الحارث

البـارت الحادي عشر

• رواية: الحـارث♡

______________

جان يغنَّي :

بَس انتَ البقيت الما مبَچيني

وليدي انتَ وحَياتي وعُمري وسنيني

ودمعَت عَينه وبچه !

______________

افراح :

الم مو طبيعي من قوتة يضرب براسي
كليتي احسهة تشنجت من الالم
حتى البجي داحس يزيد المي
صرت بس اشهك واضغط على
صفحتي بمحاولة فاشلة ان اوكف الالم
اقل حركة احس تسويلي تشنج بمعدتي

اباوع للحجية الي تدافعلي، يمكن لو ما
هية واكفة وياية جان من البارحة بدرية
شامرتني من السطح

رفعت عيني للباب لمن دفرها الحارث
بقوة، عيونة صايرة بكصتة ووجهة احمر

وصرخ : بديرررريه

بدرية ندارت علي والحجية تقدمت
بأتجاهة تحاول تهدي

بس لا بدرية تحب تعلكهة

بدرية: شكوو تصيحح

الحارث: سنين وانه اعيدد عليجج
ما الجج ايي علاقة بيهه

وكلمتيي تمشي غصب على اكبر
رااس ، اليعجبه والي ميعجبه
منوو يكسررهة، انتيي ؟

بدرية : اكسرهة واكسرر راسكك هم
يا بلااا تربيهه، واليي ميعجبكك احجيي
بيي اصلكك يبن الفصليهه الي بلا اصلل
مبين حنييت لاصلك، الفصليهه عالراااس
ومرتك تنداااس

- حنييت لاصليي ،
ابن فصلييه ابن علوية ما الج دخل

ادوس الي ادوس
واليعجبني اخلي على راسي
انتي شكووو

- ادخلل وغصبب على راسكك
كلمتكك متمشيهه ببيتيي انيي
فوك ما ملفية هاي العرمة انوب ادللهة
وبنت اختيي حال الضيم حالهه
حتة ماا ججااي تشوف ابنهه

- هسة على هايي هوستجج؟

- خاتونتكك امم عيين صلفهههه
كلتلهة سويي زقنبوووت للغده ماتعررف
غسليي هالمواعييين مااا عاجبهه
عايفتهههن بوصخهن وماشيهه

دار وجهه من اشرت عالميز
جان اكو سيتات مواعين مامأكول بيهن
بس وصخاات كلهن تراااب مبين مضمومات

- لجج بدريهه ذني ببوفيتج من تزوجتي
ومامطلعتهنن اليوم صرتي نظيفهه

- ايي وهسهه تكوم تغسلهن وترجععهن
لاا والله اسويلكم هوسهه انتهه وياها
الهة اول مال الهة تالي

زم حلكه وهز راسه وبهدوء
تقدم عالميز وسحب الجرجف بقوة
ووكع بالكاع هوة والمواعين وهنة
كومهه تررس الميز صارن طشار

ندار على بدريه فاتحه عينها بقوة
عالمواعين  ولازمة صدرهة

حجة بهدوء ولا كأن قبل شوية
جان نار: اتوقع انتهت الهوسة مو