الحارث

البـارت الثلاثون

• رواية: الحـارث♡
__________________

عَيش بيدَك
موت بيدَك
طيح صَدفة
وَشوف چم أيد التَريدك

غَطي حِزنَك
نام ويَ هَمك
شوف ياهوّ يدَور ألبيك وَيضمُك

شوف ياهوّ..
الينفَض الدُنيا و يعُرفك

هَذا يَسوة يَعيش يمَك
هَذا يَسوة يَچيس شَعرك
هَذا يَسوة يموت بَيدَك
هَذا كُل روحة تَريدَك .

__________________

حسابات الابطال توجد في البارت الاخير من القصة ✨

دخلت للمطبخ شربت مي وتلفتت
باستغراب، دخلت نرجس شايلة
كتابهة رفعت نظرهة شافتني
ابتسمت وكالت، صباح الخير

افراح: صباح النور

تقدمت وكعدت عالكرسي وحطت
كتابهة عالميز تكمل قرايتهة

افراح: اكلج عمري

- ها حب

- كعدت ملكيت حارث ورواد
بالغرفة

- من زمان كاعدين طلعو للحديقة

- عادي اطلع مو

- اي روحي كاعدين بعيد عن الديوان

- تمام

طلعت وسديت باب المطبخ دخلت
للحديقة اتلفتت وشفت رواد ديلعب
طوبة ليغاد، رحت باتجاهة وصلت
ليمة وصاح: فرررح

ابتسمت وكلت: دوديي

- تعاي لعبي وياية

- ماعرف والله

- افف لعد انتضر ثند

- اي هوة شوية ويجي، ابوك وين

- ذاك

أشر ؏ جهة اليمين وشفتة كاعد
عالمرجوحة الي موجودة بنص الاشجار
ولازم التلفون تقدمت عليه ورفع راسة
من التلفون من كعدت بصفة: شو من وكت

- كعدت وملكيتكم، كلت اشوف شكو

- رحنه للبستان وقبل شوية جينة

- يعني هاي الايام كلهة معجبك تروح
من صحتك موزينة متقبل تكعد بكاع

- احسن ماضل كاعد الهي روحي دنساهن

- زين ليش رحت من الفجر تقريبا، منمت مو؟

- لا مكدرت انام

تقربت عليه حاوطت ايدة بأيدي وحطيت
راسي على جتفة: جان كعدتني

- ليش

- احسن حتى متضوج وحدك
بعد من متنام تكعدني وياك

- لا

- ليش لا، تعاند عود

أبتسمت من باسني من فوك الشال
وهمس: لا، ارد ابقة صافن بوجهج احسن

- وهاي انتة تخلص الليل حاط وجهك بوجهي

ضحك وهمس: وشفتج بشفتي هم