الحارث

البـارت السابع والعشرون

• رواية: الحـارث♡
__________________

أشترينيّ بمَرة أحبَك و أشتريّك بكلشيّ بية .
__________________

حسابات الابطال توجد في البارت الاخير من القصة ✨

افراح:

طلعت من يمهم ودخلت للمطبخ نرجس واكفة
وتاكل باضافيرهة بتوتر

افراح: راح الصبغ اظافر ولج ساعة
اشتغل بي

تقربت عليه وحجت بنوح: ياا صبغغ اظافرر
لج شلون رح ادخل عليهم عزهه

- ترة مهيمن والباقين بالديوان يم ابوج
بس ام مهيمن والحجية جوة

- هم متوترة

- ببساطة حطي الصينية يمهة
ضيفيهة واكعدي

- لج مو هاي بلوة من تحجي
بودي اطب بهدومي من الخجل
عاد هسة ديخطبوني لابنهة

- لا هنا حقج لان حت اني خجلتني

- شفتي ماروح

- وهية تكول هاي متعرف الاصول
تأخرت ضيافتهة وتروح تدور مرة
غيرج لهمونة

رفعت الصينية ومشت من
يمي: انتي ضلي حركي باعصابي

طلعت من المطبخ تلفتت اباوع ضيافتهم
الي حياخذوهة للديوان هم جاهزة طلعت
وراهة وصعدت فوك ذبيت الشال ورحت
للجرباية مددت وحطيت ايدي على راسي
وذبيت نفس مرتجف جسمي كلة يوجعني
ونار يطلع من جسمي بالموت واكفة

وكفت واني دايخة ورحت للحمام
فتحت المي البارد وغسلت وجهي
ووكفت اتنفس بقوة سديت المي
وطلعت رجعت للجرباية عيني
يطلع منهة نار مو بس حرارة
غمضت عيني اريحهن وبلا
ماحس نمت

بعد فترة طويلة حسيت بلمسات
خفيفة على شعري ووجهي

فتحت عيني بخفة وشفت حارث
كاعد كدامي ديمسح على كصتي

همس: صايرة نار

سكتت وعيني بالكوة فاتحتهة

- اخذتي علاج شي

همست بتعب: لا

غمضت عيني من كام من كدامي
شوية وفتحتهن من حسيت بي
رفعني بخفة وكعد وراية وسندت
راسي على صدرة بتعب

مد بايدة كم حباية اخذتهن منة
وشربت مي

همست: حارث باردة

- مو باردة مطفي التبريد
اصلا جسمج نار، تكومين تغسلين

- ماا بردانه

سحبت الغطة علية اكثر وضميت
نفسي بحضنة اكثر

- مو زين افراح كومي

رفعت جتفي برفض وغمضت عيني
حسيت بحركتة شوية وشهكت من
من مسح وجهي بايدة وبيهة مي
بارد من البطل