الحارث

البـارت الخامس والعشرون

• رواية: الحـارث♡
_________________
وانتضرتك...
بين صفنات الليالـي
وجرح ودخان الجگايـر
وبين لچمـاتي وحسرتي
وحيرتي وكسرة الخاطر
وبين مدري و وين صاير؟
_________________

افراح:

مرت ايام هادية وطبيعية كلش
بالرغم من وجود بدرية الي تطلع
شي قليل من الغرفة وبدون متحجي
وية اي احد تشتغل وتاكل وترجع
وهية وحارث يتلافون انو يلتقون
باي شكل من الاشكال

الشيخ صار ميطلع هواي لان الديوان
محد موجود يستقبل الناس بي غيره

صراع وميسون نكطعت اخبارهم
بس سند وحارث كل فترة يرحون لبيت
عمهم حتى يشوفون جهال صراع معافوهم
ابد

ذبيت المشط من أيدي عالميز ورحت
كعدت يمة عالجرباية

- كاعد مو

فتح عينة يباوعلي

- كاعد

- حارث

- ها

- حموت والله

- ليش

- تدري صار كم شهر مطالعة
من البيت

- مم

- ايي

- اي عود اطلعج

- شوكت

- مادري.. من يصيرلي مجال

- حارررث

- شكو

- هسة هسة، والله مخنوكة
من الضوجة

- فرح توني جيت وين بية حيل

- شوية شوية

- هسة الة اليوم

- اي

- لتلحين افراح

- حارث

- باجر ماعندي شي

- حارث، اول مرة اطلب منك
يلة حباب

حط ايدة على عينة وذب نفس

كملت: كيفك اذا تعبان كوم
وياية بس للحديقة شوية ونطب

- شتسوين بيهة

- مخنوكة والله

شوية ورفع ايدة مقلص عيونة: بس للحديقة؟

- اي وباجر تطلعني مو

سكت شوية بعدهة
تنهد بتعب ووكف: كومي بابه كومي

ابتسمت ورحت لبست شال
وعباية لأن دشداشتي نص ردن

نداريت علي واكف يم الباب: يلة

فتح الباب ونزلنة جوة وطلعنة
من باب الصالة

حديقتهم كلللش جبيرة على مد البصر
موجود الزرع

تقدمنة نتمشة وهوة حاط ايدة
بجيوب برمودتة