الحارث

البـارت الخامس والثلاثون

• رواية: الحـارث ♡
______________________

يا ناس شگثر يغلط
ويعرف وين يلچَمني
وگلش گام يتماده
واكثر شغله صدمتني
مُن گالولي گاطعها
شمسويتله الگلاده ؟

______________________

حسابات الابطال توجد في البارت الاخير من القصة ✨
نرجس:

تنهدت وفتحت باب غرفة سند
شفتة عالجرباية ابتسمت حتى
مابين شي وكلت: البشارة ضلعي

رفع راسة وباوعلي: خير

رحت كعدت بصفة وفتحت
تلفوني: هاك شوف

سند: صباح الخير نرجس شلونج
عمري ياريت توصلين لأخوج انو
اني موافقة، تشرفونة بأي وقت

ابتسمت من شفت أبتسامة خفيفة
على وجهة وكلت: من هسة الف مبروك
وشايف كل خير ان شالله

اندار عليه وضحكت من سحبني من
راسي لصدرة ويضحك بفرحة: هاي
شنو سند معرفناك هيج كلبك رچيچ

- اشش سكتي الكاع ماشايلتني من الفرحة

- دومك ان شالله

- عمري انتي

ابتعدت عنه مبتسمة وكلت: محتاج شي

- سلامتج مقصرتي، كفيتي ووفيتي

- اتعابي بعدين اخذهن

- تشلعين عيوني

- سالمه عيونك سنودي، شكول الهة

- كم يوم ويرحن امي والحجية

- وأني؟

- انتي تدليهن

- هلا والله

كمت من الجرباية وصلت للباب
وكال بهدوء: وعود مابي شي فترة ويرجع
مثل الحصان

ابتسمت بخفة وفتحت الباب، طلعت
وسديتهة رحت لغرفتي ولكيت افراح
هناك تنتظرني

دخلت وسديت الباب وكلت: هلا

افراح: هلا بيج، وين طامسة

- بالغرفة

تقدمت عليهة ورجعت جوة الغطة مددت
وكلت: فرح معرفتي اذا مهيمن صاحي لو لا

- لا، ليش

- اريد اتصل، بس انتظر يصحة

- ترة اذا دتنتظرين حارث شغلتج
مطولة، بالمستشفى ميريد اتصالات
ومن يرجع للبيت منايم بوجهة للجرباية
ماتوقع نعرف منه شي

- اوووف، بقت بس زينب، اليوم اتصل
عليهة

- اخت مهيمن؟

-اي

- زين تسوين

غمضت عيني بقوة من صارت ضجة
قوية بالغرفة لفوكي وكلت: اهووو هاي شكو

افراح: كتلتي روحج على عركة
وية بدرية تالي فاتتج

- جذابة