الحارث

البـارت الواحد والاربعون

• رواية: الحـارث♡
____________________

سنه ماشايفك ، بس انت موجود .
لهسه اشتم عطر من شوفت العام !

____________________

حسابات الابطال توجد في البارت الاخير من القصة ✨
دنيا:

ابتعدت عنه بتوتر والتفتت باتجاهة
وضليت اباوعلة بنظرات خايفة وهوة
واكف بهدوء وايدة بجيبة لحد ما كال
بهدوء: كعدي اكلي لما أجي

زفرت نفس طويل براحة وحسيت
نفسي جنت كاتمة انفاسي طول وكفتنه
حولت نظري للأكل لجايبة والي حطة
عالميز، من التوتر اصلا ولا جوعانة
اكلت اني وواكفة لكمتين مو اكثر
وشربت مي شوية وكعدت عالجرباية
نزلت راسي وحاوطتة بايدي بألم

فزيت ورفعت راسي بسرعة من سمعت صوت
باب الحمام تنفتح باوعلي وكال: اهدي شبيج

نزلت راسي من شمر المنشفة الي جانت
على جتوفة وضل بلا شي يغطي صدرة
ضغطت على ايدي الي مثبتة نظري
عليهة وسمعت صوت سحب كرسي

دك كلبي بقوة من حط الكرسي كدامي
وكعد وتراجعت شوية ليورة من رجلة
طخت رجلي

هزيت راسي بقبول من سأل: أكلتي

كمل: زين، نبدي

همست: بشنو

- كلشي تحجيلي.. بالتفصيل
عن العار صالح و؏ الي صار
وليش سكتي وابوج وين جان
وامج واخوج، مرت عمج معقولة
متعرف واذا تعرف ليش سكتتلة
اذا تحرش بيج قبلهة او بعدهة
ووين وشلون واذا اكو احد شهد
او دليل

بلعت ريكي وهمست: ممصدكني

- من حقي اعرف هالاشياء.. الي اعرفة
بهل خصوص شي كلش سطحي

هزيت راسي وكلت متنهدة: أسألني
لتريدة وأجاوبك

- اتذكر اخوج محمد.. وينة حتى
بالعرس مشفتة

- ملتزم بعمل بالخارج ميكدر يرجع
بس يتصل بية دائما وكال عن قريب
يتواصل وياك.. هوة يعرفك اصلا

- ميعرف بالي صار وياج مو

هزيت راسي برفض وكمل: وأمج

- توفت بسبب سوء صحتهة

- اعرف، تدري لو لا

- اي

- شلون عرفت وليش محجت

تنهدت وكلبي ينبض بقوة من الخوف
بمجرد افكر اني رح اعيد احداث ذاك
اليوم كلهة، بللت شفتي وهمست: ابوية
سافر وية اخوية فترة يساعدة حتى
يستقر، بقينة بالبيت اني وامي وعمي
ومرت عمي

غمضت عيني شوية وايدي الي بحجري
ترجف وبقيت انظم انفاسي بلعت ريكي
وكملت بنبرة ترجف: هـ هوة جان يـ يتحارش
بية بس محد يدري

تنهد ونزل جسمه وشبك ايدة فوك رجلة
رفعت عيني أخيراً لعيونه، تنقل نظرة بين
عيوني الي مغوركة دموع، هادء لدرجة