ခေါင်းလေးခါလေရင်း
'' ဘာလို့လဲ မောင် မချစ်သင့်ဘူးလား ''
ရယ်သံယှက်ကာ ပြောလာလေသည့် ခက်ရောင်ခြည်၏ စကားကြောင့် မင်းဓနရှိန်တစ်ယောက် ဖတ်ထားရာမှ အမြန်ခွာလိုက်ပြီး
'' မဟုတ် မဟုတ်ဘူး အချစ် ။ မောင်ပြောချင်တာ ဒီအဓိပ္ပါယ်မဟုတ်ဘူး ။ စိတ်မဆိုးနဲ့အချစ် ''
သားပျောက်မိခင်လို ဝူးတူးဝါးတား အော်နေသည့် မင်းဓနရှိန်ကြောင့် ခက်ရောင်ခြည်မှာ ဗိုက်ဖိပြီး ရယ်နေရသည်ဖြစ်လေသည် ။ သူသာအော်ဟစ်လို့နေလေတာ ခက်မှာတော့ စိတ်လွတ်ကိုယ်လွတ်ရယ်မောနေလေသဖြင့် မင်းဓနရှိန်က ငေးကြည့်လို့နေရင်းကနေ မျက်နှာက ဆူပုတ်ပုတ် ဖြစ်သွားပေသေးသည် ။
'' စိတ်ဆိုးသွားတာလားလို့ ခက် ''
ရယ်နေသည့်သူကိုတောင် စိတ်ဆိုးနေလား မေးနေသည့် မင်းဓနရှိန်ဆိုသူအား ခက်ရောင်ခြည်တစ်ယောက် ခပ်ဖွဖွပုတ်ရင်း
'' မောင် ကလည်းဗျာ ။ ကျွန်တော်ဒီလောက်ရယ်နေတာကိုတွေ့တာတောင် စိတ်ဆိုးနေတာ ဖြစ်နိုင်ပါ့မလား မောင်ရဲ့ ''
'' ကြားရဖွယ်ကောင်းလိုက်တာဗျာ ''
ကွပ်ပျစ်ပေါ်မှာ တူနှစ်ကိုယ်ထိုင်နေကြနေရင်းနဲ့ မင်းဓနရှိန်က မေးစေ့အောက်လက်ထောက်ရင်းနှင့် ခက်ရောင်ခြည်ကို ငေးကြည့်ကာ ဆိုလိုက်ခြင်းဖြစ်လေသည် ။
'' ဘာကိုလည်း မောင် "
ချွဲပစ်နေသည့်အသံမဟုတ်ပေမယ့် ချိုရှရှအသံလေးအောက်တွင် မင်းဓနရှိန်တစ်ယောက် ကျရှုံးလို့လေကာ ခက်ရောင်ခြည်၏ မျက်နှာအစိတ်အပိုင်းလေးကို အလွတ်မှတ်နေရင်းကနေ မျက်လုံးဖောင်းဖောင်းလေးကို အချိန်တစ်ခုကြာသည်အထိ ဖိကပ်နမ်းနေရင်း
'' မောင်ဆိုတဲ့ နာမ်စားလေးလေ အချစ်ရဲ့ ။ မောင့်ဘဝမှာ အချစ်က ရှိနေပြီဆိုတာ အိမ်မက်တစ်ခုအလားပဲ အချစ်ရယ် "
မင်းဓနရှိန်၏ စကားကို ခက်ရောင်ခြည်က ခေါင်းတငြိမ့်ငြိမ့်နှင့်နားထောင်နေရင်းကနေ
YOU ARE READING
စိန်ပန်းနီနီ မောင့်ကိုတည်
Romanceမင်းဓနရှိန် + ခက်ရောင်ခြည် မိဘမေတ္တာကို သိပ်တောင့်တနေတဲ့ သူဋ္ဌေးသားလေး " မင်းဓနရှိန် '' ဆိုသူဟာ စိတ်ဒဏ်ရာတွေ ရှိခဲ့တဲ့ သူကြီးသား " ခက်ရောင်ခြည် '' ဆိုသည့် ကောင်လေး၏ ဘဝထဲကို ဇွတ်တရွတ်ဝင်လာလေသောအခါ 2/2/2022 ( Starts) Written By Both Fonts
