الحارث

البـارت الرابع

• رواية: الحارث ♡
________________________

رُغم كل هاي المِعارف
جاي احسّ بروُحي مَحد
انا يا هو؟
انا وين؟
وهالسنين منيٌن اجتني؟
وياهو حَط ثگل السّما
كله إعله متني؟
________________________

المكان أظلم وبس سواد واني واكف بالنص، فجأة لمحت شي جاي بأتجاهي قلصت عيوني احاول اعرف وشفت... شفتها

فتحت عيوني بقوة وهمست: يوم

سمعت ضحكتها وكالت :الحاررث

-هاا

-فتحت ايدها وكالت :تعال لحضني حارث

حاولت احرك رجلي واروحلهة بس متتحرك كأنما احد مثبتني: مداكدرر

ابتسمت بحنان وكالت: تريد اجي يمك ؟ تريدني؟

بلعت ريكي وهمست:- اي يمه اشتاقيتلج

بدت تتقدم ببطئ باتجاهي ومبتسمه رديت الها الابتسامه

استمرت تتقدم بعدها لمحت شي بأيدها..........شي احمر

الصيخ الاحمرر

-يمه هاذه حارر مو.... ليش جبتي وياج....... مو احاجيج يمه رديييي شسوين بي

مردت عليه بس شايلته وتضحك وتتقدم باتجاهي بهدوء

بلعت ريكي : ر روحييي لتجين ماريدج

-هههه الحارث اني معفتككك ولا رح اعوفك

-دكلجج روحيييي مو اميي انتييي

-ماروح

-شتردييين مني انتي

استمرت تتقدم والصيخ بأيدهة:- شنو متريد امك حارث؟

حاولت اتحركك او احرك رجلي بس مكدرت ابد:- لا حارر يأذييي ماريده ولا اريدج روحيييي لج اكرهججج من كلللل كلبييي

أختفت أبتسامتها وهمست : مو بكيفك، وبدت تمشي بأتجاهي

-لاااااا روحي روحيييي ماريدددج اكلجج ماريددد

وصلت وصارت كدامي وحجت:لتخاف مني حارث اهده ما أذيك

-جذابههه

-حارث ، فتحت ايدها وحضنتني بقووه مبادلتهة بس ردت اشم ريحتهة اول مره تحضني

مجان اكو اي ريحهه ، والريحه والمشاعر الي يكولون عليها بحضن الام ودفوها محسيت بي

وبكل قوتي شهكت بعد ما هيه وحاضنتني دخلت الصيخ بنص ظهرييي

-الحارث اكعد... حارررث شبيكك حاررث

فتحت عيوني بقوة وتنفست بسرعة وهستيرية

نرجس: ع كيفك اهدة هاي شبيك

الحارث: بلعت ريكي وباوعتلها عيونها مليانه خوف، مابيه شي بويه بس جيبيلي مي

راحت للثلاجه الي بغرفتي وجابتلي بطل مي مجرش نزلت رجلي وكعدت عالجرباية شربت منه ونطيتهيا باوعت لجسمي عركان وايدي اليمنه ترجف بقوة