الحارث

البـارت الواحد والعشرون

• رواية: الحـارث♡
_________________

ذمه برگبتك روحي وأيامي الخذتهن!
ذمه برگبتك ساعه ساعه
المانمتهن)..
_________________
صوت غريب يحيطني، يختلف عن الاصوات
الي تعودت عليهن، صوت يشبه الطنين مستمر

ذبيت نفس وفتحت عيني شوية
وغلقتهن بخفة بسبب الضوة
القوي المباشر على عيوني

اسمع ضجة واصوات مغوشة
لمسات خفيفة على ايدي وراسي

وبكل قوة باقية عندي فتحت عيني
بهدوء، رمشت شوية وكل الي ظاهر
كدامي غواش وضوة

وشوية شوية بدت الرؤية تتوضح
سكف ابيض فوكاية

نزلت نضري اباوع ليكدام جانت
عمتي كاعدة ؏ كرسي وضامة وجهة بالشيلة

حولت نضري على ايدي اليسرة
ايد ناعمة لازمتهة بقوة، نرجس

رفعت نضري الهة

كاعدة بالكاع ولازمة ايدي تباوعلي ودموعهة
تنزل بسرعة وشهكات قوية تطلع منهة

حجت من بين شهكاتهة بهمس: رجعت موو
معفتني ادري بيك، ابوية ميعوفني

بلعت ريكي احاول احجي، بس عبث
حتى النفس يرادلة جهد

دخل بسرعة سند وويا دكتور

سند تقرب على نرجس ووخرهة
والدكتور توجه الي

مجنت مستوعب حتى الي ديسوي
ايدة ونضرة يتنقل بيني وبين الاجهزة
الي بصفي

- الحمدلله على سلامتك يابطل

والرد الوحيد الي كدرت اسوي
أني غمضت عيني شوية ورجعت
فتحتهة

ندار ؏ الباقين وكال: حاليا جسمة
تعبان الافضل يرتاح شوية

طلع من الغرفة وحسيت بسند
نزل باس راسي وهمس: كسرت
ظهري بغيبتك خوية

رفع راسة وعيونة حمر تقدم ؏ نرجس
وكال: نرجس تعاي وياية خلي شوية يرتاح

باوعتلة وهزت راسهة برفض
لزمهة من ايدهة وكومهة وطلع وياها

وكفت الحجية وتقدمت علية بهدوء
والتعب مبين بوجههة

كعدت ؏ كرسي بصفي وتقدمت
وحاوطت وجهي بأيدهة وعيونهة
كلهة دموع

همست: شصاير بحالك يبعدي

حسيت روحي مختنك بعدت
وجهي عن ايدهة شوية، وهية
فتهمت ووخرت ايدهة

وبعد محاولات بللت شفتي وهمست
بصوت واهن: رواد

- زين يمة وينتضرك طاك كلبة
عليك

ذبيت نفس طويل وغمضت عيني بألم

- سودة بوجهي وليدي بية ولابيك

انفتحت الباب بقوة وطب مهيمن يلهث