الحارث

البـارت السادس والعشرون

• رواية: الحـارث♡
_________________

شلك بية
وطن مهجور
دم يابس
حلم مبيوگ
وبصدري كهف متروس
أظلم منفطر ، مسكون
ماظن وسطه تتهنه.
_________________

ذبيت نفس بعد ما اخذ ملابسة
وراح للحمام، رحت للجرباية
شلت المخدة وكعدت بمكانهة
متربعة وظهري عالجرباية
والمخدة خليتهة على رجلي

نزلت عيني عليه من طلع من
باب الحمام جان مبين تعبان هواي

عقدت حاجبي من تقدم للجرباية
من جهتي ومدد حاط راسة عالمخدة
ورفع ايدي خلاهة على شعره

- حتنام

- امم

- وشلون اكوم اني

حجة بتعب: لتكومين

- حلو، حركة جديدة بدور المتزوجين

ذب نفس وضل ساكت، حركت
اصابعي بشعره بخفة وبأظافري
احك فروة راسة بخفة

نزلت نظري لأيدة الي مادهة

- مكلتلي شبيهة ايدك ليش لافهة

حجة ومبين حينام من صوتة
الي خفت: لتدخلين هواي بالدور

- بس داسألك جاوبني

- انشكت

- يااا صدكك والله

- امم

- يعني هواي لو لا

- بسيطة

- رحت دكتور

حارث

همس بنعس: ها

- رحت للدكتور

- ايي

- اي وبس لفهة لو نطاك شي

- خيطهة

- شنو بسيطة وخيطهة

- مادري

- زين شجرحك هيج

- ترة جيت انام

- بس جاوبني

- كزاز

- عزهه، شوداك عليه

استغفر ورفع راسة راح لمكانة
نام ودار وجهة عالجهة الثانية

- شنو زعلت

زميت شفتي ومديت راسي
باوعتلة اصلا غاط بسابع نومة

عدلت شعري وجريت خصلة مبتسمة
احسة طولان هالفترة

كمت ورجعت المخدة لمكانهة سحبت
الغطة على حارث وطلعت من الغرفة

دخلت للمطبخ ونرجس بدت تصب الغدة

نرجس: ها نزل حارث

- لا نام

- لعد مو كتلة صار الغدة

- عادي من يكعد اسويلة صبي انتي

نداريت من دخلت بدرية للمطبخ
باوعت لنرجس وكالت: مو كتلج
انتظري الشيخ لما يرجع