الحارث

البـارت الاول

• رواية: الحـارث ♡
____________

يگول الحارث:
چا يَمتى يعوف الحِزن دربي
هَلي عصرة هِدم مَعصور گلبي .

..................................

سلمه:- حارثثث... حارثثثث وينك

ولككك وبعديننن وووياك شووكت ارتااح منككك

ارتفعت عيونه البريئة
بدموع وهو يكول:- شنو يمة؟ شبيج

- هم ماخذ فلوس صراع ، لشوكتتت تضلل تدور مشاكل

جرت أذني بتأنيب ، حسيت بحرارة من قوة ضغطها
على أذني وصحت بألم :-يمه والله ماااا اخذت شي

مشت ساحبتني وراها من أذني وكالت: امشي دورها
بغرفتك وانطيهيا بسرعهه

_أحجي مفرفح من الالم:-يمه وخري أذنييييي توجعني

-دخلنه لغرفتي ، وبهستيرية بدت تدور وتشمر الاغراض
وتكلب الغرفة

رمشت بعيوني بسرعة بخوف من حالتها
وعيوني تتنقل بينها وبين اخوي المبتسم
بخبث

- تعال لك ...صراع ، هاي الك

تقدمت الها مصدوم بعد ما طلعت فلوس
من تحت فراشي وكال صراع بسرعة:
اي عمة هاي فلوسي، مو كنالج هو يبوك

اخذهن من ايدها وطلع وكلت بخفوت : مو الي!
مو الي ولا انه ماخذهن يمه

تراجعت خطوة باستغراب بعد ما
تقدمت باتجاهي، والصدمة هي
بعد ما طلعت من الغرفة

مفكرت لحظات وأجت شايلة بأيدها ... صوندة

دموعي بدت تنزل ورجفة لا ارادية بجسمي من الخوف

تقدمت عليه وهمستلها: ي يمه لا فدوة اروحلج

مهتمت تابعت حركتها بخوف
وهي تقفل الباب وتتقدم باتجاهي

وأني واكف نزلت الصوندة على ايدي
بقوة... جان احساسي بيها وكأنما لسعة

ضربت، ضربت بقوة، بحقد ،بدون توقف
وكأنما هاي فرصة جانت تنتظرها

_يمه عيونييي انتي مأخذت شييييي
شهكت بألم بعد ضربة صارت على وجهي
فقدتني حتى قدرتي على الكلام

توسلت وحاولت احچي، بس كالعاده ...فقدت
ادراكها ، وحارت شلون تخليني أتاذى بشكل اقوة

مليت وصوتي راح، كعدت بزاويه الغرفه
حاضن رجلي لصدري وضام وجهي وهيَ مستمره
بالضرب حسيت ماباقي شي وتطلع روحي من الٱلم

وبلحظه سمعت صوتهاا واخيراا...
صلحة، وهي تضرب الباب بكل قوتها
وتصيح، لج سليمهههه ، رح يموتتت
الولددد بايدججج فتحي الباببب

وكفت سلمه وهمست:- اجتك عجوز البين

تقربت عليي تلهث، حارث اذا شفتك طالع لو لمحت
وجهك برة من صدك رح اموتك بايدي، كافي
المغثة الاحصلها بسببك كل يوم