الحارث

البـارت الرابع والعشرون

• رواية: الحـارث♡
__________________

- دْلـمني بعصرُة چفوفكُ ،
__________________

افراح:

ضغطت ؏ الجداحة وشعلت الشمعة
ونداريت على نرجس: لج يلة بسرعة

نرجس: خلصت والله

عدلت النفاخ ونزلت من ؏ الكرسي

شوية ورواد فتح الباب ووكف مصدوم
وحارث ورا مبتسم

كل الي جنة نسمعة هلاهل الحجية
ومهيمن الي ولعو الجو

ورواد الي ابتساماتة صارت من الاذن للأذن

تقدم يم الكيكة ورفع راسة
لحارث من شاف رقم ستة
مبتسم

- واوووو عمريييي ثتة

سند: حبيبي يا ستة قطعهة
عاد دنتزقنب

مهيمن: دعوفة لاحط راسك بيهة

سند: تسوي فضل

رواد ضحك ولزم سجينة صغيرة
حاطيلهيا وكص شوية من الكيكة
وصفك بأيدة فرحان وندار
مرة ثانية لحارث

الي تقدم علي وشالة مبتسملة
بفرح ورواد شابكة ويضحك

نرجس دتكص بالكيكة وسند
دينتضر ياخذ الماعون الي سوتة

وحارث سحبة من ايدهة ونطا لرواد: اول قطعة
لصاحب الكيكة

سند: غير انيي اشتريتهة

حارث: اشتريتهة لروحك

سند: لعد لشكولكم

- لرواد حبيبي لرواد

- ما اني جبتهة

- حتذلنة

- لك بابة اني لروحي مامشتري
هيج كيك، يجيني ابنك ابو حلك
عالحاضر ياكل

نرجس حطت ماعون بيدة: الزم
يمعود شهرتنة

سند رفع حاجبة بتعجب: باعي الكريمة
شكلهة يخبل مبين غالي مو

نرجس: شمدريني اني

سند: اكلو وادعولي حتى
اضل اجيبلكم

الحجية: ندعيلك يمة

سند: وادعولي اتعين اول ما اتخرج
فدوة

الحجية: ان شاء الله

سند: وانال مرادي هم

حارث: ادري كيكة لو شباك العباس
شبيك يمعود

سند: والكيك يجي بالهين يخوي

مهيمن: اكول، لو تاخذهة وتطلع مو احسن

سند: طبعا ما متعود ع الكيك
جدك ابو ابوك ماكل هيج كيك غالي

حارث: متكلي بيش جبتهة
مو اكلت راسنة

سند: شحجيلك حارث اسكت واكل

مهيمن: اني هم اريد اعرف

سند: انتة لتدخل