الحارث

البـارت الثاني

• رواية: الحـارث♡
_______________________

هيه لحضه
تصير ذكره وتحرك بكلبك عمر..
______________________

حسابات الابطال توجد في البارت الاخير من القصة ✨

مرت أيام وشهور وسنين، والحياة مستمرة مابين ضحكه ودمعه
داخل بيت يعم بالمشاكل والمؤامرات والحقد والكره بكل افراده

-حجيت وأني ألبس بحذائي مستعجل

- لج حجيتي...
مهيمن ينتضرني تأخرت عليه

-گلبي ديلعب سالفتكم مو فارغه عدكم شي
صار كم يوم ما لافي للبيت بس تنام
وتطلع من الفجر

-لايضل بالج وداعتج اليوم ما أتاخر
قبل الغده أني يمج

طلعت للباب ولكيت مهيمن مرتجي عالحايط ينتضرني

مهيمن بأستهزاء: بعد وكت اخذ راحتك

الحارث: سامع بصباح الخير؟ لو مواصلتك

عدل وكفته وانحنالي بهدوء وكال:صح النوم
جلالتك المبجل ... ابن الطراك

-الساعه خمسه شسويلك؟
يعني شوكت اطلع بعد ؟

مهيمن:واني كلتلك بلخمسه لازم طالعين

عفته ومشيت: امشي نطلع لنتاخر

مهيمن: اي خطية شكد خايف نتأخر

-يبوفاضل لا تضل تنك ترة امرغلك هسه بلشارع

مهيمن: ابني ماكدر اسخت بالشغل هسة
هي كم يوم عطلة عندي اشد حيلي بيهن
يجي الدوام ما اكدر اسيطر ، ثالث وشغل
صعبة

طلعت جكارة وكلت بهدوء: اليسمعك
ميكول نجاحك كلة بالغش

مهيمن: مو الكل عندة كيكا براسة مثلك، انا
على هذا عقلي اذا اريد ادرس من صدك
اهلي يموتون جوع

حارث: اهلك اهلي، بالدوام نتعاون
بالمصرف لتضل تفكر

- هسه اني طامس وحاير اجيب العلاكة
لاهلي وقررت اشتغل، انت شعندك بهل
سالفه وصلوات خيركم بكد التمن

الحارث: خير شيخ سلمان هذا
انا شعندي ؟

مهيمن صوفر بتعجب:-الظاهر مشتده يمك

-لا وين بالعكس ، ملتهين بالذات امي من ولدت
نرجس اختفت ، بس انا ما طايق العيشه هناك
ولا طايقهم اصلاً

يمكن لو مو الحجيه جان هجيت من زمان

-افاا عليك چاا وانه وين رحت

- بربوك انت بكلبي

-اويلي ابطحك هسه بلشارع
انطيك معطه ام الطكه

- شتمعط ، بوزك لعبان نفس

ضحك مهيمن وهو يكول: ابن الحلو

بعد تعب وكرب ، رجعنا للبيت الساعه دعش الظهر متكسرين