الحارث

البـارت الثالث

الحارث
________________________

متندم بگد الفرق
مابين شكلي وعمري
حتى الحزن صاير ملل
وياي وانه بصغري
اتنفس ويمي الهوى
ليش اختنگ ما ادري
يمكن لان گلبي كبــر
جاي احس ضَيك صدري
________________________

ذبيت نفس:- عمة رحمه لأهلج كافي

-يمه فدوا اروحلك ليش تسوي هيج شلك
بشلعان الكلب يمه العمالة زلم مشوربة
تكسر ظهرهم عاد انته

-حجية كافي

-اهوووو ادري كاعدين بالشارع وما عدنه

-حجيه هسه اني مرتاح مرتااح خليني براحتي
شو اني كبرت وجاي اتعلم اعتمد على روحي،
واختي اني الي داربيها واصرف عليها
يخسه ابو التعب بعد

-اي هسه انته متوازي، عاد
خلص دراستك واشتغل واصرف
وابوك مامقصر

- اي صح كلللش يكيت علبه بفلوسة

-ياااا ولك ارعن احجي عدل

-دللي حبيبة، اني طالع عود

-بالسلامه يوم

طلعت مهيمن ماكو بالباب، سبحان الله
رحت دكيت الباب مالتهم شوية وطلعلي مهيمن

الحارث:- سفيهو ليش ماكو بالباب

مهيمن:- اعذرني جلالتك ابن الطراك، تأخرت بالنومة

-تنهدت، تعب مو؟

-ول كسران ظهر

ابتسمت وكلت ا: بس بشرفي ابو الهمم
ماكو من تشتريلهم حاجة ويفرحون بيها، يطير التعب

-هههه لتذكرني لبارحه أشتريت لعبة لياسر شفتها
بالرجعه، وهوه من جبتها لسه رايح جاي يبوس ويمطك بوجهي

-هههههه اللوكي

-اهلك شكالو عالشغل

-الحجية ماراضية بس تحجي علية، وبدرية تعاركت
وية صراع لأن أكبر مني ولا دراسة ولا شغل بس نوم
وأكل مثل المطي، وابوي هم تعارك وياي يكلي بيش
مقصر اني دتطلع بهاذ عمرك عمالة

- شيخنه محشوم من التقصير

ابتسمت بخفة: لا الحك هو يطشر، بس
ماريد منيته لا علية ولا عل اختي، وهم
ماعوفك وحدك، عالحلوة والمرة

- فدوة شحبك

الحارث: دستجني لج

-ضلع الضلوع

-هاا

مهيمن: والعباس احبك

الحارث: اني هم

مهيمن: ترة ادري

-چا دكل نعل

وصلنه للبيت الي رح نشتغل بي الساعه 5الفجر، بس هيكل بعدة،
جان الخلفة هناك وأحنه الشباب 5 ويا، ضلينهه نشتغل
ل12 الظهر تكسرنه ماضل بينه عظم صاحي، طلعنة دنرجع للبيت