الحارث

البـارت الثامن والعشرون

• رواية: الحـارث♡
__________________

يـ چنك بيتنا وبس من أجيك أرتاح
__________________

افراح:

اندارت نرجس علية وكالت: ها نصب الغدة

- يلة هوة حتى الشيخ اجة توة

- تمام جيبي حارث واني حصب

- محتاجه شي

- صيحي هسة

- لا مو مانزل بعد

- والغده

- مجوعانه

- دروحي هوة انتي حتى ريوك
متريكتي، خاف مريضة

- لا بس تعبانة شوية

- تمام، روحي ارتاحي ماعندي
شي هية الحجية لفت الدولمه
بس اكلبهة

- خوش

شربت كلاص المي الي بأيدي
ورجعتة للميز ووكفت رجعتة
للمغسلة

نرجس: ليش دتعرجين

رمشت وكلت: ها

- مشيتج مثل البطريق مدري شلونهة

رجعت الكلاص وكلت: مو نلوت رجلي بالحمام

- ياا، خوما تأذيتي هواي

- لا عمري بس رجلي

- الحمدلله

- عمري انتي، يلة حصعد اني

- تمام

انداريت وطلعت من المطبخ
صعدت ووكفت لنص الدرج
وهمست بألم: شدعيلك يالبالي

ذبيت نفس وكملت الدرج رحت
للغرفة دخلت وسديت الباب
نداريت عليه كاعد عالجرباية
ورواد كاعد على بطنه يحجي
ويا

افراح: ها تنزلون تتغدون

حارث: متغدي اني

رواد: مجوعان

حارث: ليش بالله

رواد: هثة تريكت

رحت للجرباية وكعدت بصف حارث

- زين تكولولي شنو جنتو
تسولفون لو لا

رواد: ايي

- ايي شنو

صفك بايده مبتسم وكال: المدرثة

- شبيهة

- من رح تجي بابه
رح يثجلني

- صدككك، وانته تحبهة

- كوومهه

حارث: بس مو تروح ونسه
تروح تقره هم

رواد: أعرف

- بس ارقام واحرف، هناك تتعلم اكثر

- ثدك

- اي صدك

- اكول لنرجث تقريني؟

- بعد احسن