الحارث

"مقدمة"

الحارث :

ما ادري شلگت بيه
بشر ملعون ماضيه
علاقات وأغاني وسهر بالليل
ومواقف عيب أكولن منهن شوية

يمكن ما لگت بس انه بالكون
ويمكن قصرت خانتها العيون
ويمكن ماتحب بس جاملتني
ويمكن چي وكت فارغ لگتني
ويمكن تنتقم مني وتذبني

آنه شبيها شخصيتي
يم اهلي خشم مرفوع
ويم ربعي چتف وضلوع
ويم روحي جسر مرفوع
بس يمج أصير شموع
أذوبن وأنتهي بلا نار
وأصيرن گاع مدري تراب
مدري حجار

المهم حفلة وداعج جانت صغيره
المفروض أموت وتحزن الديره