الحارث

البـارت الخامس عشر

• رواية: الحارث♡

_______________

وإنتظرتَك بين صَفنات ألليالي

وجَرح دُخان ألجگاير

وبين لچماتي و حَسرتي

وحيرتِي

و كَسرة ألخاطِر

وبين مدري ووين صاير؟

______________

بلعت ريكي ومشيت ايدي بهدوء
بين خصلات شعرهة رفعت راسي
ذبيت نفس طويلل بتعب ووكفت

رحت للجهة الثانية من الجرباية
لزمت راسي بألم وغمضت عيني

افراح:

طلعت من الحمام انشف بشعري
صارت عيني ع حارث البارحة نمت
وهوة مموجود بالبيت ماعرف
شوكت رجع

واستغربت نومتة بالبنطرون
يعني لو ينام بشورت لو بالبنطرون
ماكو حل وسط

كعدت يم المراية نشفت شعري
باوعت للساعة بالستة ونص
وهوة لسة مكاعد لميت شعري

ورحت كعدت عالجرباية
جان نايم على بطنة ووجهة باتجاهي

- حارث حارث

حركتة من ايدة فتح عينة شوية وعفس
وجهة وغطة عيونة بايدة

همس :سدي البردة

وكفت ورحت عالبردة سديتهة كلهة
انداريت علي نكلب على ظهره وفرك عيونه

الحارث: شتريدين

- كلشي ماريد حتتأخر عالدوام

- يا دوام

صفنت شوية وفتحت عيني باستيعاب

عضيت شفتي: ماعندك دوام اليوم

همس: نيالي وسحب الغطة على وجهة

- ليش نايم بالبنطرون

- حتى اطلع بالحلم

- نسيت الحذاء

- عالجايات

- حارث كووم

- وين

- هسة الحجية كاعدة نتريك وياهة

- بعدين اسبح وأجي

سحبت الغطة من علي: يلة
دارتب الجرباية

تنهد ووكف وراح للكنتور اخذ
ملابس ودخل للحمام

عزلت الغرفة ولست شالي
ونزلت جوة للمطبخ

افراح: صباح الخير

الحجية: صباح النور عمري

- حجيهه الحارث كاعد
هسة رح ينزل نتريك سوة

- خوش بنيتي

سند:

نزلت ورحت لغرفة الحجية جانت كاعدة
عالدوشك وحارث جان امدد وحاط مخدة
جوة ايدة ويحجي وية الحجية