الحارث

البـارت الثالث والثلاثون

• رواية: الحـارث
♡
___________________

ومنـــو گلك حالتي تصعب ؏ الكافــر؟
عايـن علـَيه عدل!

انه اڪسر عـَيون الشمـَس
ما اڪسر الخاطر !
___________________

افراح:

صعدت للغرفة ورواد لازم ايدي وابتسامته
ترس وجهة، دخلنه للغرفة وكمز عالجرباية
وكال: بعد اني وياج واختي ننام هنا

- وابوك وين

- بابه يم اخته

- خوش متفقين

كعدت عالجرباية بصفة ورفعت راسي
من دخل حارث

رواد: ها مو كلت اضل يم اختي

حارث: شسوي اشتاقلك بسرعة

حط العلاكة لبيهة الذهب عالميز وصعد
للجرباية متقدم على رواد حضنه ومدد
ورواد نايم على صدرة

رواد رفع راسة باوع لحارث
وكال: اني انام هنا بعد

حارث ابتسم ورجع شعر رواد من
على وجهة وكال: زين

- بس ميثير كلنه، انته بغرفة نرجث

- نزل ويدبج عالسطح

ضحكت وسحبت ايدة حطيتهة عالمخدة
وخليت راسي عليهة نايمة بصفة

حارث: دودي

- ها بابه

- بعد كم يوم للمدرسة تدري مو

- اي بعد ثتة

- اي بعد ستة، خلصت غراض المدرسة

افراح: ضلت بس القرطاسية

رواد: ثند كال اني اجيب قلمات ودفترات

حارث: اقلام ودفاتر حبيبي

رواد: اي، اروح اكله يجيبهن

حارث: بكيفك

رفع جسمه عن حارث وكال بحماس: اي
اكله ونثتري واحطهن بالجنطة

- ديلة

وكف عالجرباية وراح للحافة نزل
وطلع من الغرفة

حارث: ها اراضيج

افراح: استجن حويرث

حارث: هاا

- اي

- شو جيبي لعلاكة بصفج

- عود زعلت وحترجعهن

- دجيبي لج

مديت ايدي للميز الي يم الجرباية
وجريت العلاكة وحطيتهة على صدرة
طلع العلبة من العلاكة وفتحهة جانو
مرتبين القطع بيهة، باوعت باستغراب
من شفت بين القطع حلقة

طلع الحلقة ولزم ايدي ودخلة بهدوء
بأصبعي، أبتسمت بخفة من رفع ايدي
وباس باطنهة

باوعت للحلقة وكتلة: شوكت جبتهة