الحارث

البـارت التاسع والعشرون

• رواية: الحـارث♡
_______________

بهيده يچويات العمر راحت ملامحنه
_______________

رفعت راسي أباوع للساعة الي
عبرت الدعش وذبيت نفس طويل

نرجس: صوت باب المطبخ انفتحت

وكفت دتطلع واجة سند وحدة
دخل للغرفة

الحجية: ها يمه وين اخوك

- حجية حيبقة اليوم هناك

الحجية: يمه مو كلت بس ضغطة
شيسوي هناك لا تجذب عليه

- ممجذب صدكي بس ضغطة مديستقر
الدكتور كال خلي كدام عيني

- مامصدكتك اروح واشوفه بعيني

- هوة اني جيت داخذ وحدة تبقة يمة
بس انتي ما تجين لان انتي يرادلج
واحد يداريج مو عاد ترحين يمة

- مابية شي اني اروح

- حجية تتعبين هناك منو،
يحير بي،كعدي دخيلج

افراح: خلي اروح اني

نرجس: اني اردد اشوفه

سند: مو دكول مابي شي لتسولي
عرس

نرجس: من طلع مو شفته شلونه

سند: اي جان ميكدر يتنفس هسة
حطوله جهاز ورجع طبيعي وفضت
راحت، هسة يلة وحدة منجن تجي
وهم محتاجين كم حاجة

نداريت على نرجس وكلت: اني اروح
حبابة عود اني اطمنج عليه

هزت راسهة وكالت: براحتج، روحي
انتي اني احضرلهم الغراض

صعدت فوك طلعت عباية لبستهة
وعدلت شالي ونزلت جوة جان سند
بالصالة يحجي وية الشيخ، شوية
وجتي نرجس جايبة جنطه انطتهة
لسند

طلعنه اني وسند بالسيارة ذبيت
نفس وكلت: سند اعذرني بس ممصدكة
كلامكم انته ومهيمن

- ليش

- كل مرة يعلة صوت حارث بالبيت
بس هاي اول مرة انتة تدخل، وليش
اول ماشفتة كلت خلي مهيمن يطلع
مو يجي، اصلا ليش مهيمن، واذا
ضغطة الي مو زين شنو حطولة
جهاز اوكسجين

- نروح وتفتهمين

- يعني بي شي مو

- بي، الادوية مالتة بدلناهن
وهسة ديمر بفترة انسحاب

نداريت عليه فاتحة عيني
بصدمه: شلون تسوي هيج
وهوة ميدري

- سمومم هاي سموم دتكتلة

- اني هم ماصدك يخلص منهة
بس مو بهيج طريقة، تدري صار
يومين يلوب وميدري شبي

- الخلل مو بالطريقة، الخلل بي
بكل الاحوال هوة مدمن عليهن
ورح يعاني حتى يعوفهن

- يعني يبقة هيج

- اي بس بالمستشفى شوية
احسن لان رابطي باجهزة
للقلب وللتنفس لأن حيصير
عندة مشاكل ضغط وتنفس
هالفترة