الحارث

البـارت الثاني والعشرون

• رواية: الحـارث♡
__________________

هواي اثار ضلت بس ألم لا

المخطط يسموني لكثرهن

عندي جروح من التفت تلتاف

لأن واحد بواحد صرت أشدهن

__________________

كتمت شهكاتي بقوة من عرفتة ديهلوس

لزمت كصتة بخفة جانت عركانة كلش

سمعت همس خفيف منة: بارد

بس الغرفة جوهة طبيعي
استمرر يهمس بكلمات بغرابة وصوت
تنفسة كلش عالي، وبين كل كم كلمة
يصدر منة اسمي

حطيت ركبي بالكاع وصرت كاعدة
بصف الجربابة، مسحت وجهي وتنهدت
ومديت ايدي بين خصلات شعره بخفة

وبديت اقرة قرآن بصوت ناصي تقاطعه
شهكاتي الخفيفة وهمسات حارث

استمر لنصف ساعة وبعدهة حسيت
بتنفسة يرجع طبيعي، وهمساتة اختفت

بقيت احرك ايدي بخفة بين خصلات
شعرة

حطيت ايدي عالجرباية وراسي فوك ايدي
ارمش بهدوء، ووجهة صاير كدامي

نزلت ايدي ارفع شعرة عن وجهة

همست: اشتاقيت لعركاتنة حارث الادبسز

ذبيت نفس ووكفت رفعت
الغطة وغطيتة اكثر

طلعت وغسلت وجهي عالمغسلة
ورحت للمطبخ ؏ الحجية

افراح: صلحة

- فريحااان

- حجيتي قصدي

- شكو

- وين حتروحين انتي

- لغرفتي وين اولي

- يعني تنامين هناك

- اي

- مو حارث على جربايتج

- اي واني عل فراش بالكاع

- ماااا اني هناك حروح

- انجبي لج بليل يحتاجلة حاجة
يتخربط حتى اني يمة

- واني خراعة خضرة

- متعرفين لعلاجاتة

- سند علمنة اني ونرجس هم

- رواد يريد ينام خطية تعب
اخذي وروحي نامو

- حجية لتسوين دور العمة الحية
تاخذين حفيدج وترحين تنامين فوك
لما حارث يصير زين ويصعد للغرفة
ورجلي معليج بي اني هنا

- ام الوصخ ام رجلي انتي شايفتة
لرجلج اصلا جاية تتفيكين وخري من
كدامي لا العب بيج فلك والحسين

- يااا باع باع، يعني هسة اني بمزاجي
غير شيخ الكاولية مخلاني اطلع للمستشفى

الحجية شمرت الوصلة وندارتلي: شكلتي