Zawgyi
Eston စာလိုက်ကြည့်နေသော်လည်း အတွေးထဲတွင် Atlas အကြောင်းတွေချည်းပဲဖြစ်တာကြောင့် အတော်လေးကို စိတ်ရှုပ်ရသည်။Theron ကိုပြောပြပြီးပြီဖြစ်ပေမယ့် အဲ့ဒီကောင်လေးက သီချင်းအကြောင်းကလွဲလျှင် ဘာမှသိပ်ပြီးစိတ်မဝင်စားတာကြောင့် အချစ်အကြောင်းနဲ့ပတ်သက်ပြီး သူ့ကိုအကြံပေးတတ်မှာလည်းမဟုတ်ဘူးလေ။သူငယ်ချင်းတွေကို ပြောပြဖို့ကလည်း သူကြိုက်နေတာယောက်ျားတစ်ယောက်မှန်းသာသိရင် သူတို့သဘောကျပါ့မလားဟုအတွေးလွန်နေမိသည်။
အတန်းချိန်ပြီးသွားတော့ လွယ်အိတ်ကိုပုခုံးတစ်ဖက်မှာလွယ်လိုက်ကာ အပြင်သို့ထွက်လာသည်။မကြည်မလင်ဖြစ်နေသည့် သူ့မျက်နှာကို လူတွေကထူးဆန်းသလို ကြည့်နေကြသော်လည်း သူကတော့ဂရုစိုက်ချင်စိတ်မရှိပေ။Cafeteria ဘက်သို့ဦးတည်လိုက်ပေမယ့် နေ့လယ်စာစားချင်စိတ်မရှိတာကြောင့် အိမ်ပြန်ဖို့စဉ်းစားလိုက်သည်။
ကျောင်းပြင်ကိုရောက်တော့ ကားတွေရပ်ထားသည့်နေရာမှာ သူအတော်လေးရင်းနှီးနေသည့်ကားတစ်စီးကိုတွေ့သည်။သိချင်စိတ်ဖြင့် လှမ်ရကြည့်လိုက်မိတော့ ကားနားတွင်ရပ်နေသည့်လူက သူ့ဘက်သို့လှည့်လာတာကြောင့် သူအမြန်မသိချင်ယောင်ဆောင်လိုက်သည်။အကြောင်းအရင်းမရှိဘဲနဲ့ Atlas ကသူတို့ကျောင်းကို ဘာလို့များရောက်နေရတာလဲ။သူ့ကိုတွေ့ချင်လို့ လာတာတော့မဟုတ်ဘူးမလားဟုတွေးကာ ဘာလုပ်ရမှန်းမသိဖြစ်နေရသည်။
"ကိုယ်မင်းကိုစောင့်နေတာ"
လှည့်ထွက်သွားမလို့လုပ်လိုက်ပေမယ့် သူ့နားသို့လှစ်ခနဲရောက်လာကာ လက်ကိုလာဆွဲသည့် Atlas ကြောင့်ခြေလှမ်းတို့ကတုံ့ခနဲဖြစ်သွားတော့သည်။မစဉ်းစားတတ်တော့တာကြောင့် လျစ်လျူရှုမနေတော့ဘဲ နှစ်ယောက်သားမျက်နှာချင်းဆိုင်ဖြစ်စေကာ နှုတ်ခမ်းတွန့်ရုံမျှပြုံးပြလိုက်သည်။အဲ့ဒီတော့မှ သူ့ကိုပြန်၍ပြုံးပြလာကာ ကိုင်ထားသည့်လက်ကိုလွှတ်ပေးလာသည်။
"အမ်၊ကျောင်းကိုဘယ်လိုလုပ်ရောက်နေတာလဲ"
"မင်းကိုတွေ့ချင်လို့လေ"
Eston ရှက်ရိပ်သန်းသွားကာ တစ်ဖက်သို့အကြည့်လွှဲလိုက်သည်။တွေ့မယ်လုပ်တုန်းက မိန်းကလေးတစ်ယောက်နဲ့နမ်းနေခဲ့တာကို သူကိုယ်တိုင်တွေ့ခဲ့တာတောင် အခုသူ့ကိုတွေ့ချင်တယ်လို့ လာပြောနေသေးတယ်။Atlas ကသူ့ကိုတကယ်ပဲ ညီလေးတစ်ယောက်လိုမြင်နေပုံရသည်။
YOU ARE READING
Nothing But You
RomanceIf we're not meant to be,I will make my own destiny just to be with you. Note-This fiction is just my imagination.Thank you. Start date-1/3/2022 End date-30/6/2022
