الحارث

البـارت الخامس والاربعون

• رواية: الحـارث♡
____________________

محَد يحبك بگدي آني بـاچي
عَـليك بگد هوسة ضحكهُـم
____________________

افراح:

رفعت نظري لنرجس الي فتحت
باب المطبخ ودخلت كالبة وجهة
كلت: ها شو الوجه ميبشر بخير

شمرت الكارت عالميز وكالت
بصوت مخنوك: يخزي المعدلل
يخزيي

تقدمت وسحبت الكارت من عالميز
باستغراب، رفعت نظري الهة وكلت: نرجس
صدك تحجين خوش درجات

ضربت رجلهة بالكاع وكالت بقهر: يا خوش
باعي بيهة ثمانينات اني من شوكت اجيب ثمانيات

تنهدت بقهر وسحبت الكرسي وكعدت
عالكرسي وجرت الشال بقوة شامرتة
ولزمت راسهة، تقربت عليهة ورفعت
راسهة ودفعت ايدي بسرعة وعيونهة
مدمعة، كلت: ترة نصف سنة متقدم
ولا تأخر، الوزاري هوَ الاساس

هزت راسهة برفض ونزلت راسهة
عالميز ضامة وجهة بين ايدهة
تتأفأف

ضلت بمكانهة واسمعها تتحسر كل
شوية، اني طفيت النار جوة الاكل
وانفتحت الباب ودخل حارث

رفعت راسي وكلت: الله يساعدك

- ويساعدج فريحان

ابتسمت وتقدم هوة وكال لنرجس
الي لسة راسهة عالميز: رحتي جبتي
الكارت

- جبتة

التفتت من رفعت الكارت وحطتة بأيدة
وكلت: شوف درجاتهة تجنن وكاعدة
تون من جابتهة لسة

اخذ الكارت وباوع للدرجات شوية
شوية وكال وعينة عليها: درجات
العام اعلى مو

رفعت نرجس راسهة لازمة شعرهة
وكالت: اي

نزل الكارت متنهد وكال: لا بأس بيهن
بالنسبة لتسخيتج، شدي حيلج للوزاري

رفعت حاجبي والتفتت لنرجس الي
عبست شفتهة تباوعلة وهزت راسهة
وكلت: يمكن لو خلصت السادس يمك
واجي اكمز من الفرحة ماخذة سبعين
جان شمرتني بالشارع

- هنيالي

طلع من المطبخ ونرجس تتنهد لسة
كلت: غلسي داده هاذَ جان نابغة ياكل
كتب حقة متعجبة درجاتنة

- صار سنتين اكلة رح اجيب هيج
ورح اسوي هيج ورح اطلع هيج
ولسة كلشي ماشاف مني.. افففف

- دكومي نصب غدة تعبت اني

- تمام

صبينة وبدينة نودي بالصالة وفرشنة
السفرة واجة الكل، دخل سند من الباب
وكال الشيخ وهوة ديغسل: زين من شفناك

سد سند الباب وكعد بعد ماغسل ونزل
حارث وبدينة ناكل كلنة عدا دنيا كالعادة
هالكم يوم مدنشوفها ابد غير مرات تطلع
هية وسند